ഹെല്മെറ്റ് ധരിക്കാതെ ഭാര്യയുമൊത്ത് ബൈക്കില് യാത്ര ചെയ്ത ബോളിവുഡ് നടന് വിവേക് ഒബ്റോയ്ക്ക് പിഴയിട്ട് പോലീസ്. പ്രണയ ദിനത്തില് ഭാര്യ പ്രിയങ്കയ്ക്ക് ഒപ്പം ബൈക്കില് യാത്ര ചെയ്യുന്നതിന്റെ വീഡിയോയാണ് പുറത്തെത്തിയത്. ഇതിന് പിന്നാലെയാണ് പോലീസ് കേസ് എടുക്കുന്നത്. നടന് തന്നെയാണ് സോഷ്യല് മീഡിയയിലൂടെ വീഡിയോ പങ്കുവെച്ചത്.
പൊതുസേവകന് കൃത്യമായി പ്രഖ്യാപിച്ച ഉത്തരവ് പാലിക്കാതിരിക്കുക, ജീവന് അപകടകരമായ രോഗം പരത്തുന്ന തരത്തിലുള്ള അശ്രദ്ധമായ പ്രവര്ത്തി എന്നിവയ്ക്കു പുറമേ മോട്ടോര് വാഹന നിയമ പ്രകാരവുമാണ് നടനെതിരെ കേസെടുത്തത്. ആറ് മാസത്തെ ജയില് വാസമോ പിഴയോ രണ്ടും കൂടിയോ ശിക്ഷയായി ലഭിക്കേണ്ടതാണ് നടനെതിരെയുള്ള കേസ്.
അതേസമയം പിഴ ചുമത്തിയതിന് പിന്നാലെ ഹെല്മറ്റിന്റെയും മാസ്കിന്റെയും പ്രാധാന്യം മനസിലാക്കി നല്കിയതിന് മുംബൈ പൊലീസിന് നന്ദി കുറിച്ചിരിക്കുകയാണ് നടന്. ട്വിറ്ററിലാണ് തെറ്റ് ഏറ്റുപറഞ്ഞുള്ള താരത്തിന്റെ വാക്കുകള്.