ന്യൂഡല്ഹി: തന്ത്രപരമായ നാല് മേഖലകളില് ഒഴികെയുള്ള മറ്റെല്ലാ പൊതുമേഖലാ സ്ഥാപനങ്ങളും സ്വകാര്യവത്കരിക്കുമെന്ന് പ്രധാനമന്ത്രി നരേന്ദ്ര മോദി.ധനസമ്പാദനം, ആധുനിക വത്കരണം എന്നീ മന്ത്രങ്ങളുമായി സര്ക്കാര് മുന്നോട്ടുപോകുകയാണെന്നും മോദി പറഞ്ഞു. സ്വകാര്യ വത്കരണവുമായി ബന്ധപ്പെട്ട ഒരു വെബിനാറില് സംസാരിക്കുകയായിരുന്നു പ്രധാനമന്ത്രി.
പല പൊതുമേഖല സ്ഥാപനങ്ങളും നഷ്ടമുണ്ടാക്കുന്നവയാണ്. പലതിനും പൊതുപണത്തിന്റെ പിന്തുണ ആവശ്യമാണ്. അത് സമ്പദ് വ്യവസ്ഥയ്ക്ക് ഭാരമാണെന്നും മോദി പറഞ്ഞു.
'സംരഭങ്ങളേയും ബിസിനസുകളേയും പിന്തുണയ്ക്കേണ്ടത് സര്ക്കാരിന്റെ കടമയാണ്. എന്നാല് സര്ക്കാര് സ്വന്തമായി ബിസിനസ് നടത്തേണ്ടത് അത്യാവശ്യമല്ല. ബിസിനസ്സില് ഏര്പ്പെടുന്നത് അല്ല സര്ക്കാരിന്റെ ജോലി. പൊതുമേഖ സ്ഥാപനങ്ങള് സ്ഥാപിതമായതിന് മറ്റൊരു സമയമുണ്ടായിരുന്നു. ആവശ്യങ്ങളും വ്യത്യസ്തമായിരുന്നു. 5060 വര്ഷം മുമ്പ് മികച്ചതായിരുന്നു ഒരു നയം ഇപ്പോള് പരിഷ്കരിക്കേണ്ടതുണ്ട്. പരിഷ്കാരങ്ങള് കൊണ്ടുവരുമ്പോള് പൊതുജനങ്ങളുടെ പണം പരമാവധി പ്രയോജനപ്പെടുത്തുകയാണ് ഞങ്ങളുടെ ലക്ഷ്യം' പ്രധാനമന്ത്രി മോദി പറഞ്ഞു.