ഇന്ന് എന്റെ മുറിയില്
ഒരസമയം കാവലിരിക്കുന്നുണ്ട്...
നീലവെളിച്ചത്തില് അരണ്ട കടുപ്പത്തില്
ചില്ലിട്ട അലമാരയില് നിന്ന്
താനേ ഇറങ്ങി വരുന്ന പുസ്തങ്ങള്ക്ക്
പൂമ്പാറ്റച്ചിറകുകള്...
ജനാലയ്ക്കരികില് വന്ന് ആരുമെന്നെ
എത്തിനോക്കരുത്...
ഇപ്പോള് പലകാലങ്ങള് ഒന്നിച്ച്
ചിറകടിക്കുന്ന ഒറ്റ മുറിയില് എന്റെ
ചിറകുകള് കണ്ട് നിങ്ങള് വിസ്മയിച്ചുപോകും...
അവിടെ രാത്രിപുഷ്പങ്ങള് പരിമളങ്ങളെ
ഇളംകാറ്റാലാറ്റിക്കുറുക്കിയ തേന്തുള്ളികളെ
എന്റെ രസമുകുളങ്ങളിലേയ്ക്ക്
മഴത്തുള്ളികളെന്ന പോലെ ഇറ്റിച്ച്
എന്നെ രസിപ്പിക്കുന്നത് കണ്ട്
നിങ്ങള് തേന്ചില്ലകളില് കൂടുകൂട്ടാന്
ആക്കം കൂട്ടുന്ന മനസ്സുമായ് നിലാവത്ത് മഴനനയും...
.
നിങ്ങള് മിന്നാമിനുങ്ങുകളാണെന്ന്
തെറ്റിദ്ധരിച്ച് ഞാനെന്റെ കണ്ണുകളെ
നക്ഷത്രങ്ങളാക്കാന് പരിശ്രമിക്കും...
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല