എന്തിനു ആണ് ട്രംപ് അവരെ വെറുക്കുന്നത്? ട്രംപ് ഫാസിസ്റ്റ് ആയതുകൊണ്ട് അല്ലേ?
ഒരു സ്ഥാപിത പ്രസ്ഥാനം അല്ലാത്ത, വെറും ഒരു ആശയത്തെ എങ്ങനെ ട്രംപിന് -ടെററിസ്റ്റുകൾ- എന്ന് പ്രഖ്യാപിക്കാൻ സാധിക്കും? ആന്റ്റി ഫാ -യ്ക്ക് ഒരു നേതാവ് ഇല്ല, ഒരു ഏകികിർത രാഷ്ട്രീയ തത്വ ചിന്ത ഇല്ല. ആന്റ്റി- ഫാ; ഫാസിസത്തെ എതിർക്കുന്ന തത്വ ചിന്തകൾ മാത്രം, അപ്പോൾ നമ്മൾ ഒക്കെ ആന്റ്റി -ഫാ അല്ലേ? അതോ നിങ്ങൾ ഫാസിസ്റ്റുകളോ? കേരളത്തിലെ ബ്രാഹ്മണ മേധാവിത്തം ഫാസിസം ആണ്, നിങ്ങൾ അതിനെ അനുക്കൂലിക്കുന്നുവോ?. ഇന്ത്യൻ സ്വതന്ത്ര സമരം ആന്റ്റി-ഫാ ആണ്, കേരളത്തിലെ കമ്മ്യൂണിസ്റ്റു പ്രസ്ഥാനം തുടക്കത്തിൽ ആന്റ്റി-ഫാ ആണ്. മാറു മറക്കൽ മാറു മുറിക്കൽ സമരം ആന്റ്റി- ഫാ ആയിരുന്നു. അമ്മായി അമ്മമാർക്ക് എതിരെ മാധ്യമങ്ങളിൽ വന്ന ടി വി സീരിയലുകൾ ആന്റ്റി- ഫാ ആണ്, എന്തിനേറെ; കോട്ടയം ഓർത്തഡോക്സ് കാതോലിക്കയെ എതിർത്ത് പാട്രിയാർക് വിഭാഗങ്ങൾ നടത്തിയ സമര പ്രകടനങ്ങൾ അവരുടെ കാഴ്ച്ചപ്പാടിൽ ആന്റ്റി-ഫാ ആണ്. ലോകത്തിന്റെ പല ഭാഗങ്ങളിലും ആന്റ്റി- ഫ വളരെ വ്യത്യസ്തം ആണ്. ജഡം ധരിക്കാത്ത ഒരു ആശയത്തെ എങ്ങനെ തീവ്രവാദികൾ എന്ന് മുദ്ര അടിക്കാൻ സാധിക്കും? മരീചികയുടെ പിന്നാലെ ഓടുന്ന മാൻ പോലെ അല്ലേ ട്രംപിന്റെ ഉദ്യമം!
ഫാസിസത്തെ എതിർക്കുന്ന ആന്റ്റി ഫാ-യെ ട്രംപും മറ്റ് പല റിപ്പപ്ലിക്കൻസും എതിർക്കുന്നു. പോലീസുകാരൻ പിടലിക്ക് മുട്ട് അമർത്തി കൊന്ന ജോർജ് ഫ്ളോയിഡിന്റെ കുലപാതകത്തിനു എതിരെ രാജ്യമൊട്ടാകെ പ്രതിഷേധ പ്രകടനങ്ങൾ പൊട്ടി പുറപ്പെട്ടപ്പോൾ ജനശ്രദ്ധ തിരിച്ചുവിടാൻ ആണ് ട്രംപ് ആന്റ്റി ഫാ യെ പഴി ചാരുവാൻ തുടങ്ങിയത്. ഒരു കുറ്റവാളിയായ ഫ്ലോയിഡിനെ ആണ് പ്രകടനക്കാർ പിന്തുണക്കുന്നത് എന്ന് പ്രചരിപ്പിക്കാൻ ഉള്ള പ്രകടനം ആണ് ട്രംപും കൂട്ടരും കാട്ടിയതു. കുറ്റവാളിയെ വിചാരണ ചെയ്യേണ്ടത് ജുഡീഷ്യറി ആണ്. ആരേയും കൊല്ലുവാനുള്ള അധികാരം പോലീസുകാരന് ഇല്ല എന്നത് ഇവരൊക്ക വളരെ സൗകര്യ പൂർവം മറച്ചു. ആന്റ്റി ഫാ -യെ ഒരു തീവ്രവാദി സംഘടന ആയി പ്രക്യപിക്കുക എന്നത് ആണ് ട്രംപിൻ്റെ ഗൂഢ ഉദ്ദേശം. എതിർക്കുന്നവരെ; തീവ്രവാദികൾ, രാജ്യ സ്നേഹം ഇല്ലാത്തവർ എന്നൊക്കെ മുദ്ര അടിക്കുന്നത് ഫാസിസം തന്നെ!.
അല്പം എങ്കിലും കോമൺ സെൻസ് ഉള്ളവർക്ക് അറിയാം, ഫാസിസം ഉള്ളതുകൊണ്ട്ആണ്; അതിനെ എതിർക്കുന്ന ആന്റ്റി- ഫാ -രൂപം കൊണ്ടത്. ആദ്യം ഫാസിസത്തെ വേണം തീവ്രവാദികൾ എന്ന് പ്രഖ്യാപിക്കേണ്ടത്. കെ കെ കെ, ട്രംപിസം ഒക്കെ തീവ്രവാദികൾ തന്നെ. ഇത് മനസ്സിൽ ആക്കിയ റിപ്പപ്ലിക്കൻസ് ഇന്ന് ട്രംപിനെ എതിർക്കുന്നു. ട്രംപിനെ എതിർക്കുന്ന റിപ്പപ്ലിക്കൻസ്; ആന്റ്റി-ഫ ആണ്.
എന്താണ് ആന്റ്റി-ഫാ?
ആന്റ്റി-ഫാ ഒരു സംഘടന അല്ല, സംഘടിത പ്രസ്ഥാനവും അല്ല അതിനാൽ ഒരു നേതാവും ഇല്ല. ഹിറ്റ്ലറുടെ കാലശേഷം വെള്ളക്കാരുടെ വർണ്ണ മേധാവിത്തത്തിനു എതിരെയും, മറ്റു ഫാസിസ്റ്റു പ്രസ്ഥാനങ്ങൾക്കും രാഷ്ട്രീയത്തിനും എതിരെ ഉയർന്നു വന്ന പ്രധിഷേധ ആശയങ്ങൾ ആണ് ആന്റ്റി-ഫ. കുറഞ്ഞ കുറെ ദശാബ്ധങ്ങൾ ആയി ആന്റ്റി-ഫാ നിലവിൽ ഉണ്ട് എങ്കിലും ട്രമ്പ് ഭരണം കൈയടക്കിയതോടെ ആണ് ആന്റ്റി -ഫാ അമേരിക്കയിൽ ശ്രദ്ധിക്കപ്പെടാൻ തുടങ്ങിയത്. 2017 ൽ വിർജീനിയയിലെ ഷാർലറ്റ്വില്ലിൽ നടന്ന 'വെള്ളക്കാരുടെ വർണ്ണ മേധാവിത്ത വാദികളുടെ' പ്രകടനത്തെ എതിർത്ത് പ്രൊട്ടസ്റ്റ് നടത്തിയതോടെ ആന്റ്റി- ഫാ ശ്രദ്ധിക്കപ്പെട്ടു.
ജൂലൈ 2019 ൽ ആന്റ്റി-ഫാ അനുകൂലികൾ പ്രൗഡ് ബോയിസുമായി ഏറ്റുമുട്ടി. - ആരാണ് പ്രൊഡ് ബോയിസ്?- പ്രൗഡ് ബോയ്സ് വെള്ളക്കാരുടെ ഒരു തീവ്ര വലതുപക്ഷ നവ ഫാസിസ്റ്റ് സംഘടനയാണ്, അത് പുരുഷന്മാരെ മാത്രം അംഗങ്ങളായി അംഗീകരിക്കുകയും രാഷ്ട്രീയ അക്രമത്തിൽ ഏർപ്പെടുകയും ചെയ്യുന്നു. പുരുഷന്മാർ-പ്രത്യേകിച്ചും വെളുത്ത പുരുഷന്മാർ, പാശ്ചാത്യ സംസ്കാരം എന്നിവ ഉപരോധത്തിലാണെന്ന് സംഘം വിശ്വസിക്കുന്നു; അവരുടെ കാഴ്ചപ്പാടുകൾക്ക് വെളുത്ത വംശഹത്യ ഗൂഡാലോചന സിദ്ധാന്തത്തിന്റെ ഘടകങ്ങളുണ്ട്. വെളുത്ത മേധാവിത്വ കാഴ്ചപ്പാടുകളെ പിന്തുണയ്ക്കുന്നില്ലെന്ന് ഗ്രൂപ്പ് അവകാശപ്പെടുമ്പോൾ, അതിന്റെ അംഗങ്ങൾ പലപ്പോഴും വംശീയ റാലികളിലും സംഭവങ്ങളിലും സംഘടനകളിലും പങ്കെടുക്കുന്നു. സംഘടന അക്രമത്തെ മഹത്വപ്പെടുത്തുന്നു, അംഗങ്ങൾ പങ്കെടുക്കുന്ന ഇവന്റുകളിൽ, അക്രമത്തിൽ ഏർപ്പെടുന്നു; സതേൺ ദാരിദ്ര്യ നിയമ കേന്ദ്രം (എസ്പിഎൽസി) ഇതിനെ "ആൾട്ട്-റൈറ്റ് ഫൈറ്റ് ക്ലബ്" എന്ന് വിളിക്കുന്നു. ഇവർ ആണ് പോലീസിന്റെ ക്രൂര പീഡങ്ങനൾക്കു എതിരെ, ജോർജ് ഫ്ലോയിഡിന്റെ കുലപാതകത്തോടെ രാജ്യത്തു ആകമാനം ഉണ്ടായ പ്രധിഷേധ റാലികളിൽ നുഴ്ഞ്ഞുകയറി അക്രമങ്ങൾ അഴിച്ചുവിട്ടത്.
പ്രൗഡ് ബോയിസ് എന്ന സംഘടനയെ തീവ്രവാദികൾ എന്ന് പ്രഖ്യാപിക്കേണ്ടതിനു പകരം അവരെ എതിർക്കുന്ന സംഘടന ഇല്ലാത്ത ആന്റ്റി- ഫാസിറ്റു അനുഭാവികളെ ആണ് തീവ്രവാദികൾ എന്ന് പ്രഖ്യാപിക്കണം എന്ന് ട്രംപ് ശാട്യം പിടിച്ചത്. ഇന്റെലിജൻസ് വിഭാഗങ്ങൾക്കും ലോ എന്ഫോഴ്സ്മെന്റ് വിഭാഗങ്ങൾക്കും ട്രമ്പിനോട് യോജിക്കാൻ കഴിഞ്ഞില്ല.
ട്രംപ് ആനുകൂലി എന്ന് കരുതുന്ന ഡെറിക്ക് ചൗവിൻ എന്ന വെളുമ്പൻ പോലീസുകാരൻ , 8 മിനിറ്റിൽ കൂടുതൽ സമയം ഫ്ലോയിഡിന്റെ തൊണ്ടയിൽ മുട്ട് അമർത്തിയാണ് ഫ്ലോയിഡിനെ കൊന്നത്. അയാൾ ഒരു കുറ്റവാളി ആൺ എന്ന് ആണ് മലയാളികൾ ഉൾപ്പടെ പലരും പോലീസുകാരനെ ന്യായികരിച്ചതു. ക്രിമിനലുകളെ ഒക്കെ കൊല്ലുവാൻ പൊലീസിന് അധികാരം ആര് എന്ന് കൊടുത്തു? നിങ്ങളുടെ ആരെയെങ്കിലും ആണ് ഇങ്ങനെ കൊന്നത് എങ്കിൽ ഇത്തരം ഹീന ന്യായങ്ങൾ നിങ്ങൾ നിരത്തുമോ?
രാജ്യത്തു ആകമാനം പ്രധിഷേധങ്ങൾ ഉണ്ടായതു ഫ്ലോയിഡിന്റെ കുറ്റങ്ങളെ ന്യായികരിക്കാൻ അല്ല എന്നത് മനസ്സിൽ ആക്കാൻ ഉള്ള സാമാന്യ ബോധം എങ്കിലും ഉള്ളവർക്ക് മാത്രമേ ഇതൊക്കെ മനസ്സിൽ ആവൂ. തുടക്കത്തിൽ സമാധാനപരമായി തുടങ്ങിയ പ്രതിഷേധ റാലികളിൽ സംമൂഹ്യ വിരുദ്ധരും, കൊള്ളക്കാരും വെള്ള വർണ്ണ മേധാവികളും കൂടി; കൊള്ളയും, അക്രമങ്ങളും നടത്തി. ഇതൊക്കെ പ്രധിഷേധ പകടനക്കാർ ആണ് എന്ന് പ്രചരിപ്പിക്കാൻ മീഡിയയും ട്രമ്പറും ശ്രമിച്ചു. പ്രധിഷേധ റാലികളിൽ പോലീസുകാരും പങ്കെടുത്തു എന്നത് പലരും അവഗണിച്ചു. സമാധാനപരമായി പ്രതിഷേധിക്കുക എന്നത് ജനാധിപത്യ രാജ്യത്തു പൗരാവകാശത്തിൽ പെട്ടത് ആണ്. അതിനെ പട്ടാളത്തെ ഉപയോഗിച്ച് അടിച്ചമർത്താൻ ആണ് ട്രംപ് ശ്രമിക്കുന്നത്. അത് ഫാസിസം ആണ്.
ജൂൺ 1 നു നടത്തിയ പ്രസ് ബ്രീഫിൽ; പ്രകടനങ്ങളിൽ ഉണ്ടായ അക്രമങ്ങളെ ട്രംപ് ആന്റ്റി- ഫായുടെ മുകളിൽ ചാർത്തി, മറ്റു പല റിപ്പപ്ലിക്കൻസും അതേറ്റു പാടി. കഥ അറിയാതെ ആടുന്ന കുറെ മലയാളികളും അതേറ്റുപാടി.
ഫാസിസത്തെ എതിർക്കുന്നവരെ എതിർക്കുന്ന നിങ്ങൾ ആദ്യം ഫാസിസം എന്താണ് എന്ന് പഠിക്കുക.
ഏകാധിപത്യ സേച്ഛാധിപത്യം ആണ് ഫാസിസം. ഡെമോക്രസിയുടെ എതിരാളികൾ ആണ് ഫാസിസ്റ്റുകൾ. ഡെമോക്രസിയിൽ മാത്രമേ നിങ്ങൾക്ക് അഭിപ്രായം പറയുവാൻ സാധിക്കയുള്ളു. ഫാസിസം നിലവിൽ വന്നാൽ അടിമത്തം നിങ്ങൾ ക്ഷണിച്ചു വരുത്തുന്നു. നിങ്ങളുടെ അഭിപ്രായ സ്വന്ത്രവും അവിടെ അവസാനിക്കുന്നു. അതിനാൽ, അറിയാത്ത ഭാവങ്ങൾക്കു താലി ചാർത്തരുത്.
പഠിക്കുക,വായിക്കുക, ചിന്തിക്കുക. അനേകർ രക്തം ഒഴുക്കി നേടിയ വെക്തി സ്വാതന്ത്രം ഫാസിസ്റ്റുകൾക്കു അടിയറ വെക്കരുത്. അടിമത്തം മരണ തുല്യം ആണ്.
വെള്ളക്കാരുടെ മേധാവിത്വത്തെ -ഫാസിസത്തെ- നിങ്ങൾ എന്തിനു പിന്താങ്ങുന്നു? അടിമത്ത മനോഭാവമോ, ഭയമോ അതോ നിങ്ങളുടെ അജ്ഞതയോ?- andrew