തിരുവനന്തപുരം: കൊഞ്ചിറവിള സ്വദേശി അനന്തു ഗിരീഷിനെ തട്ടികൊണ്ട് പോയി കൊലപ്പെടുത്തിയ സംഭവത്തില് മനുഷ്യാവകാശ കമ്മീഷന് കേസെടുത്തു. സംഭവത്തില് പോലീസിന്റെ ഇടപെടല് വൈകിയെന്ന് മനുഷ്യാവകാശ കമ്മീഷന് വ്യക്തമാക്കി.
നേരത്തെ വിവരമറിയിച്ച് രണ്ട് മണിക്കൂര് കഴിഞ്ഞ ശേഷമാണ് പോലീസ് എത്തിയതെന്ന് ദൃക്സാക്ഷികള് പ്രതികരിച്ചിരുന്നു.
അനന്തുവിനെ കാണാതായ സമയത്ത് പോലീസ് അന്വേഷണത്തില് സജീവമായിരുന്നില്ലെന്ന് യുവാവിന്റെ ബന്ധുക്കളും ആരോപിച്ചിരുന്നു. യുവാവിന്റെ മൃതദേഹവും ബൈക്കും ആദ്യം കണ്ടെത്തിയത് സുഹൃത്തുക്കളായിരുന്നു.അനന്ദുവിന്റെ മൃതദേഹം കണ്ടെത്തിയ ദേശീയ പാതയ്ക്ക് സമീപമുള്ള കാട്ടില് യുവാക്കള് ലഹരി വസ്തുക്കള് ഉപയോഗിക്കുന്നുണ്ടെന്ന് നാട്ടുകാര് നേരത്തെ പരാതിപ്പെട്ടിരുന്നു. എന്നാല് അതിലും പോലീസിന്റെ അന്വേഷണം മന്ദഗതിയിലായിരുന്നു.