നടി ആക്രമിക്കപ്പെട്ട കേസില് ദിലീപിന് പിന്തുണയുമായി സംവിധായകന് ലാല് ജോസിന്റെ ഫെയ്സ്ബുക്ക് പോസ്റ്റ്.
കഴിഞ്ഞ 26 വര്ഷങ്ങളായി എനിക്ക് നിന്നെ അറിയാം. ആരൊക്കെ കരിവാരിത്തേക്കാന് ശ്രമിച്ചാലും ഞാന് നിന്നോടൊപ്പമുണ്ട് - ലാല്ജോസ് തന്റെ ഫെയ്സ്ബുക്ക് പേജില് കുറിച്ചു
ദിലീപിന് എന്ന പേരില് പള്സര് സുനി ജയിലില് നിന്നെഴുതിയ കത്ത്
പുറത്തുന്നവന്നതിന് ശേഷം ദിലീപിന് പിന്തുണ അറിയിച്ചു കൊണ്ട് സലിംകുമാറും
അജു വര്ഗീസും നേരത്തെ തന്നെ രംഗത്തുവന്നിരുന്നു.
ഇതിനു പുറകെയാണ് നടനെ പിന്തുണച്ചുകൊണ്ട് ലാല്ജോസും എത്തിയിരിക്കുന്നത്.
കമലിന്റെ സംവിധാന സഹായികളായിട്ടാണ് ദിലീപും ലാല് ജോസും സിനിമയിലെത്തുന്നത്. എന്നാല് ദിലീപ് പിന്നീട് അഭിനയരംഗത്ത് തുടരുകയായിരുന്നു. ദിലീപിനെ നായകനാക്കി ലാല് ജോസ് നിരവധി ചിത്രങ്ങളൊരുക്കിയിട്ടുണ്ട്.
ദിലീപിനെതിരെ സിനിമയിലെ തന്നെ ചില സഹോദരീസഹോദരന്മാര് ചരടുവലിക്കുന്നത് തനിക്ക് കാണാമെന്നും നടിയെയും പള്സര് സുനിയെയും നുണപരിശോധനയ്ക്ക് വിധേയരാക്കണമെന്നും സലീം കുമാര് ആവശ്യപ്പെട്ടിരുന്നു.
കേസിലേയ്ക്ക് വലിച്ചിഴയ്ക്കാന് മാത്രം വിഡ്ഡികളാണോ ഈ ക്രിമിനലുകളെന്ന് അജു വര്ഗീസും ഫെയ്സ്ബുക്ക് പോസ്റ്റില് ചോദിച്ചു. ഇത് അനീതിയുടെ അങ്ങേയറ്റമാണ്. നീതി നടപ്പിലാവണം. എന്നാല്, അതിന് നിരപരാധിയായ ഒരു മനുഷ്യന്റെ ഇമേജ് തകര്ത്തിട്ടാവരുത്അജു കുറിച്ചു.
കുറച്ച് നാളുകളായി തന്നെ തകര്ക്കാന് ഉദ്ദേശിക്കുന്നവരുടെ ഗൂഢ ലക്ഷ്യത്തിന്റെ ഭാഗമാണ് ഇപ്പോള് നടക്കുന്ന സംഭവ വികാസങ്ങളെല്ലാമെന്ന് ദിലീപ്
ദിലീപിന്റെ ഫെയ്സ്ബുക്ക് പോസ്റ്റ്
സലിംകുമാറിനും, അജുവര്ഗ്ഗീസിനും നന്ദി, ഈ അവസരത്തില് നിങ്ങള് നല്കിയ പിന്തുണ വളരെ വലുതാണ്. ജീവിതത്തില് ഇന്നേവരെ എല്ലാവര്ക്കും നല്ലതുവരണം എന്ന് മാത്രമെ ചിന്തിച്ചിട്ടുള്ളു, അതിനുവേണ്ടിയെ പ്രവര്ത്തിച്ചിട്ടുള്ളു. പക്ഷെ ഒരു കേസിന്റെ പേരില് കഴിഞ്ഞ കുറച്ചു നാളുകളായി എന്നെ തേജോവധം ചെയ്യാനുള്ള ശ്രമം സോഷ്യല് മീഡിയയിലൂടെയും, ചില മഞ്ഞ ഓണ്ലൈന് മാധ്യമങ്ങളിലൂടെയും ഒളിഞ്ഞും, തെളിഞ്ഞും എന്റെ ഇമേജ് തകര്ക്കാന് ഒരു വിഭാഗം ശ്രമിക്കുന്നു, ഇപ്പോള് ഈ ഗൂഢാലോചന നടക്കുന്നത് പ്രമുഖ ചാനലുകളുടെ അന്തപ്പുരങ്ങളിലും, അതിലൂടെ അവരുടെ അന്തിചര്ച്ചയിലൂടെ എന്നെ താറടിച്ച് കാണിക്കുക എന്നുമാണ്.
ഇവരുടെ എല്ലാവരുടേയും ലക്ഷ്യം ഒന്നാണ്, എന്നെ സ്നേഹിക്കുന്ന പ്രേക്ഷകരെ എന്നെന്നേക്കുമായി എന്നില് നിന്നകറ്റുക, എന്റെ ആരാധകരെ എന്നെന്നേക്കുമായ് ഇല്ലായ്മ ചെയ്യുക, അതിലൂടെ എന്റെ പുതിയ ചിത്രം രാമലീലയേയും, തുടര്ന്നുള്ള സിനിമകളേയും പരാജയപ്പെടുത്തുക, എന്നെ സിനിമാരംഗത്ത് നിന്നുതന്നെ ഇല്ലായ്മചെയ്യുക. ഞാന് ചെയ്യാത്തതെറ്റിന് എന്നെ ക്രൂശിക്കാന് ശ്രമിക്കുന്നവരോടും, എന്റെ രക്തത്തിനായ് ദാഹിക്കുന്നവരോടും, ഇവിടത്തെ മാധ്യമങ്ങളോടും, പൊതു ജനങ്ങളോടും എനിക്കൊന്നേ പറയാനുള്ളൂ, ഒരു കേസിലും എനിക്ക് പങ്കില്ല, സലിം കുമാര് പറഞ്ഞതു പോലെ ബ്രയിന് മാപ്പിങ്ങോ, നാര്ക്കോനാലിസിസ്സ് ടെസ്റ്റോ, നുണ പരിശോധനയോ എന്തുമാവട്ടെ ഞാന് തയ്യാറാണ്, അത് മറ്റാരെയും കുറ്റവാളിയാക്കാനല്ല, എന്റെ നിരപരാധിത്വം തെളിയിക്കാന് വേണ്ടി മാത്രം.
എല്ലാവര്ക്കും ഹൃദയം നിറഞ്ഞ ഈദ് ആശംസകള്.