ഗാന്ധി കുടുംബത്തില്നിന്നുള്ള അംഗം മാത്രമേ കോണ്ഗ്രസ് അധ്യക്ഷസ്ഥാനം വഹിക്കാന് പാടുള്ളൂവെന്ന് നിര്ബന്ധമില്ലെന്ന് രാഹുല് ഗാന്ധി
Published on 25 May, 2019
ന്യൂഡല്ഹി: ഗാന്ധി കുടുംബത്തില്നിന്നുള്ള അംഗം മാത്രമേ കോണ്ഗ്രസ് അധ്യക്ഷസ്ഥാനം വഹിക്കാന് പാടുള്ളൂവെന്ന് നിര്ബന്ധമില്ലെന്ന് കോണ്ഗ്രസ് പ്രവര്ത്തക സമിതിയില് രാഹുല് ഗാന്ധി.
കോണ്ഗ്രസ് അധ്യക്ഷപദവിയിലേക്ക് പ്രിയങ്കാ ഗാന്ധിയുടെ പേര് ഉയര്ന്നുവന്നപ്പോള്, എന്റെ സഹോദരിയെ ഇതിലേക്ക് വലിച്ചിടരുതെന്നായിരുന്നു രാഹുലിന്റെ പ്രതികരണമെന്ന് കോണ്ഗ്രസ് വൃത്തങ്ങളെ ഉദ്ധരിച്ച് എന്ഡി ടിവി റിപ്പോര്ട്ട് ചെയ്തു.
പരാജയത്തിന്റെ ഉത്തരവാദിത്തം ഏറ്റെടുത്ത രാഹുല് രാജിവെക്കാനുള്ള സന്നദ്ധത അറിയിച്ചിരുന്നു. നമ്മള് പോരാട്ടം തുടരും.കോണ്ഗ്രസിന്റെ അച്ചടക്കമുള്ള പടയാളിയായി ധീരതയോടെ പോരാടും. എന്നാല് എനിക്ക് പാര്ട്ടി അധ്യക്ഷനായി തുടരാന് താത്പര്യമില്ല- യോഗത്തില് രാഹുല് പറഞ്ഞു.
മറ്റാരെങ്കിലും അധ്യക്ഷസ്ഥാനം ഏറ്റെടുക്കണമെന്ന നിലപാടില് രാഹുല് ഉറച്ചുനിന്നു. എന്നാല് അദ്ദേഹത്തിന്റെ തീരുമാനം കോണ്ഗ്രസ് പ്രവര്ത്തക സമിതി തള്ളിക്കളയുകയായിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല