-->

EMALAYALEE SPECIAL

ഒരു വീട് സ്വന്തമാക്കാന്‍ പെടുന്ന പെടാപ്പാട്! (ജോര്‍ജ് തുമ്പയില്‍)

Published

on

കോവിഡിന് ശേഷം വിപണി ഒന്നു ഉണരുകയാണ്. ആ നിമിഷത്തില്‍ ഇതാ, വീട് വാങ്ങുന്നവര്‍ എന്തു ചെയ്യണമെന്നതിനെക്കുറിച്ച് ചില ഓര്‍മ്മപ്പെടുത്തലുകള്‍. പലപ്പോഴും വീട് അന്വേഷിച്ചു നടക്കാനോ അതിനു വേണ്ടി വിലപേശല്‍ നടത്താനോ പറ്റാത്ത സാഹചര്യമാണുള്ളത്. അങ്ങനെയുള്ളവര്‍ റിയല്‍റ്റര്‍മാരെ ആശ്രയിക്കുന്നു. അവരുടെ പിന്തുണയോടെ കൂടി വീട് വാങ്ങുന്നു. ഇത്തരക്കാരെ സമീപിക്കുന്നതിനു മുമ്പ് എന്തൊക്കെ ശ്രദ്ധിക്കണമെന്നു നോക്കാം. കോവിഡിന് ശേഷം ന്യൂയോര്‍ക്ക്, ന്യൂജേഴ്‌സി എന്നിവിടങ്ങളിലെ വീടുകള്‍ ദിവസങ്ങള്‍ക്കുള്ളില്‍ വില്‍ക്കുന്നുണ്ട്. എന്നാല്‍ പലേടത്തും വില്‍പ്പനയ്ക്ക് ഏകീകൃത സ്വഭാവമില്ലെന്നതാണ് രസകരം. പലതും അമിത വില ചോദിക്കുന്നു, ചിലര്‍ കൊടുക്കുന്നു, ചിലര്‍ വിലപേശുന്നു. അതു കൊണ്ട് തന്നെ അനിശ്ചിതത്വം നിറഞ്ഞതാണ് ഈ വിപണി. വില്‍പ്പനയും വാങ്ങലും ഒക്കെയും വിപണിയുടെ സത്യസന്ധമായ രീതിയിലാണെങ്കിലും അത് വാങ്ങുന്നയാളുടെ കഴിവിനെ കൂടി ആശ്രയിച്ചിരിക്കുന്നുവെന്ന് പറയേണ്ടി വരും.

ഒരു വീട് വാങ്ങുന്നതിനു മുമ്പ് എന്തൊക്കെ ചെയ്യണമെന്നു നോക്കാം. മുന്‍കൂട്ടി അംഗീകാരം നേടിയ ഒരു വീട് വില്‍പ്പനക്കാരനെ  സമീപിക്കുകയാണ് ആദ്യം വേണ്ടത്. കൂടാതെ വീട് വാങ്ങാനുള്ള എലിജിബിളിറ്റി നേടുന്നതും ഗുണം ചെയ്യും. ഇന്നത്തെ വിപണിയില്‍ ഈ മുന്‍കൂട്ടി അംഗീകാരം നേടുന്നത് വില്‍പ്പനക്കാരില്‍ കൂടുതല്‍ ശക്തമായ മതിപ്പ് ഉണ്ടാക്കും. ഈ പ്രക്രിയ നിങ്ങളുടെ സാമ്പത്തിക സ്ഥിതിയെക്കുറിച്ച് ആഴത്തില്‍ മനസ്സിലാക്കാന്‍ അവസരമൊരുക്കുന്നു. പ്രത്യേകിച്ച് നിങ്ങളൊരു മോര്‍ട്ട്‌ഗേജിനു വേണ്ടി ശ്രമിക്കുകയാണെങ്കില്‍. അത് നിങ്ങളുടെ ക്രെഡിറ്റ് സ്‌കോര്‍, ബാങ്ക് സ്‌റ്റേറ്റ്‌മെന്റുകള്‍ എന്നിവ ലോണ്‍ കൊടുക്കുന്നവര്‍ നോക്കും. "വാങ്ങുന്നവര്‍ ശരിക്കും ഗൗരവമുള്ളവരാണെന്നും ശരിക്കും വാങ്ങാന്‍ കഴിയുമെന്നും ഇത് വില്‍പ്പനക്കാരനെ കാണിക്കുന്നു," റീമാക്‌സ് റിയല്‍ എസ്റ്റേറ്റ് സ്ഥാപനത്തിലെ സിമി പറഞ്ഞു. ഡോവര്‍ സെന്റ് തോമസ് ഓര്‍ത്തഡോക്‌സ് ഇടവകയുടെ പള്ളിക്കെട്ടിടം വില്‍ക്കാന്‍ മുന്നില്‍ നിന്നതും സിമി തന്നെയായിരുന്നു.

