പറ്റ്ന: ബിഹാര് നിയമസഭ തിരഞ്ഞെടുപ്പില് മത്സരിക്കുന്ന ജനതാദള് രാഷ്ട്രവാദി പാര്ട്ടി സ്ഥാനാര്ഥി ശ്രീനാരായണ് സിങ് വെടിയേറ്റ് മരിച്ചു. ഷിയോഹര് ജില്ലയിലെ ഹാത്സര് ഗ്രാമത്തില് ശനിയാഴ്ചയാണ് സംഭവം നടന്നത്. സംഭവവുമായി ബന്ധപ്പെട്ട് രണ്ടുപേരെ അറസ്റ്റ് ചെയ്തതായി വാര്ത്താ ഏജന്സി റിപ്പോര്ട്ട് ചെയ്തു.
തിരഞ്ഞെടുപ്പ് പ്രചാരണ പരിപാടിക്കിടെയാണ് വെടിവെപ്പുണ്ടായത്. ശ്രീനാരായണ് സിങ്ങിന്റെ ഏതാനും അനുയായികള്ക്ക് വെടിവെപ്പില് പരിക്കേറ്റിട്ടുമുണ്ട്. ഇവരെ ആശുപത്രിയില് പ്രവേശിപ്പിച്ചു. ആക്രമണത്തില് ആറ് പേര് ഉള്പ്പെട്ടിട്ടുള്ളതായും മറ്റുള്ളവര്ക്കായുള്ള അന്വേഷണം നടന്നുവരികയാണെന്നും പൂര്ണാഹിയ സബ് ഡിവിഷണല് പോലീസ് ഓഫീസര് രാകേഷ് കുമാര് പറഞ്ഞു.