നോര്ത്ത് കരോലിന: ഇന്ത്യന് അമേരിക്കനായ ഡെമോക്രാറ്റിക് വൈസ് പ്രസിഡന്റ് സ്ഥാനാര്ഥി കമല ഹാരിസിനെ ജനത്തിനു ഒട്ടും ഇഷ്ടമല്ലെന്നും അവര് പ്രസിഡന്റായാല് അത്അമേരിക്കക്ക് അപമാനകരമാകുമെന്നുംപ്രസിഡന്റ് ട്രമ്പ്
'കാര്യം വളരെ ലളിതമാണ്. ബൈഡന് ജയിച്ചാല് ചൈന ജയിക്കുന്നതിനു തുല്യമാണ്. അത്രക്ക് ലളിതമാണ് കാര്യങ്ങള്. ലോകചരിത്രത്തിലെ തന്നെ ഏറ്റവും വലിയ സമ്പദ്വ്യവസ്ഥ നമ്മള് കെട്ടിപ്പടുക്കുകയായിരുന്നു, എന്നാല് ചൈനാ പ്ലേഗ് കാരണം എല്ലാം അടയ്ക്കേണ്ടി വന്നു. അത് നമ്മള് വീണ്ടും തുറക്കുന്നു'. ട്രമ്പ് നോര്ത്ത് കരോലിനയില്റാലിയില് പറഞ്ഞു.
'ആളുകള് അവരെ ഇഷ്ടപ്പെടുന്നില്ല (കമല ഹാരിസ്) - അതെ ആരും അവരെ ഇഷ്ടപ്പെടുന്നില്ല. അവര്ക്ക് ഒരിക്കലും യുഎസിന്റെ ആദ്യ വനിതാ പ്രസിഡന്റാകാന് കഴിയില്ല. അങ്ങനെ സംഭവിച്ചാല് അത് നമ്മുടെ രാജ്യത്തിന് അപമാനമായിരിക്കും,' അദ്ദേഹം കൂട്ടിച്ചേര്ത്തു.
'ചൈനയും കലാപകാരികളും ജോ ബൈഡനെ വിജയിപ്പിക്കാന് ആഗ്രഹിക്കുന്നത് എന്തുകൊണ്ടാണെന്ന് ഇപ്പോള് വ്യക്തമായി. അദ്ദേഹത്തിന്റെ നയങ്ങള് അമേരിക്കയുടെ പതനമാകുമെന്ന് അവര്ക്കറിയാം.'
ഹാരിസിനെ വീണ്ടും ആക്രമിച്ച് ട്രമ്പ് പറഞ്ഞു, ''അവര് പ്രസിഡന്റ് പദ മല്സരത്തില് നിന്ന് പുറത്തുപോയി. എന്നിട്ടുംബൈഡന് അവരെ തന്റെ റണ്ണിങ്ങ് മേറ്റ് ആയി തിരഞ്ഞെടുത്തത് രസകരമാണ്. വോട്ടെടുപ്പില് മുന്നില് നില്ക്കുന്ന ആളെ ആണ് നമ്മള് സാധാരണ തിരഞ്ഞെടുക്കാറ്, ട്രമ്പ് പറഞ്ഞു
ചൈനയുമായുള്ള വ്യാപാര ഇടപാടിനെ മുമ്പത്തേതിനേക്കാള് വളരെ വ്യത്യസ്തമായിട്ടാണ് താന് ഇപ്പോള് കാണുന്നതെന്നും ട്രമ്പ് പറഞ്ഞു. ''ഞങ്ങള് ചൈനയുമായി ഒരു വലിയ വ്യാപാര കരാറില് ഒപ്പുവച്ചു, പക്ഷേ പ്ലേഗ് വരുമ്പോള് അതിന്റെ മഷി ഉണങ്ങിയതുപോലുമില്ല, അതിനാല് വ്യാപാര ഇടപാട് മുമ്പത്തേതിനേക്കാള് വളരെ വ്യത്യസ്തമായി ഞാന് കാണുന്നു,'' അദ്ദേഹം പറഞ്ഞു.