ഒരു വീട് വാങ്ങുന്നതിനായി പണം നല്‍കാന്‍ കഴിയുമെങ്കില്‍ അത് ചെയ്യുക. പണം നല്‍കുന്നത് എല്ലായ്‌പ്പോഴും വില്‍പ്പനക്കാരനെ കൂടുതല്‍ ആകര്‍ഷിക്കുന്നു, കാരണം അവര്‍ക്ക് ലോണ്‍ പ്രക്രിയയുടെ സങ്കീര്‍ണതകള്‍ ഇല്ല. നിങ്ങളുടെ വീട് വിറ്റ് ലാഭം ഉപയോഗിക്കാന്‍ ഇതവര്‍ക്ക് പെട്ടെന്ന് കഴിയും. വീട്ടിന്റെ കാര്യങ്ങളെക്കുറിച്ച് വില്‍പ്പനക്കാരന്റെ ഏജന്റിനോട് കൂടുതല്‍ ചോദ്യങ്ങള്‍ ചോദിക്കുക. അവരോട് ചോദ്യങ്ങള്‍ ചോദിക്കുമ്പോഴും വീടിനേക്കുറിച്ച് കൂടുതല്‍ കാര്യങ്ങള്‍ അന്വേഷിക്കുമ്പോഴും അവരെന്തു കരുതുമെന്നോര്‍ത്ത് ലജ്ജിക്കരുത്. നിങ്ങളുടെ പക്കലുള്ള കൂടുതല്‍ വിവരങ്ങള്‍ ഇവിടെ ഉപയോഗിക്കാം. തുടര്‍ന്ന് വേണം ഒരു ഓഫര്‍ തയ്യാറാക്കാന്‍. നിങ്ങള്‍ നല്‍കുന്ന പണം ശരിക്കും മൂല്യമേറിയതാണെന്ന് അവര്‍ക്കു തോന്നണം. "കഴിഞ്ഞ ദിവസം ഞാന്‍ ഈസ്റ്റ് ഹാനോവറിലെ ഒരു വീട്ടിലായിരുന്നു, അതിന് 15 ഓഫറുകള്‍ ലഭിക്കുമെന്ന് പ്രതീക്ഷിച്ചിരുന്നു. എന്നാല്‍ വന്നത് മൂന്നു പേര്‍ മാത്രമായിരുന്നു. അവര്‍ ശരിയായി തന്നെ വിലപേശി.' മോറിസ്റ്റൗണിലെ ബ്രിഡ്ജ്‌വേ മോര്‍ട്ട്‌ഗേജ്, റിയല്‍ എസ്‌റ്റേറ്റ് സര്‍വീസസിന്റെ മൈക്കല്‍ റീഡ് പറഞ്ഞു. "അത് വില്‍പ്പനയുടെ സ്വഭാവം തന്നെ മാറ്റുന്നു. ഏറ്റവും മികച്ചതിനെയാണ് കൂടുതല്‍ പേരും ഉറ്റു നോക്കുന്നത്. അവരോട് റിയല്‍റ്റര്‍മാര്‍ കൂടുതലായി സംസാരിക്കാന്‍ ഇഷ്ടപ്പെടുന്നു. അവര്‍ക്കറിയാം അത് ശരിക്കും വാങ്ങാനെത്തിയവര്‍ തന്നെയാണെന്ന്.'

