നല്ലൊരു ലേഖനത്തിനു ശ്രീ പൗലോസ് സാറിനു നന്ദി. വല്ലവരും എഴുതിയത് പകർത്തുന്നതിനേക്കാൾ സ്വന്തം അറിവും അഭിപ്രായവും പ്രകടിപ്പിക്കുമ്പോൾ വായനക്കാർ ശ്രദ്ധിക്കുന്നു. ശ്രീ പൗലോസ് അദ്ദേഹത്തിന്റെ അറിവുകൾ പകരുന്നു. ഈഴവശിവനെയാണ് പ്രതിഷ്ഠിച്ചത് എന്നത് ദുർവ്യാഖ്യാനം ചെയ്യപ്പെട്ടു എന്നാണു സാനു മാഷ് പറയുന്നത്. "ശിവനെ ഒരു ജാതിയുമായി ഗുരു ഒരിക്കലും ബന്ധപ്പെടുത്തുകയില്ല" ഈശ്വരന്മാരെ കല്ല് രൂപത്തിൽ ഒരു അമ്പലത്തിൽ ഇരുത്തുന്നതിനുള്ള അവകാശം ബ്രാഹ്മണരക്കായിരുന്നു. ഗുരു ശിവലിംഗം പ്രതിഷ്ഠിച്ചപ്പോൾ ബ്രാഹ്മണർ ചോദ്യം ചെയ്തു. അപ്പോഴാണ് ഗുരു പറഞ്ഞത് ഞാൻ ഈശ്വരനെ ആരാധിക്കുന്നതിൽ ആർക്കെങ്കിലും ബുദ്ധിമുട്ടുണ്ടെങ്കിൽ അതെന്റെ ഈശ്വരനായി കരുതുക. ഗുരു ഈഴവനായതുകൊണ്ട് ഈഴവ ശിവൻ എന്നവ്യാഖാനം വന്നതാകാം. വാക്കുകൾ, വാചകങ്ങൾ , കേൾക്കുന്നതും, മനസ്സിലാക്കുന്നതും ആവർത്തിക്കുന്നതും ശ്രദ്ധിച്ചില്ലെങ്കിൽ പിഴവ് പറ്റാം. ആവർത്തനത്തിലൂടെ മൂലാർത്ഥം നഷപെടുന്നത് സ്വാഭാവികം. ഗുരുവിന്റെ ഒരു ജാതി, ഒരു മതം, ഒരു ദൈവം എന്ന ഉപദേശം അദ്ദേഹത്തിന്റെ ശിഷ്യനായ സഹോദരൻ അയ്യപ്പന് സ്വീകാര്യമായിരുന്നില്ല. അദ്ദേഹം അതിനെ നമുക്ക് ജാതിവേണ്ട, മതം വേണ്ട, ദൈവം വേണ്ട എന്നാക്കി. ജനങ്ങൾ അതേപ്പറ്റി ഗുരുവിനോട് പറഞ്ഞപ്പോൾ ഗുരു പറഞ്ഞത് അയ്യപ്പൻറെ പ്രവർത്തികളിൽ ഈശ്വരനുണ്ടെന്നാണ്. ജാതിവ്യവസ്ഥ ഗുരുവിന്റെ കാലത്തേക്കാൾ ഇപ്പോൾ ഗുരുതരമാണ്. ഗുരുവിന്റെ ആശയങ്ങൾ വളരെ കുറച്ച്പേർ ഓർക്കുന്നുവെന്നതും മഹാത്ഭുതം. കാരണം ഗുരുവിനെ ഈഴവ സ്വാമിയായാണ് ഇപ്പോൾ അവതരിപ്പിക്കുന്നത്. ജാതിവ്യവസ്ഥ മനുഷ്യരുളേടത്തോളം നില നിൽക്കും. ഇനി ഒരു ഗുരുവും ജനിക്കാൻ പോകുന്നില്ല.

ഒരു മനുഷ്യൻ അവന്റെ അല്ലെങ്കിൽ അവളുടെ വ്യക്തിത്വരൂപീകരണം ആഗ്രഹിക്കുന്നെങ്കിൽ ശ്രീനാരായണഗുരുവിനെ മാതൃക അയക്കാവുന്നതാണ്. പക്ഷെ ഇന്നത്തെ മനുഷ്യർക്ക് അത് ആവശ്യമില്ല . അവർ ഗുരുവിനെ ദേവനാക്കി മാറ്റി നിറുത്തിയിരിക്കുകയാണ് . യേശു എന്ന ഗുരുവിനെ ദൈവ പുത്രനാക്കി മാറ്റി നിറുത്തിയിരിക്കുന്നത് പോലെ . ദൈവം ഒരു സങ്കല്പമാണെങ്കിലും , ആ സാങ്കൽപ്പിക ദൈവത്തെ ആർക്കും ആവശ്യമില്ല . അവർക്കു വേണ്ടത് ആകാശത്തിനപ്പുറത്ത് സ്വർഗ്ഗത്തിൽ ഇരിക്കുന്ന ദൈവത്തെയാണ് ആവശ്യം . അവിടെ മാലാഖമാരോടും കന്യകമാരോടും ഒത്തു സുഖ ജീവിതം നയിക്കാൻ അവർ ആഗ്രഹിക്കുന്നു . അതിനു വേണ്ടി തല വെട്ടാനും കയ്യ് വെട്ടാനും ആർക്കും മടിയില്ല. സ്വന്ത ദൈവത്തെ പ്രീതിപ്പെടുത്താൻ സഹജീവികളെ നിഷ്ക്കരുണം കൊന്നൊടുക്കാൻ ആർക്കും ഒട്ടും മടിയില്ല . ഇങ്ങനെയുള്ള സന്ദർഭത്തിൽ വർഷത്തിൽ ഒരിക്കെലെങ്കിലും നല്ല ചിന്തകളിലൂടെ വായനക്കാരെ ഉദ്ധീപിപ്പിക്കുന്ന താങ്കൾക്ക് നന്ദി . അദ്ദേഹത്തിന്റ ആത്മോപദേശശതകം 56 -ൽ ഇങ്ങനെ പറയുന്നു . "കടലിലെഴും തിരപോലെ കായമോരോ - ന്നുടനുടനേറിയുയർന്നമറന്നിടുന്നു ; മുടിവതിനെങ്ങിതു ഹന്ത മൂലസംവിത് - കടലിലജസ്രവമുള്ള കർമ്മമത്രേ !" കടലിൽ തിരകൾ പൊന്തി മറയുന്നതുപോലെ പ്രപഞ്ചഘടകങ്ങൾ പൊന്തി വന്നു മറഞ്ഞുകൊണ്ടേയിരിക്കുന്നു. ഇതവസാനിക്കുന്നതല്ല . ഇത് ആധികാരണമായ ബോധസമുദ്രത്തിൽ അനാദിയായി സംഭിച്ചുകൊണ്ടിരിക്കുന്ന കർമമാണ് . "കേരളത്തില്‍ നിലനിന്നിരുന്ന ഇരുണ്ട കാലഘട്ടത്തില്‍ നിന്ന്‌ പ്രബുദ്ധമായ ഒരു യുഗത്തിലേക്ക്‌ കേരളത്തെ തിരിച്ചുവിട്ട നാരായണ ഗുരുവിന്റെ സന്ദേശങ്ങളിലെ യുക്തിചിന്തയുടെ മൂല്യമാണ്‌ അദ്ദേഹത്തിന്റെ തലമുറയേയും അനന്തരതലമുറകളേയും യഥാര്‍ത്ഥ സംസ്‌കാരത്തിന്റെ വെളിച്ചത്തിലേക്ക്‌ നയിച്ചത്‌" എന്നതിനോട് ഞാൻ യോചിക്കുന്നു . 