തിരുവനന്തപുരം: മുസ്ലീംലീഗ് ഭീകരവാദത്തിനു പിന്തുണ നല്കുന്ന പാര്ട്ടിയാണെന്ന് കേന്ദ്ര മന്ത്രി വി മുരളീധരന്. ലീഗിനെ എന്ഡിഎയിലേക്ക് ക്ഷണിക്കുന്നത് ചിന്തിക്കാന് പോലുമാകില്ലെന്നും അദ്ദേഹം പറഞ്ഞു.
മുസ്ലീംലീഗിനെ കേരളത്തിലോ, രാജ്യത്ത് എവിടെയെങ്കിലുമോ ദേശീയ ജനാധിപത്യ സഖ്യത്തിന്റെ ഭാഗമാകാന് ക്ഷണിക്കുക എന്നത് ചിന്തിക്കാന് പോലും പറ്റാത്ത കാര്യമാണ്. കേരളത്തില് ഭീകരവാദത്തിന് പിന്തുണ നല്കുന്ന ശക്തികളില് ഒന്ന് മുസ്ലീംലീഗാണ്. അത്തരം ഒരു പാര്ട്ടിയെ ദേശീയ ജനാധിപത്യ സഖ്യത്തിലേക്ക് എടുക്കാന് കഴിയില്ല.
ബിജെപി നേതാക്കള് പറഞ്ഞത് ന്യൂനപക്ഷങ്ങളുമായുള്ള സമീപനവുമായി ബന്ധപ്പെട്ടാണ്. അല്ലാതെ മുസ്ലീംലീഗ് എന്ന പാര്ട്ടിയുമായി ബന്ധപ്പെട്ടല്ല. ലീഗിന് വര്ഗീയത മാറ്റിവെച്ച് വരാനാകില്ലെന്നും വി മുരളീധരന് പറഞ്ഞു.