-->

America

ആര്‍ക്ക് മനശാന്തി, ഏതു തീര്‍ത്ഥം ? (കവിത: മാര്‍ഗരറ്റ് ജോസഫ്)

Published

on

കണ്‍കണ്ട ദൈവികമൂര്‍ത്തികളാകുന്ന,
മന്നിടം വിണ്‍മയമാക്കിടുന്ന,
മാതാപിതാക്കളേ, ജീവസമ്മാനമാം-
മക്കളില്‍ നിര്‍വൃതികൊള്ളുന്നുവോ?
കണ്ണീരില്‍ പുഞ്ചിരിപ്പൂക്കള്‍ വിരിയിച്ച്,
വേദനയാനന്ദമാക്കുവോരേ,
ഉണ്ണാതുറങ്ങാതെയൂട്ടിവളര്‍ത്തിയ,
ഉണ്ണികളെയോര്‍ത്തിരിക്കുന്നുവോ?
ജീവിതപ്പൂജയാലോരോ കുടുംബവും,
ശ്രീകോവിലാക്കുമിപ്പൂജാരികള്‍,
ജന്മാന്തരങ്ങള്‍ക്ക് കണ്ണികള്‍ കോര്‍ക്കുന്ന,
എത്ര മഹത്തരമാം നിയോഗം!
സ്‌നേഹാര്‍ദ്ര വാത്സല്യധാരയാകുന്നവള്‍,
അമ്മിഞ്ഞപ്പാലാഴിയാക്കുന്നവള്‍,
സന്മാര്‍ഗ്ഗപാഠങ്ങളോതിത്തരുന്നവള്‍,
സാന്ത്വനദീപം തെളിക്കുന്നവള്‍,
സര്‍വം സഹിക്കുന്ന ത്യാഗമാകുന്നവള്‍,
പെറ്റമ്മയെന്ന ചുമടുതാങ്ങി,
നിഷ്കാമ്മ കര്‍മ്മങ്ങള്‍ക്കാചാര്യയാകുന്ന-
സിദ്ധിക്കുടമയാം ധന്യയെത്രെ.
തായ്മരമേ, നിന്നില്‍ പൊട്ടിമുളച്ചവര്‍,
നാഭിച്ചുഴി ജന്മമുദ്രയായോര്‍,
താതനില്‍ നിന്നു തന്‍ സ്വത്ത്വമെടുത്തവര്‍,
ചോരയില്‍ നീരില്‍ തളിര്‍ത്ത തൈകള്‍,
ആത്മശരീരങ്ങള്‍ക്കൂര്‍ജ്ജം ലഭിച്ചവര്‍,
ആപാദചൂഡം കടപ്പെട്ടവര്‍,
രാപ്പാകലക്കരമാശ്രയമായവര്‍,
ലോകമക്കണ്‍കളില്‍ ദര്‍ശിച്ചവര്‍,
സ്വന്തം തനയരിന്നെത്രപേരീഭൂവി,
സ്വാര്‍ത്ഥത രൂപമെടുത്തവരായ്.
ജന്മദാതാക്കളാമമ്മയെ, യച്ഛനെ-
ആട്ടിയിറക്കുന്ന നാഥരെപ്പോല്‍,
ആലംബമറ്റവര്‍ക്കാശ്വാസമേകാതെ,
ദു:ഖകടലിന്‍ നടുവിലേക്ക്....
കഷ്ടം, ദയനീയ, മമ്പേ ഭയാനകം!
വാര്‍ദ്ധക്യമേ, വിധിയീവിതമോ?
രക്ഷകര്‍ത്താക്കളെ നിര്‍ദയം നിന്ദിച്ച്-
ശിക്ഷ വിധിക്കുന്നതെന്തു നീതി?
മാറാത്തു മാറാതെയൊട്ടിക്കിടന്നവര്‍,
താങ്ങും തണലും കൊടുക്കേണ്ടവര്‍,
ഓര്‍മ്മമകനേ, മകളേ, യീക്രൂരത,
ആര്‍ക്കു മനശ്ശാന്തി, ഏതു തീര്‍ത്ഥം?

Facebook Comments

Comments

  1. " മാറത്തു മാറാതെ ഒട്ടികിടന്നവർ താങ്ങും തണലും കൊടുക്കേണ്ടവർ " ഓരോ മക്കളും വായിക്കേണ്ട മനോഹരമായ കവിത..!! മാർഗരറ്റ് ജോസഫ്ന് അഭിനന്ദനങ്ങൾ 🌹🌹

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഊഞ്ഞാല്‍...(ചെറുകഥ: അനീഷ് കേശവന്‍)

ഇലകൾ പൊഴിച്ച ഒരു മരം (കഥ: പുഷ്പമ്മ ചാണ്ടി )

അമ്മയും ഞാനും (രമാ പ്രസന്ന പെരുവാരം)

അമ്മ (കവിത: ഡോ.എസ്.രമ )

അമ്മ (ജയശ്രീ രാജേഷ്)

വളയിട്ട കിനാവുകള്‍ (കവിത: ഷാജന്‍ ആനിത്തോട്ടം)

അമ്മ നിലാവ് (രേഖ ഷാജി)

നക്ഷത്രരാവുകൾ (അനിൽ.ടി.പ്രഭാകർ)

നിദ്രാവിഹീനം (മിനിക്കഥ: ബീന ബിനിൽ)

പാമ്പും കോണിയും - നിർമ്മല - നോവൽ - 45

അപരോക്ഷം (കവിത: വേണുനമ്പ്യാര്‍)

കോർപ്പറേറ്റ് ഗോഡസ്സ് - പുഷ്‌പമ്മ ചാണ്ടി - ഭാഗം - 9

നാടുകാണി (കവിത: മുയ്യം രാജന്‍)

നക്ഷത്രങ്ങള്‍ പറയുന്നത്(കവിത: രാജന്‍ കിണറ്റിങ്കര)

നനയുന്ന പെരുമഴകൾ (കഥ : രമണി അമ്മാൾ )

യുദ്ധവും കലാപവും ഇല്ലായിരുന്നെങ്കിൽ (കവിത സുനിൽ)

പുനർജ്ജനി (കവിത: ബിന്ദുജോൺ മാലം)

കാര്യസ്ഥന്‍ (നോവല്‍ -അധ്യായം -10: കാരൂര്‍ സോമന്‍)

മുദ്ര (കവിത: പുഷ്പ ബേബി തോമസ് )

നീയേ സാക്ഷി (കവിത: രേഖാ ഷാജി)

വരുവിൻ, കാണുവിൻ, ധൃതംഗപുളകിതരാകുവിൻ (നർമ്മകഥ: നൈന മണ്ണഞ്ചേരി)

Is Love Real or Does an Arranged Marriage Just Make Sense? (Asha Krishna)

സന റബ്സിന്റെ ഏറ്റവും പുതിയ നോവലെറ്റ് --- വെയിട്രസ്

മഷിക്കുമിളകൾ (രാജൻ കിണറ്റിങ്കര)

ജാതകദോഷം (ചെറുകഥ: സാംജീവ്)

എങ്കില്‍ (കവിത: വേണുനമ്പ്യാര്‍)

കുട്ടൻ (കവിത: ശങ്കരനാരായണൻ മലപ്പുറം)

ജന്മം (കവിത: ദീപ ബിബീഷ് നായര്‍)

അനിത (കഥ : രമണി അമ്മാൾ)

എന്റെ പ്രണയം (ജയശ്രീ രാജേഷ്)

View More