Published on 25 May 2012
നിലമ്പൂര്:
സഹോദരിമാരുടെ മക്കളായ അഞ്ച് കുട്ടികള് ചാലിയാറില് മുങ്ങിമരിച്ചു.
ചാലിയാര് പഞ്ചായത്തിലെ അത്തിക്കാട് വേങ്ങാട്ടില് വിനുവിന്റെയും
ലിസയുടെയും മക്കളായ അലീന(13), ഇരട്ട സഹോദരങ്ങളായ അമല്(10), അജയ്(10),
വയനാട് മുട്ടില് പഞ്ചായത്തിലെ വാഴവറ്റ വഴുതക്കാട്ടില് മാത്യുവിന്റെയും
ഫിലോമിനയുടെയും മക്കളായ ജിനുമാത്യു(15), ജൈനി മാത്യു(11) എന്നിവരാണ്
മരിച്ചത്. ലിസയുടെ സഹോദരിയാണ് ഫിലോമിന.
ഹര്ത്താല് ദിനമായ
വ്യാഴാഴ്ച മൂന്നരയോടെയാണ് അപകടം. അത്തിക്കാട് ക്ഷേത്രത്തിന് സമീപമുള്ള
മാംസമാല എന്ന കടവില് ഫിലോമിനയോടൊപ്പം ഇറങ്ങിയതായിരുന്നു അഞ്ചുപേരും.
കുളിക്കുന്നതിനിടെ അമല് ആണ് ആദ്യം മുങ്ങിയത്. ഇതുകണ്ട് ഫിലോമിന
വെള്ളത്തിലേക്ക് ചാടി. ഇരുവരെയും കാണാതായതോടെയാണ് ബാക്കി കുട്ടികള് കൂടി
രക്ഷിക്കാനായി പുഴയില്ചാടിയത്. അപ്പോഴേക്കും ഫിലോമിന അമലിനെ
കരയ്ക്കെത്തിച്ചു. കരയില് ബാക്കികുട്ടികളെ കാണാതായതോടെ ഇവര് ബഹളംവെച്ചു.
ഓടിയെത്തിയവര് പുഴയിലിറങ്ങി മറ്റ് കുട്ടികളെയും കരയ്ക്കെത്തിച്ചു. ഉടന്
നിലമ്പൂര് താലൂക്കാസ്പത്രിയില് എത്തിച്ചെങ്കിലും ആരെയും
രക്ഷപ്പെടുത്താനായില്ല.
mathrubhumi