കാട്ടില് ജീവിയ്ക്കുന്ന മുരുകന് എന്ന കഥാപാത്രത്തെ കുറിച്ച് കഥ പറയുന്ന ചിത്രമാണ് മോഹന്ലാലിനെ നായകനാക്കി വൈശാഖ് സംവിധാനം ചെയ്യുന്ന പുലിമുരുകന്. ഏറെ പ്രത്യേകതകളുമായി തിയേറ്ററിലെത്തുന്ന ചിത്രത്തില് പ്രേക്ഷകര്ക്ക് വലിയ പ്രതീക്ഷയാണുള്ളത്.
കാടിന്റെ കഥ പറയുന്ന ചിത്രത്തിന്റെ ഭൂരിഭാഗം ചിത്രീകരണവും നടന്നത് ഉള്ക്കാടുകളിലാണ്. ചിത്രത്തിന്റെ ഷൂട്ടിങ് അനുഭവം അടുത്തിടെ ഒരു അഭിമുഖത്തില് സംസാരിക്കവെ മോഹന്ലാല് പങ്കുവച്ചു. ഇരുട്ട് വീണാല് ആനകളിറങ്ങും. അതുകൊണ്ട് അഞ്ച് മണിയാകുമ്പോഴേക്കും പാക്കപ്പ് പറയുമത്രെ.
പുലിമുരുകനെയും സംഘത്തെയും ആന ഓടിച്ച കഥയും ലാല് പങ്കുവച്ചു.രാവിലെ ഷൂട്ടിങിന് പോകുമ്പോള് ആനയെ കാണും. അവ ഒന്നും ചെയ്യില്ല. എന്നാലും കുറേ ആനകള് ഒന്നിച്ച് മുന്നി വന്ന് നിന്നാല് ആര്ക്കും പേടി തോന്നില്ലേ. അവയോട് പുലിമുരുകനാണെന്ന് പറഞ്ഞിട്ട് എന്ത്കാര്യം -ലാല് ചോദിച്ചു
മോഹന്ലാലിനെ കൂടാതെ ലാല്, കമാലീന മുഖര്ജി, ജഗപതി ബാബു തുടങ്ങിയവരും അഭിനയിക്കുന്ന ചിത്രം ഈ ഈദ് ആഘോഷത്തിന് തിയേറ്ററുകളിലെത്തും