രണ്ട് കോവിഡ് വാക്സിനുകൾ അതിവേഗം വികസിപ്പിച്ചെടുത്തതിനുള്ള ക്രെഡിറ്റ് ട്രംപ് ഭരണകൂടത്തിന് അവകാശപ്പെട്ടതാണ്- ഡോ. ആന്റോണി ഫൗച്ചിയുടെ ബോസും നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്ത് ഡയറക്ടറുമായ ഡോ. ഫ്രാൻസിസ് കോളിൻസ് ഒരു ടിവി പ്രോഗ്രാമിൽ പറഞ്ഞു
'ഓപ്പറേഷൻ വാർപ്പ് സ്പീഡ് സാധ്യമാക്കിയ മുൻ ആരോഗ്യ-മനുഷ്യ സേവന സെക്രട്ടറി അലക്സ് അസറിന് ഞാൻ കോവിഡ് വാക്സിൻ അതിവേഗം വികസിപ്പിച്ചതിന്റെ എല്ലാ ക്രെഡിറ്റും നൽകുന്നു.' ഡോ. കോളിൻസ് പറഞ്ഞു.
ആറ് വാക്സിനുകൾ കഠിനമായ പരീക്ഷണങ്ങളിലൂടെ ഗവൺമെന്റിന്റെ എല്ലാവിധ പിന്തുണയോടും കൂടി അഭൂതപൂർവമായ രീതിയിൽ ഒരുമിച്ച് കൊണ്ടുപോയതിന് കോളിൻസ് അസറിനെ അഭിനന്ദിച്ചു.
മാസ്ക് നിർബന്ധമാക്കുന്നത് നിരോധിക്കുന്ന ബിൽ നോർത്ത് ഡക്കോട്ട ഹൗസ് പാസാക്കി
കൊറോണ വൈറസ് പകർച്ചവ്യാധിയുടെ പശ്ചാത്തലത്തിൽ സംസ്ഥാന, പ്രാദേശിക സർക്കാരുകൾ, സ്കൂളുകൾ, ബിസിനസുകൾ തുടങ്ങിയവ മാസ്ക് നിർബന്ധമാക്കുന്നത് നിരോധിക്കുന്ന ബിൽ നോർത്ത് ഡക്കോട്ട ഹൗസ് 50-44 തിങ്കളാഴ്ച വോട്ട് ചെയ്തു പാസാക്കി. ഇനി സെനറ്റിന്റെ അംഗീകാരം കൂടി ലഭിക്കണം.
നോർത്ത് ഡക്കോട്ട ഗവർണർ ഡഗ് ബഗം നവംബറിൽ സംസ്ഥാനവ്യാപകമായി മാസ്ക് നിർബന്ധമാക്കിയിരുന്നു. കോൺഗ്രസ് അംഗം ജെഫ് ഹോവർസൺ മാസ്ക് നിർബന്ധമാക്കുന്നത് ബുദ്ധിശൂന്യതയായി വിശേഷിപ്പിച്ചു. മാസ്ക് ജനങ്ങളുടെ സ്വാതന്ത്ര്യം കവർന്നെടുക്കുന്നതായി ഹോവർസൺ അഭിപ്രായപ്പെട്ടു.
അതേസമയം, മാസ്ക് നിരോധിക്കുന്നത് പ്രാദേശിക സർക്കാരുകളുടെ നിയന്ത്രണത്തിന് ദോഷകരമാകുമെന്ന് മറ്റൊരു അംഗമായ ജേസൺ ഡോക്റ്റർ വാദിച്ചു.
മാസ്ക് വേണമെന്ന് ആളുകൾക്ക് തോന്നിയാൽ, അവരുടെ ഇഷ്ടത്തിന് തീരുമാനിക്കാൻ അവസരം ഉണ്ടായിരിക്കണം,” ഡോക്റ്റർ പറഞ്ഞു. നിർബന്ധിതരാകരുതെന്ന തീരുമാനവും അവർക്ക് ഉണ്ടായിരിക്കണം. ”
ന്യൂയോർക്ക് സിറ്റിയിൽ ചൈനാക്കാർക്കെതിരായ ആക്രമണങ്ങൾ ഉയർന്നതായി അധികൃതർ
2020 ൽ മഹാമാരി മൂലം ന്യൂയോർക്ക് സിറ്റിയിൽ ചൈനാക്കാർക്കെതിരായ ആക്രമണങ്ങൾ ഉയർന്നതായി നഗര അധികൃതർ അറിയിച്ചു.
ഹെയ്റ്റ് ക്രൈം ടാസ്ക് ഫോഴ്സ് കഴിഞ്ഞ വർഷം 28 ഏഷ്യൻ വിരുദ്ധ ആക്രമണങ്ങൾ രേഖപ്പെടുത്തി. മുൻ വർഷത്തിൽ ഇത് 2 കേസുകൾ മാത്രമായിരുന്നു. ആക്രമണങ്ങളിൽ 18 പേർ അറസ്റ്റിലായതായി പോലീസ് പറഞ്ഞു.
25 ഡിറ്റക്ടീവുകളെ ഉൾപ്പെടുത്തി കഴിഞ്ഞ ഓഗസ്റ്റിലാണ് നഗരത്തിലുടനീളം എൻവൈപിഡി ടാസ്ക് ഫോഴ്സ് രൂപീകരിച്ചത്. 2021 ൽ രണ്ടുമാസങ്ങൾക്കുള്ളിൽ ഇതുവരെ രണ്ട് ഏഷ്യൻ വിരുദ്ധ ആക്രമണങ്ങൾ പോലീസ് രേഖപ്പെടുത്തിയിട്ടുണ്ട്.