താളിയോലകളില്‍നിന്നും പ്രമേഹൗഷധം വികസിപ്പിച്ചെടുത്തു
അനില്‍ പെണ്ണുക്കര Published on 03 March, 2016
സംസ്ഥാനസര്‍ക്കാരിന്റെ ട്രഡിഷണല്‍ നോളഡ്ജ് ഇന്നൊവേഷന്‍- കേരള, കെയര്‍
കേരളയുടെ സഹകരണത്തോടെ, താളിയോലകളില്‍നിന്നും പ്രമേഹൗഷധം
വികസിപ്പിച്ചെടുത്തു. ഇതു സംബന്ധിച്ച ഡ്രഗ് മാസ്റ്റര്‍ ഫയലിന്റെ സമര്‍പ്പണം,
തിരുവനന്തപുരം മസ്ക്കറ്റ് ഹോട്ടലില്‍ നടന്ന ചടങ്ങില്‍ ആയുഷ് -ആരോഗ്യ
കുടുംബക്ഷേമ ദേവസ്വം വകുപ്പ് മന്ത്രി വി.എസ്. ശിവകുമാര്‍
നിര്‍വ്വഹിച്ചു.
പ്രമേഹത്തിന് മരുന്നുകഴിക്കുമ്പോള്‍ രക്തത്തിലെ ഗ്ലൂക്കോസ് ലെവല്‍ ഗണ്യമായി കുറയുന്ന അവസ്ഥയായ, ഹൈപ്പോ ഗ്ലൈസീമിയ ഉണ്ടാകാറുണ്ട്. പുതുതായി കണ്ടെത്തിയ പ്രമേഹൗഷധം കഴിക്കുമ്പോള്‍ ഇത് സംഭവിക്കില്ല എന്നതാണ് മുഖ്യ സവിശേഷത. താളിയോലകളില്‍നിന്നും കണ്ടെടുത്ത ഔഷധയോഗത്തെക്കുറിച്ച്, അന്താരാഷ്ട്ര നിലവാരത്തിലുള്ള പരീക്ഷണങ്ങള്‍ നടത്തി ഫലപ്രാപ്തി തെളിയിച്ച ശേഷമാണ് ഇതുസംബന്ധിച്ച ഡ്രഗ് മാസ്റ്റര്‍ ഫയല്‍ തയ്യാറാക്കിയിട്ടുള്ളത്. താളിയോലകളില്‍നിന്നും ഡ്രഗ് മാസ്റ്റര്‍ ഫയല്‍ തയ്യാറാക്കുന്ന ആദ്യ സംസ്ഥാനമാണ് കേരളം.
താളിയോലകള്‍ കണ്ടെടുത്ത് അവയിലെ ഔഷധയോഗങ്ങളെക്കുറിച്ച് തയ്യാറാക്കിയ കേരളീയ ഔഷധവിജ്ഞാനം, ആയുര്‍വേദ ലഗസി ഓഫ് കേരള എന്നീ പുസ്തകങ്ങള്‍ മന്ത്രി പ്രകാശനം ചെയ്തു. കഴിഞ്ഞവര്‍ഷം ഇത്തരത്തിലുള്ള ആറ് പുസ്തകങ്ങള്‍, ട്രഡിഷണല്‍ നോളഡ്ജ് ഇന്നൊവേഷന്‍- കേരള പ്രസിദ്ധീകരിച്ചതായി മന്ത്രി അറിയിച്ചു. പാരമ്പര്യവിജ്ഞാനത്തെക്കുറിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് ഡിപ്പാര്‍ട്ട്‌മെന്റ് തയ്യാറാക്കിയ "ഇദം അമൃതം' എന്ന ഹ്രസ്വചിത്രത്തിന്റെ ആദ്യപ്രദര്‍ശനവും ചടങ്ങിനോടനുബന്ധിച്ച് നടന്നു. കെ. മുരളീധരന്‍ എംഎല്‍എ അധ്യക്ഷത വഹിച്ചു. പന്തളം കൊട്ടാരം നിര്‍വ്വാഹക സംഘം പ്രസിഡന്റ് പി.ജി. ശശികുമാര്‍ വര്‍മ്മ കൊട്ടാരത്തില്‍നിന്നുള്ള താളിയോലകള്‍ മന്ത്രിക്ക് കൈമാറി. മന്ത്രി അദ്ദേഹത്തെ പൊന്നാടയണിയിച്ച് ആദരിക്കുകയും പ്രശംസാപത്രം നല്‍കുകയും ചെയ്തു. ആയുര്‍വേദ മെഡിക്കല്‍ വിദ്യാഭ്യാസവകുപ്പ് തയ്യാറാക്കിയ എന്റെ ഭാഷ എന്ന സ്മരണികയും ചടങ്ങില്‍ പ്രകാശനം ചെയ്തു. ആരോഗ്യവകുപ്പ് അഡിഷണല്‍ സെക്രട്ടറി കെ. സുദര്‍ശനന്‍, ആരോഗ്യസര്‍വ്വകലാശാല പ്രൊ. വൈസ് ചാന്‍സലര്‍ ഡോ. കെ. നളിനാക്ഷന്‍, ആയുര്‍വ്വേദ മെഡിക്കല്‍ വിദ്യാഭ്യാസ ഡയറക്ടര്‍ ഡോ. ടി. ശിവദാസ്, സംസ്ഥാന ഔഷധ സസ്യബോര്‍ഡ് സിഇഒ: ഡോ. കെ.ജി. ശ്രീകുമാര്‍, ഡോ. സി. രഘുനാഥന്‍നായര്‍, എസ്. സതീശന്‍ നായര്‍ എന്നിവര്‍ പ്രസംഗിച്ചു. പാരമ്പര്യ വിജ്ഞാന സംരക്ഷണത്തെക്കുറിച്ച് നടന്ന സെമിനാറില്‍ ഡോ. ഇ. ഉണ്ണിക്കൃഷ്ണന്‍, ഡോ. ജോയ് വര്‍ഗീസ്, ഡോ. ആര്‍.വി. വര്‍മ്മ, ഡോ. ആര്‍. സത്യജിത്ത് എന്നിവര്‍ പ്രബന്ധങ്ങള്‍ അവതരിപ്പിച്ചു.