ഇനി ഏജന്റുമാരോട് അത്ര പ്രതിപത്തിയില്ലെങ്കില്‍ നേരെ, ലിസ്റ്റിംഗ് ഏജന്റിലേക്ക് ബന്ധപ്പെടുക. അവരെ നിങ്ങളുടെ റിയല്‍റ്ററായി ഉപയോഗിക്കുക. നിങ്ങള്‍ ഒരു റിയല്‍റ്ററുമായി പ്രവര്‍ത്തിക്കുന്നില്ലെങ്കില്‍വീട് വാങ്ങാന്‍ പോകാനുള്ള ഏറ്റവും നല്ല മാര്‍ഗ്ഗം ഈ ലിസ്റ്റിങ്ങാണ്. "ഇപ്പോള്‍ റിയല്‍റ്റര്‍ ഡീല്‍ ഇരട്ടിയാക്കുന്നു,' റീഡ് പറഞ്ഞു. "ഇത് അവര്‍ക്ക് കുറച്ചുകൂടി പ്രോത്സാഹനം നല്‍കുന്നു.' ചില സമയങ്ങളില്‍ ഏജന്റ് കമ്മീഷനില്‍ നിന്ന് അല്‍പ്പം വെട്ടിക്കുറയ്ക്കും, മാത്രമല്ല ഇടപാട് നടത്തുമ്പോള്‍ ഇത് കൈകാര്യം ചെയ്യേണ്ട ഒരു വ്യക്തി കുറവാണ്. അടുത്തിടെ മോറിസ്റ്റൗണില്‍ അദ്ദേഹത്തിന് ഒരു ലിസ്റ്റിംഗ് ഉണ്ടെന്നും അദ്ദേഹത്തെ നേരിട്ട് സമീപിച്ച ആളുകളുടെ എണ്ണത്തില്‍ ഞെട്ടിപ്പോയെന്നും റീഡ് പറഞ്ഞു.

ഇപ്പോള്‍ പല വാങ്ങലുകാരും വീട് പരിശോധനയും വിലയിരുത്തലും ഒഴിവാക്കുകയാണ്. അവര്‍ പൂര്‍ണ്ണമായും റിയല്‍റ്റര്‍മാരെ വിശ്വസിക്കുന്നു. അവസാനം വരെ വിലപേശുക എന്നതാണ് അവരുടെ രീതി. ലാവല്ലെറ്റിലെ ബിര്‍ച്‌ലര്‍ റിയല്‍റ്റേഴ്‌സിന്റെ എറിക് ബിര്‍ക്ലര്‍ പറഞ്ഞു, വാങ്ങുന്നയാള്‍ക്ക് എപ്പോഴും ഒരു വീട് പരിശോധന നടത്താന്‍ കഴിയും. പ്രധാന ഘടനാപരമായ പ്രശ്‌നങ്ങള്‍ക്ക് പുറമെ വില്‍പ്പനക്കാരനെ അവര്‍ ബാധ്യസ്ഥരാക്കില്ല. അതായത്, വാങ്ങുന്നയാള്‍ വീടിന്റെ പ്രശ്‌നങ്ങള്‍ പറയും, വില്‍ക്കുന്നയാള്‍ അതിന്റെ മേന്മയും വെളിപ്പെടുത്തും. ഒടുവില്‍ ചില അറ്റകുറ്റപ്പണികള്‍ കണ്ടെത്തി വാങ്ങുന്നവര്‍ വില കുറയ്ക്കാന്‍ വില്‍പ്പനക്കാരനെ നിര്‍ബന്ധിതനാക്കും.

