അമ്മയുടെ ക്രൂരമര്ദനത്തിനിരയായി മരിച്ച മൂന്നുവയസുകാരന്റെ മൃതദേഹം സംസ്കരിച്ചു; അച്ഛന് അറസ്റ്റില്
Published on 20 April, 2019
കൊച്ചി: ആലുവയില് അമ്മയുടെ ക്രൂരമര്ദനത്തിനിരയായി
മരിച്ച മൂന്നുവയസുകാരന്റെ മൃതദേഹം സംസ്കരിച്ചു. കളമശ്ശേരി പലയ്ക്കാമുകള്
പള്ളിയില് മതാചാര ചടങ്ങുകളോടെ നാട്ടുകാരാണ് മൃതദേഹം ഖബറടക്കിയത്. കേസില്
അച്ഛനെയും പ്രതിചേര്ത്ത് അറസ്റ്റ് രേഖപ്പെടുത്തി.
കഴിഞ്ഞ ദിവസം
പോസ്റ്റ്മോര്ട്ടം നടപടികള് പൂര്ത്തിയാക്കി കളമശ്ശേരി മെഡിക്കല് കോളേജിലാണ്
മൃതദേഹം സൂക്ഷിച്ചത്. സംസ്കരിക്കുന്നതിന് മുന്പ് മൃതദേഹം അവസാനമായി കാണാന്
മാതാപിതാക്കള്ക്ക് പോലീസ് അവസരമൊരുക്കി. മകന്റെ മൃതദേഹം കണ്ട ഇരുവരും
പൊട്ടിക്കരഞ്ഞു.
ബംഗാള് സ്വദേശിയായ അച്ഛന്റെയും ജാര്ഖണ്ഡ് സ്വദേശിനിയായ
അമ്മയുടേയും ബന്ധുക്കളെ കണ്ടെത്താന് കഴിയാത്ത സാഹചര്യത്തില് കലക്ടറുടെ
നിര്ദേശപ്രകാരം നാട്ടുകാരാണ് സംസ്കാര ചടങ്ങുകള് നടത്തിയത്.
അച്ഛനെയും
കേസില് പ്രതിചേര്ത്ത പോലീസ് അറസ്റ്റ് രേഖപ്പെടുത്തി. അമ്മയുടെ അറസ്റ്റ്
നേരത്തെ രേഖപെടുത്തി റിമാന്ഡ് ചെയ്തിരുന്നു. മാതാപിതാക്കള് ഇവര്തന്നെ ആണോ
എന്നുറപ്പിക്കാന് DNA പരിശോധനയും നടത്തും.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല