തിരുവനന്തപുരം: സംസ്ഥാനത്ത് ഉഷ്ണതരംഗ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.ഒരു പ്രദേശത്തെ ഉയര്ന്ന ദിനാന്തരീക്ഷ താപനില സാധാരണ താപനിലയെക്കാള് 4.5 ഡിഗ്രി സെല്ഷ്യസില് കൂടുതല് വര്ധിക്കുന്ന ഗുരുതരമായ സാഹചര്യമാണ് ഉഷ്ണതരംഗം അഥവാ താപതരംഗം. ഇത് ഗുരുതരമായ ആരോഗ്യ പ്രശ്നങ്ങള് സൃഷ്ടിക്കാം. ആയതിനാല് തൃശൂര് ജില്ലയിലും സമീപ പ്രദേശങ്ങളിലുമുള്ളവര് അതീവ ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അഭ്യര്ത്ഥിച്ചു
2020 ഏപ്രില് 2 മുതല് ഏപ്രില് 4 വരെ കോഴിക്കോട് ജില്ലയില് ഉയര്ന്ന ദിനാന്തരീക്ഷ താപനില (Daily Maximum Temperature) സാധാരണ താപനിലയെക്കാള് 3 മുതല് 4 ഡിഗ്രി സെല്ഷ്യസ് വരെയും ആലപ്പുഴ , കോട്ടയം ജില്ലകളില് 2 മുതല് 3 ഡിഗ്രി സെല്ഷ്യസ് വരെയും തൃശൂര് ജില്ലയില് ഏപ്രില് 3, 4 തീയതികളില് 3 മുതല് 4 ഡിഗ്രി സെല്ഷ്യസ് വരെയും ഉയരാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേന്ദ്ര കാലാവസ്ഥ വകുപ്പിന്റെ മുന്നറിയിപ്പിന്റെ പശ്ചാത്തലത്തില് ചൂട് മൂലമുള്ള ആരോഗ്യ പ്രശ്നങ്ങളെ നേരിടുന്നതിനായുള്ള ജാഗ്രത പുലര്ത്താന് സംസ്ഥാന ദുരന്ത നിവാരണ അതോറിറ്റി നിര്ദേശിക്കുന്നു.