ന്യൂഡല്‍ഹി: സ്​കൂള്‍ കാന്‍റീനുകളിലും സമീപപ്രദേശത്തെ സ്​റ്റോറുകളിലും ജങ്ക് ഫുഡിന്​ നിരോധനം ഏര്‍പ്പെടുത്തി കേന്ദ്രസര്‍ക്കാര്‍ ഉത്തരവ്​. ആരോഗ്യപ്രശ്നങ്ങള്‍ക്ക് കാരണമാകുന്നുവെന്ന കണ്ടെത്തലി​​െന്‍റ പശ്ചാത്തലത്തില്‍ ഫുഡ്​ സേഫ്​റ്റി ആന്‍റ്​ സ്​റ്റാ​േന്‍റഡ്​ അതോറിറ്റി ഇന്‍ ഇന്ത്യ(എഫ്​.എസ്​.എസ്​.എ.ഐ)യാണ് ഇത്​ സംബന്ധിച്ച ഉത്തരവ്​ പുറത്തിറക്കിയത്​. ​

കാന്‍റീനില്‍ മാത്രമല്ല, വിദ്യാലയങ്ങളുടെ 50 മീറ്റര്‍ ചുറ്റളവിലും ജങ്ക് ഫുഡ്‌ വില്‍ക്കുന്നത് തടഞ്ഞിട്ടുണ്ട്. ജങ്ക് ഫുഡി​​െന്‍റ പരസ്യം പ്രദര്‍ശിപ്പിക്കുന്നതും വിലക്കി. ഇതിന് പുറമെ ഗുലാബ് ജമൂന്‍, ചോലേ ബട്ടൂരേ, ന്യൂഡില്‍സ്, കാര്‍ബൊണേറ്റഡ്​ ജ്യൂസുകള്‍, മധുരപലഹാരങ്ങള്‍ എന്നിവയും വില്‍ക്കാനാകില്ല.

കായികമേളകളില്‍ ജങ്ക് ഫുഡ് സൗജന്യമായി നല്‍കുന്നതും ഇവയുടെ പരസ്യം പ്രദര്‍ശിപ്പിക്കുന്നതും അനുവദിക്കില്ലെന്നും ഉത്തരവില്‍ വ്യക്തമാക്കുന്നു. ഇത്തരം ഭക്ഷണപദാര്‍ഥങ്ങള്‍ നിര്‍മിക്കുന്ന കമ്ബനികളുടെ പരസ്യം വിദ്യാലയങ്ങള്‍ സ്വീകരിക്കുന്നതു വിലക്കും. നിരോധനം അടുത്തമാസം ആദ്യം നിലവില്‍ വരും.