മെല്ബണ്: ഓസ്ട്രേലിയന് പര്യടനത്തിനെത്തിയ മുന് മിസോറാം ഗവര്ണര് കുമ്മനം രാജശേഖരന് മെല്ബണ് വിമാനത്താവളത്തില് കേരള ഹിന്ദു സൊസൈറ്റിയുടെ നേതൃത്വത്തില് ഊഷ്മള വരവേല്പ് നല്കി. ഭാരവാഹികളായ പി.സുകുമാരന്, പ്രദീപ് ചന്ദ്ര, സായി കൃഷ്ണന്, വിവേക് ശിവരാമന്, ശിവ പ്രസാദ്, ഗിരീഷ്, രജ്ഞി നാഥ് എന്നിവര് പൂച്ചെണ്ടു നല്കി സ്വീകരിച്ചു.
കേരള ഹിന്ദു സൊസൈറ്റിയുടെ ഓണാഘോഷ പരിപാടിയില് പങ്കെടുക്കാനെത്തിയ കുമ്മനത്തിന്റെ ആദ്യ പരിപാടി വിക്റ്റോറിയന് പാര്ലമെന്റ് സന്ദര്ശനമായിരുന്നു. തുടര്ന്നു ഇന്ത്യന് ഡോക്ടര്മാരുടെ യോഗത്തിലും പങ്കെടുത്തു. മെല്ബണിലും സിസ്നിയിലുമായി ഒരു ഡസനോളം പരിപാടികളില് കൂടി അദ്ദേഹം പങ്കെടുക്കും.
ഓവര്സീസ് ഫ്രണ്ട് ഓഫ് ബിജെപി യുടെ യോഗത്തിലും വിശ്വ ഹിന്ദു പരിഷത്തിന്റെ രക്ഷാ ബന്ധന് ചടങ്ങിലും ഹിന്ദു സ്വയം സേവക് സംഘ് ശാഖയിലും കുമ്മനം പങ്കെടുക്കും. ഇന്ത്യന് കോണ്സുലേറ്റും 1 ഗീലോങ് ഇസ്ക്കാണ് ഗോ ശാലയും കുമ്മനം സന്ദര്ശിക്കും. 18 മുതല് 20 വരെ സിഡ്നിയില് വിവിധ സംഘടനകളുടെ പരിപാടിയിലും കുമ്മനം പങ്കെടുക്കും.