പ്രമേഹത്തിന് മരുന്നുകഴിക്കുമ്പോള്‍ രക്തത്തിലെ ഗ്ലൂക്കോസ് ലെവല്‍ ഗണ്യമായി കുറയുന്ന അവസ്ഥയായ, ഹൈപ്പോ ഗ്ലൈസീമിയ ഉണ്ടാകാറുണ്ട്. പുതുതായി കണ്ടെത്തിയ പ്രമേഹൗഷധം കഴിക്കുമ്പോള്‍ ഇത് സംഭവിക്കില്ല എന്നതാണ് മുഖ്യ സവിശേഷത. താളിയോലകളില്‍നിന്നും കണ്ടെടുത്ത ഔഷധയോഗത്തെക്കുറിച്ച്, അന്താരാഷ്ട്ര നിലവാരത്തിലുള്ള പരീക്ഷണങ്ങള്‍ നടത്തി ഫലപ്രാപ്തി തെളിയിച്ച ശേഷമാണ് ഇതുസംബന്ധിച്ച ഡ്രഗ് മാസ്റ്റര്‍ ഫയല്‍ തയ്യാറാക്കിയിട്ടുള്ളത്. താളിയോലകളില്‍നിന്നും ഡ്രഗ് മാസ്റ്റര്‍ ഫയല്‍ തയ്യാറാക്കുന്ന ആദ്യ സംസ്ഥാനമാണ് കേരളം.
താളിയോലകള്‍ കണ്ടെടുത്ത് അവയിലെ ഔഷധയോഗങ്ങളെക്കുറിച്ച് തയ്യാറാക്കിയ കേരളീയ ഔഷധവിജ്ഞാനം, ആയുര്‍വേദ ലഗസി ഓഫ് കേരള എന്നീ പുസ്തകങ്ങള്‍ മന്ത്രി പ്രകാശനം ചെയ്തു. കഴിഞ്ഞവര്‍ഷം ഇത്തരത്തിലുള്ള ആറ് പുസ്തകങ്ങള്‍, ട്രഡിഷണല്‍ നോളഡ്ജ് ഇന്നൊവേഷന്‍- കേരള പ്രസിദ്ധീകരിച്ചതായി മന്ത്രി അറിയിച്ചു. പാരമ്പര്യവിജ്ഞാനത്തെക്കുറിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് ഡിപ്പാര്‍ട്ട്‌മെന്റ് തയ്യാറാക്കിയ "ഇദം അമൃതം' എന്ന ഹ്രസ്വചിത്രത്തിന്റെ ആദ്യപ്രദര്‍ശനവും ചടങ്ങിനോടനുബന്ധിച്ച് നടന്നു. കെ. മുരളീധരന്‍ എംഎല്‍എ അധ്യക്ഷത വഹിച്ചു. പന്തളം കൊട്ടാരം നിര്‍വ്വാഹക സംഘം പ്രസിഡന്റ് പി.ജി. ശശികുമാര്‍ വര്‍മ്മ കൊട്ടാരത്തില്‍നിന്നുള്ള താളിയോലകള്‍ മന്ത്രിക്ക് കൈമാറി. മന്ത്രി അദ്ദേഹത്തെ പൊന്നാടയണിയിച്ച് ആദരിക്കുകയും പ്രശംസാപത്രം നല്‍കുകയും ചെയ്തു. ആയുര്‍വേദ മെഡിക്കല്‍ വിദ്യാഭ്യാസവകുപ്പ് തയ്യാറാക്കിയ എന്റെ ഭാഷ എന്ന സ്മരണികയും ചടങ്ങില്‍ പ്രകാശനം ചെയ്തു. ആരോഗ്യവകുപ്പ് അഡിഷണല്‍ സെക്രട്ടറി കെ. സുദര്‍ശനന്‍, ആരോഗ്യസര്‍വ്വകലാശാല പ്രൊ. വൈസ് ചാന്‍സലര്‍ ഡോ. കെ. നളിനാക്ഷന്‍, ആയുര്‍വ്വേദ മെഡിക്കല്‍ വിദ്യാഭ്യാസ ഡയറക്ടര്‍ ഡോ. ടി. ശിവദാസ്, സംസ്ഥാന ഔഷധ സസ്യബോര്‍ഡ് സിഇഒ: ഡോ. കെ.ജി. ശ്രീകുമാര്‍, ഡോ. സി. രഘുനാഥന്‍നായര്‍, എസ്. സതീശന്‍ നായര്‍ എന്നിവര്‍ പ്രസംഗിച്ചു. പാരമ്പര്യ വിജ്ഞാന സംരക്ഷണത്തെക്കുറിച്ച് നടന്ന സെമിനാറില്‍ ഡോ. ഇ. ഉണ്ണിക്കൃഷ്ണന്‍, ഡോ. ജോയ് വര്‍ഗീസ്, ഡോ. ആര്‍.വി. വര്‍മ്മ, ഡോ. ആര്‍. സത്യജിത്ത് എന്നിവര്‍ പ്രബന്ധങ്ങള്‍ അവതരിപ്പിച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala