ചെന്നൈ: കോവിഡ് പരിശോധനയില് തനിക്ക് പോസിറ്റീവ് ഫലം ലഭിച്ചതായി നടി നിക്കി ഗല്റാണി. നിലവില് ചെന്നൈയില് കഴിയുന്ന നിക്കി തനിക്ക് കഴിഞ്ഞ വാരമാണ് രോഗം സ്ഥിരീകരിച്ചതെന്നും ഇപ്പോള് ആരോഗ്യനില ഭേദപ്പെട്ട് വരുന്നുണ്ടെന്നും അറിയിച്ചു.
'കഴിഞ്ഞ ആഴ്ച നടത്തിയ കോവിഡ് പരിശോധനയില് എനിക്ക് പോസിറ്റീവ് ഫലം ലഭിച്ചു. ഞാന് ആരോഗ്യം വീണ്ടെടുക്കുന്നതിനുള്ള പാതയിലാണ്. ഇപ്പോള് ഭേദപ്പെട്ട അവസ്ഥ തോന്നുന്നുണ്ട്. എന്നെ, പരിചരിച്ച എല്ലാവര്ക്കും, എല്ലാ മുന്നിര ആരോഗ്യ പ്രവര്ത്തകര്ക്കും പ്രധാനമായും ചെന്നൈ കോര്പ്പറേഷന്റെയും തമിഴ്നാട് അധികൃതര്ക്കും അവരുടെ നിരന്തരമായ പിന്തുണയ്ക്ക് ഞാന് നന്ദി പറയാന് ഞാന് ആഗ്രഹിക്കുന്നു,'' നിക്കി ട്വീറ്റില് കുറിച്ചു.
ഇതിനൊപ്പം ഒരു സന്ദേശവും താരം ട്വീറ്റ് ചെയ്തിട്ടുണ്ട്. ''എല്ലാവര്ക്കും ഹായ്, കഴിഞ്ഞ ആഴ്ച എനിക്ക് കോവിഡ് സ്ഥിരീകരിച്ചു. എന്റെ പരിശോധനാ ഫലം പോസിറ്റീവ് ആയി. കൊറോണ വൈറസിനെ ചുറ്റിപ്പറ്റിയുള്ള ധാരാളം കളങ്കങ്ങളും അനിശ്ചിതത്വവും ഉള്ളതിനാല് എന്റെ അനുഭവം നിങ്ങളുമായി പങ്കിടാന് ഞാന് ആഗ്രഹിച്ചു. തൊണ്ടയില് അസ്വസ്ഥത, പനി, മണവും രുചിയും നഷ്ടപ്പെടുക, തുടങ്ങിയ സാധാരണ ലക്ഷണങ്ങളുള്ള അത്ര ഗുരുതരമല്ലാത്ത കേസായിരുന്നു എന്റേത്. എന്നാലും, ആവശ്യമായ എല്ലാ പ്രോട്ടോക്കോളുകളും പിന്തുടര്ന്ന് ഞാന് ആരോഗ്യം വീണ്ടെടുക്കുന്നു. വീട്ടിലും ക്വാറന്റൈനിലും കഴിഞ്ഞു.'' നിക്കി സന്ദേശത്തില് പറഞ്ഞു.''
'എല്ലാവര്ക്കുമായി ഇത് ശരിക്കും ഭയപ്പെടുത്തുന്ന സമയമാണെന്ന് എനിക്കറിയാം, നമ്മള് സുരക്ഷിതരായിരിക്കേണ്ടതും മറ്റുള്ളവരുടെ സുരക്ഷയെക്കുറിച്ച് ചിന്തിക്കേണ്ടതുമാണ്. എന്റെ പ്രായം കണക്കിലെടുത്തും എനിക്ക് നിലവിലുള്ള രോഗ അവസ്ഥകളൊന്നുമില്ലെന്നതിനാലും, എനിക്ക് രോഗമുക്തി ലഭിക്കുമെന്ന് എനിക്കറിയാം. എന്റെ മാതാപിതാക്കള്, മുതിര്ന്നവര്, എന്റെ സുഹൃത്തുക്കള്, ഈ രോഗം കൂടുതല് ബാധിച്ചേക്കാവുന്ന എല്ലാവരേയും കുറിച്ച് ചിന്തിക്കുമ്പോള് ഇത് എന്നെ ഭയപ്പെടുത്തുന്നു.''
'അതിനാല് ദയവായി ഒരു മാസ്ക് ധരിക്കുക, സാമൂഹിക അകലം പാലിക്കുക, പതിവായി കൈകഴുകുക, കൂടാതെ നിങ്ങള് പുറത്തുപോകരുത്.''
'ഇത്രയും മാസങ്ങള് വീട്ടില് ഇരിക്കുന്നത് നിരാശാജനകമാണെന്ന് എനിക്കറിയാം, എന്നാല് നമ്മള് അഭൂതപൂര്വമായ സമയത്താണ് ജീവിക്കുന്നത്, സമൂഹത്തിനായി നിങ്ങള്ക്കാവുന്നത് ചെയ്യേണ്ട സമയമാണിത്. നിങ്ങളുടെ കുടുംബങ്ങളുമായി സമയം ചെലവഴിക്കുക, നിങ്ങളുടെ മാനസികാരോഗ്യം സംരക്ഷിക്കുക, നിങ്ങള്ക്ക് ഉത്കണ്ഠയോ വിഷാദമോ തോന്നുന്നുവെങ്കില് സഹായത്തിനായി ശ്രമിക്കു. വീട്ടില് താമസിച്ച് സുരക്ഷിതമായി തുടരുക. വളരെയധികം സ്നേഹത്തോടെ നിക്കി ഗാല്റാനി, ' സന്ദേശത്തില് പറയുന്നു.