'നയിച്ച്കൊണ്ടിരിക്കുന്നത്' എന്നതിന്നോട് ഒരിക്കലും യോചിക്കാനാവില്ല. മനുഷ്യർ മനുഷ്യരെ സ്വതന്ത്രമായി ചിന്തിക്കാൻ അനുവദിക്കാതെ അടിമകളാക്കി ചൂഷണം ചെയ്യപ്പെടുന്ന ഒരു സംസ്കാരമാണ് മതങ്ങളിലും രാഷ്ട്രീയത്തിലും കാണുന്നത് . ഈശ്വരൻ ഒരു സങ്കൽപ്പമാണെങ്കിൽ നാസ്തികൻ നാം സ്വപ്നം കാണുന്ന സ്വഭാവ വിശേഷങ്ങൾ ഉള്ളവരല്ലേ ? അവർക്ക് മതത്തിന്റെ അതിർ വരമ്പുകൾ ഇല്ലാതെ മനുഷ്യ വർഗ്ഗത്തെ സ്നേഹിക്കാൻ കഴിയുന്നു . 'ഒരു ജാതി ഒരു മതം ' അതാണവരുടെ മതം . അത് എന്ന് സാധിക്കുമോ ആവോ ? "രക്തമാംസങ്ങൾക്കുള്ളിൽ ക്രൂരമാം മതത്തിന്റെ ചിത്തരോഗാണുക്കളുമായി" (ആയിഷ -വയലാർ) മനുഷ്യർ ഇവിടെ തമ്മിതല്ലി മരിക്കുന്നു- ശ്രീ നാരായണഗുരുവും ,യേശുവും , കൃഷ്‌ണനും , അള്ളായും , യെഹോവയും , ബുദ്ധനും എല്ലാം കൂടി ഒരുമിച്ചൊന്നവതരരിച്ചിരുന്നെങ്കിൽ എല്ലാത്തിനും ഒരു പരിഹാരം ഉണ്ടായിരുന്നു . ആ സ്വാപനങ്ങളുമായി ഞാൻ കഴിയുന്നു . നല്ലൊരു ലേഖനത്തിന് നന്ദി .വീണ്ടും വരിക .

നല്ല ലേഖനം മാഷെ! നന്ദിയുണ്ട് , ഇത്രയും തുറന്നു എഴുതിയതിൽ. യേശു ക്രിസ്തു വിന്റെ ഉപദേശങ്ങൾക്കു സമാന്തരമായി ഞാൻ ബഹുമാനിക്കുന്ന അനേകം തത്വങ്ങൾ പഠിപ്പിച്ച ശ്രീ നാരായണ ഗുരുവിനെ, മലയാളത്തിന്റെ മഹാ ഭാഗ്യമായി ഞാൻ കാണുന്നു. മതങ്ങൾ തത്വങ്ങളെ വളച്ചൊടിച്ചു, പണവും ശക്തിയും അധികാരവും ആക്കി മാറ്റുന്ന ദുർവിധിയെ ആണ് മനുക്ഷ്യൻ നേരിട്ടുകൊണ്ടിരിക്കുന്നതു. സത്യ സന്ധതയും, പ്രേതീകരണ ശേഷിയും ഉള്ള നേതാക്കളും അവർക്കു ശക്തി നൽകുന്ന ഒരു കൂട്ടവും മുന്നോട്ടിറങ്ങാതെ, നന്മയിലേക്ക് ചലിക്കാനാവില്ല. ഒരു മനുക്ഷ്യ മതവും ഒരു ദൈവവും.... നിയമങ്ങൾക്കു സ്വാധീ നിക്കാൻ ആവാത്ത ധാര്മീകതയെയും സദാചാരങ്ങളെയും പഠിപ്പിക്കാനും പരിചായിപ്പിക്കാനുമായി. ഉദാഹരണമായി, സ്നേഹം നിയമ പരമാക്കാൻ സാദ്ധ്യ മാവില്ല..(ഉള്ളു തുറന്ന സ്നേഹം). അത് മതത്തിൽകൂടെ നടക്കും. പക്ഷെ പണവും അധികാരങ്ങളും ദൂരെ...ദൂരെ.. മാറ്റി വയ്ക്കണം. ഒരു പ്രത്യേക പരിഗണനയ്ക്കും ആവകാശ മില്ലാതെ.... യുക്തി ഭദ്രമായ വിശ്വാസങ്ങളെ മാത്രമേ അനുവദിക്കാവൂ ......... ഇതെല്ലാം നിയന്ത്രിക്കേണ്ട ഗവണ്മെന്റും ഉദ്യോഗസ്ഥരും ഒക്കെ അഴിമതിയിൽ മുങ്ങി കിടന്നാൽ ........ഈശ്വരോ.....രക്ഷതു .....