സെലിബ്രിറ്റികള് അവരുടെ വാക്കുകള് പലപ്പോഴും വളച്ചൊടിക്കപ്പെടുന്നുവെന്ന് പറയാറുണ്ട്. അതുകൊണ്ട് തന്നെ അഭിമുഖത്തില് നമ്മള് പറയുന്നതിനെ വളച്ചൊടിക്കുന്നു എന്ന ഭയത്തില് തന്നെയാണ് താന് സംസാരിക്കുന്നതെന്നു നടി ഉര്വശി പറയുന്നു. പലരോടും ഫോണില് സംസാരിക്കുമ്ബോള് ഉള്ളില് നിന്നൊരു ടെക്നീഷ്യന് ഉണരും. നമ്മള് പറയുന്നത് റിക്കോര്ഡ് ചെയ്യുന്നുണ്ടോ എന്ന തോന്നല് ഓണ് ആകുമെന്നും അതോടെ നമുക്കുള്ളിലെ 'ഫോര്മാലിറ്റി മോഡ്' തനിയെമാറുമെന്നും ഉര്വശി പറയുന്നു. കൂടാതെ സിനിമയെക്കുറിച്ചുള്ള അഭിപ്രായത്തിന് മോശം എന്നാണു പറയാന് വന്നതെങ്കിലും കുഴപ്പമില്ല എന്നായി മാറ്റുമെന്നും താരം കൂട്ടിച്ചേര്ത്തു. .
'ഓരോ നിമിഷവും കളവു പറഞ്ഞ്, മുഖം മൂടിയിട്ട് ജീവിക്കാന് തുടങ്ങിയിരിക്കുകയാണു മനുഷ്യന്. പലതും പറയാന് പേടിയാണ്. നമ്മള് പറയുന്ന ചില ഭാഗങ്ങള് മാത്രമെ ടുത്ത് ഹൈലൈറ്റ് ചെയ്ത് വാര്ത്തയായി സോഷ്യല് മീഡിയയില് കറങ്ങിത്തുടങ്ങും. സിനിമയിലെ ആരെക്കുറിച്ചു ചോദിച്ചാലും പറയാന് നാലു വാക്യമുണ്ട്. 'അയ്യോ, നല്ല സഹപ്രവര്ത്തകനാണു കേട്ടോ, നല്ല സ്വഭാവമായിരുന്നു, അഭിനയത്തിനിടയില് തെറ്റു വരുമ്ബോള് പറഞ്ഞു തരും..
വളരെ കോ ഓപ്പറേറ്റീവ് ആണ്, തീര്ന്നു. ഇത് മമ്മൂട്ടിയെക്കുറിച്ചും മോഹന്ലാലിനെക്കുറിച്ചും ഇന്ദ്രന്സിനെക്കുറിച്ചും മാത്രമല്ല ആരെപ്പെറ്റിയും പറയാം. റിച്ച് നമുക്ക് അവരോടുള്ള സ്വാതന്ത്ര്യം വച്ച് എന്തെങ്കിലും പറഞ്ഞാല് അതു മറ്റൊരു രീതിയിലാകും പുറത്തുവരുന്നത്.' ഉര്വശി ഒരു അഭിമുഖത്തില് പങ്കുവച്ചു