ഇനി വേറൊരു കൂട്ടരുണ്ട്. ഏറ്റവും ഉയര്‍ന്ന ബിഡിനേക്കാള്‍ ഒരു നിശ്ചിത വില കൂടുതല്‍ പറഞ്ഞ്, മോഹവില വച്ച് വാങ്ങുന്നവര്‍. ഒന്നിലധികം ഓഫറുകള്‍ ഉള്ളിടത്ത് ഇത് ഇഷ്ടപ്പെട്ട വീടു വാങ്ങിയെടുക്കാന്‍ സഹായകരമാണ്. "ഈ വര്‍ഷം ഞാന്‍ ഇത് ആദ്യമായി കണ്ടു," റീഡ് പറഞ്ഞു. ചെസ്റ്ററിലെ ഒരു വീട്ടില്‍, വാങ്ങുന്നയാള്‍ ഒരു നിശ്ചിത ശതമാനം അല്ലെങ്കില്‍ ഡോളര്‍ തുക ഏറ്റവും ഉയര്‍ന്നതിനേക്കാളും മികച്ചതായിരിക്കും എന്ന് പറഞ്ഞു. ഏകദേശം 780,000 ഡോളറിന് ലിസ്റ്റുചെയ്തിരിക്കുന്ന ഈ വീട് 803,000 ഡോളറിന് വിറ്റു. ഏജന്റുമാര്‍ക്ക് ഏറ്റവും ഉയര്‍ന്ന ഓഫറിന്റെ തെളിവ് കാണിക്കേണ്ടതില്ല, അതിനാല്‍ വിശ്വാസത്തിന്റെ ഒരു ഘടകമുണ്ട്.

ഇനി മറ്റൊന്ന്, വില്‍പ്പനക്കാരനുമായി ഒരു സ്വകാര്യ കണക്ഷന്‍ ഉണ്ടാക്കുകയെന്നതാണ്. നിങ്ങള്‍ വീടിനെ എന്തിനാണ് സ്‌നേഹിക്കുന്നതെന്ന് വിശദീകരിച്ച് വില്‍പ്പനക്കാരന് ഒരു മെയില്‍ അയയ്ക്കുക. ഈ അഭിനന്ദനങ്ങളും വ്യക്തിഗത കണക്ഷനുകളും നിങ്ങളുടെ ഓഫര്‍ നോക്കാന്‍ കൂടുതല്‍ സമയം ചെലവഴിക്കാന്‍ വില്‍പ്പനക്കാരനെ പ്രേരിപ്പിച്ചേക്കാം, സിമി പറഞ്ഞു. അല്ലെങ്കില്‍ നിങ്ങളുടെ ഓഫര്‍ അല്‍പ്പം കുറവാണെങ്കില്‍പ്പോലും മറ്റൊരു ഓഫറിനേക്കാള്‍ അവര്‍ക്ക് നിങ്ങളുമായി കൂടുതല്‍ സുഖം തോന്നാം. "റിയല്‍ എസ്‌റ്റേറ്റ് ഒരു വൈകാരിക കാര്യമാണ്,' സിമി പറഞ്ഞു. ശരിയല്ലേ, നമ്മുടെ ബജറ്റിന് വീടു വാങ്ങുകയെന്നത് വലിയ കാര്യമാണ്. അതിനായി ഏതു മാര്‍ഗ്ഗം നോക്കുന്നതിനും തെറ്റില്ല!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

വായനയുടെ വഴിയോരത്ത് (വിജയ്.സി.എച്ച്)

നാടും വീടും ഇല്ലാത്തവരുടെ നൊമ്പരങ്ങളുടെ 'നൊമാഡ്‌ലാൻഡ്': ഇതും  അമേരിക്ക (സിനിമ: റഫീഖ് തറയിൽ, ന്യു യോർക്ക്)

കാണികളില്ലാത്ത ഒരു തൃശൂർ പൂരം  എത്ര വലിയ തമാശയാണ്‌? (ഡോ.സതീഷ് കുമാർ)

നായനാർ തമാശകൾ (സി.കെ.വിശ്വനാഥൻ)

ചങ്കിടിപ്പോടെ ജോസും ജോസഫും; മധ്യ കേരളത്തിന്റെ മനസാക്ഷി ആര്‍ക്കൊപ്പം? (ജോബിന്‍സ് തോമസ്)

ഓണ്‍ലൈന്‍ കൊലപാതകങ്ങള്‍ (വിജയ്.സി.എച്ച്)

ഒരൊറ്റ നോമ്പോര്‍മ്മയില്‍ പല കാലങ്ങള്‍ (കെ പി റഷീദ്)

Ode to a bi-centenarian college; golden lilies for its nonagenarian professor (Kurian Pampadi)

The underlying destructive forces of the Indian economy (Sibi Mathew)

മാങ്ങപറീ...ചെളിക്കുത്ത്...ചിക്കൻ...ചക്ക.... (ശങ്കരനാരായണൻ മലപ്പുറം)

പ്രസംഗകല - സുകുമാര്‍ അഴീക്കോട് സമാഹരണവും പഠനവും (ഭാഗം-14: ഡോ. പോള്‍ മണലില്‍)

ബിറ്റ്കോയിൻ!  അത്ഭുത വിളക്കും മറിമായവും (ഡോ. മാത്യു ജോയ്സ്, ലാസ് വെഗാസ്)

ഡൽഹിയും ബ്രിട്ടാസിന്റെ മട്ടൻ കറിയും: പി പി അബൂബക്കർ

ഒരു പേരിലെന്തൊക്കെയോ ഉണ്ടെന്റെ ഷേക്സ്പിയറെ... (മൃദുല രാമചന്ദ്രൻ, മൃദുമൊഴി 4)

ഇലക്ഷനിൽ മാധ്യമങ്ങൾ നിന്ദ്യമായ രീതിയിൽ പെരുമാറിയെന്ന് യു. പ്രതിഭ എം.എൽ.എ 

ആ അഗ്നിച്ചിറകുകൾ അരിഞ്ഞതാരാണ്..? (ഉയരുന്ന ശബ്ദം - 34: ജോളി അടിമത്ര)

ബ്രിട്ടാസിനെ രാജ്യസഭാംഗമാക്കാനുള്ള തീരുമാനത്തിന് പരക്കെ സ്വാഗതം

വിധിയെഴുതിയ തെക്കന്‍ സംസ്ഥാനങ്ങള്‍ ആര്‍ക്കൊപ്പം? ( ദല്‍ഹി കത്ത് : പി.വി.തോമസ്)

പെൺകിളികൾ ചില്ലറക്കാരികളല്ല (ഏഷ്യയിൽ നിന്ന് ആഫ്രിക്കയിലേക്ക്- 4- ജിഷ.യു.സി

ജോജിയും പ്രീസ്റ്റും (പി. ടി. പൗലോസ്)

Living a Meaningful Life (Mathew Idikkula)

ഇങ്ങനെ മരിക്കാനാണെങ്കിൽ ചാവാനേ നേരംകാണൂ (ധർമ്മരാജ്  മടപ്പള്ളി)

കെ. ജയകുമാറിന്റെ കയ്യിൽ അവശേഷിക്കുന്ന വിസിറ്റിംഗ് കാർഡുകൾ

ഫഹദ്+ദിലീഷ്+ശ്യാം = ജോജി ബ്യുട്ടിഫുൾ ; മലയാള സിനിമയുടെ കുതിപ്പും കിതപ്പും (കുര്യൻ പാമ്പാടി)

ഇന്നലെ ഞാനാഘോഷിച്ച മുംബൈ വിഷു (ഗിരിജ ഉദയൻ മുന്നൂർക്കോട്)

ലോകായുക്തയും അമിക്കസ് ക്യൂറിയും രാജിതീരുമാനങ്ങളും : ആൻസി സാജൻ

ഇന്ദ്രവല്ലരിയിൽ വിരിഞ്ഞ സുന്ദരപുഷ്പം (മായ കൃഷ്ണൻ)

വിഷുക്കണി (മിനി ഗോപിനാഥ്)

ജയ് വിളിക്കാം, ഗ്രീന്‍ കാര്‍ഡിന്! (ജോര്‍ജ് തുമ്പയില്‍)

മഹാമാരിയിലും കൊന്ന പൂക്കുന്നു; വിഷു എത്തി ഐശ്വര്യവും സമ്പത്തും സന്തോഷവും പങ്കുവെയ്കുവാന്‍ (ശ്രീകുമാര്‍ ഉണ്ണിത്താന്‍)

View More