സംസ്ഥാനത്ത് ആയുഷ് ആരോഗ്യനയം നിലവില്‍വന്നു
അനില്‍ പെണ്ണുക്കര Published on 03 March, 2016
കേരളത്തെ ആയുഷ് ചികിത്സാ സമ്പ്രദായങ്ങളുടെ ആഗോള തലസ്ഥാനമാക്കുക എന്ന
ലക്ഷ്യത്തെ മുന്‍നിര്‍ത്തിയുള്ള ആയുഷ് ആരോഗ്യനയം നിലവില്‍വന്നു. ആയുഷ് -
ആരോഗ്യ കുടുംബക്ഷേമ - ദേവസ്വം വകുപ്പ് മന്ത്രി വി.എസ്. ശിവകുമാറിന്റെ
അധ്യക്ഷതയില്‍, തിരുവനന്തപുരം മസ്ക്കറ്റ് ഹോട്ടലില്‍ നടന്ന ചടങ്ങില്‍
ആഭ്യന്തരമന്ത്രി രമേശ് ചെന്നിത്തലയാണ് ആയുഷ് ആരോഗ്യനയത്തിന്റെ
പ്രകാശനകര്‍മ്മം നിര്‍വ്വഹിച്ചത്.
ആയുഷ് വകുപ്പിന്റെ മുന്നോട്ടുള്ള പ്രയാണത്തിന് വ്യക്തമായ ദിശാബോധം നല്‍കുന്ന ആരോഗ്യനയം, ആയുഷ് വകുപ്പ് രൂപീകരിച്ച് ആറുമാസത്തിനകം തയ്യാറാക്കി നടപ്പിലാക്കാന്‍ സാധിച്ചത് വലിയ നേട്ടമാണെന്ന് രമേശ് ചെന്നിത്തല പ്രസംഗത്തില്‍ പറഞ്ഞു. കേരളത്തിന്റെ തനതായ ചികിത്സാ സമ്പ്രദായങ്ങള്‍ക്ക് കരുത്ത് പകരുന്ന കാര്യങ്ങളാണ് ആരോഗ്യനയത്തിലുള്ളത്. ആയുഷ് ചികിത്സാ സൗകര്യങ്ങളുടെ ഗുണനിലവാരം മെച്ചപ്പെടുത്തുക, അടിസ്ഥാന സൗകര്യങ്ങള്‍ വികസിപ്പിക്കുക, ആയുഷ് ചികിത്സാ സമ്പ്രദായങ്ങളുടെ സേവനം പ്രാഥമികാരോഗ്യരംഗത്ത് വിപുലമാക്കുക, ആയുഷ് വിദ്യാഭ്യാസ നിലവാരം മെച്ചപ്പെടുത്തുക, ഗവേഷണപ്രവര്‍ത്തനങ്ങള്‍ക്ക് ആക്കം കൂട്ടുക മുതലായ കാര്യങ്ങള്‍ ഉള്‍ക്കൊള്ളുന്ന നയത്തിന് 10 വര്‍ഷത്തെ പ്രാബല്യമുണ്ടായിരിക്കും.
വര്‍ധിച്ചുവരുന്ന ജീവിതശൈലീ രോഗങ്ങള്‍ക്ക് കടിഞ്ഞാണിടാന്‍ ആയുര്‍വ്വേദം ഹോമിയോ മുതലായ ആയുഷ് ചികിത്സാ സമ്പ്രദായങ്ങള്‍ക്ക് വിപുലമായ പ്രചാരം നല്‍കേണ്ടത് അത്യാവശ്യമാണെന്ന് അധ്യക്ഷപ്രസംഗത്തില്‍ ആരോഗ്യമന്ത്രി വി.എസ്. ശിവകുമാര്‍ പറഞ്ഞു. അതിനുള്ള പരിശ്രമങ്ങളാണ് സര്‍ക്കാര്‍ നടത്തുന്നത്. കേരളത്തെ സമ്പൂര്‍ണ്ണ ആയുര്‍വ്വേദ സംസ്ഥാനമാക്കി മാറ്റാന്‍, കഴിഞ്ഞ അഞ്ചുവര്‍ഷത്തെ പ്രവര്‍ത്തനങ്ങളിലൂടെ സാധിച്ചു. പുതുതായി രൂപവല്‍ക്കരിച്ചതുള്‍പ്പെടെയുള്ള ഏതാനും പഞ്ചായത്തുകളില്‍ക്കൂടി ചികിത്സാ കേന്ദ്രങ്ങളായാല്‍ കേരളം സമ്പൂര്‍ണ്ണ ഹോമിയോ സംസ്ഥാനമായും മാറും. ഇതിനാവശ്യമായ തുക അനുവദിച്ചുകഴിഞ്ഞു. യോഗ-പ്രകൃതിചികിത്സ, യുനാനി, സിദ്ധ എന്നീ ആയുഷ് ചികിത്സാ സമ്പ്രദായങ്ങളും ഘട്ടംഘട്ടമായി കൂടുതല്‍ ജനങ്ങളിലെത്തിക്കുകയാണ് ലക്ഷ്യം. ഇതിന് ആയുഷ് ആരോഗ്യനയം തീര്‍ച്ചയായും സഹായകമാകും. ഔഷധ സസ്യങ്ങളുടെയും ഗുണനിലവാരമുള്ള മരുന്നുകളുടെയും ലഭ്യത ഉറപ്പുവരുത്താന്‍ തുടര്‍ച്ചയായ പ്രവര്‍ത്തനങ്ങള്‍ അത്യാവശ്യമാണ്. ഔഷധി, ഹോംകോ മരുന്നുനിര്‍മ്മാണശാലകളുടെ വികസനവും ഏറെ പ്രാധാന്യമര്‍ഹിക്കുന്നു. കാഷ്-ആയുഷ് നിലവാരത്തിലേക്ക് ആയുഷ് സ്ഥാപനങ്ങളെ വളര്‍ത്തിയെടുക്കണം. സംസ്ഥാനത്ത് ആയുഷ് ഗവേഷണകേന്ദ്രം സ്ഥാപിക്കണം. ഈ ലക്ഷ്യങ്ങളെല്ലാം മുന്‍നിര്‍ത്തിയാണ് സംസ്ഥാനത്ത് ആയുഷ് നയം നടപ്പിലാക്കുന്നതെന്ന് വി.എസ്. ശിവകുമാര്‍ പറഞ്ഞു.
ചടങ്ങില്‍ കെ. മുരളീധരന്‍ എംഎല്‍എ മുഖ്യപ്രഭാഷണം നടത്തി. ആയുഷ് വകുപ്പ് സെക്രട്ടറി ഡോ. എം. ബീന, ഭാരതീയ ചികിത്സാവകുപ്പ് ഡയറക്ടര്‍ ഡോ. അനിതാജേക്കബ്, ഹോമിയോപ്പതി വകുപ്പ് ഡയറക്ടര്‍ ഡോ. കെ. ജമുന, നാഷണല്‍ ആയുഷ് മിഷന്‍ സ്റ്റേറ്റ് പ്രോഗ്രാം മാനേജര്‍മാരായ ഡോ. ജി.എസ്. ബാലചന്ദ്രന്‍നായര്‍, ഡോ. പി. ഹരിദാസ്, ആയുര്‍വ്വേദ മെഡിക്കല്‍ വിദ്യാഭ്യാസ ഡയറക്ടര്‍ ഡോ. ടി. ശിവദാസ്, ഹോമിയോപ്പതി മെഡിക്കല്‍ വിദ്യാഭ്യാസവിഭാഗം കണ്ട്രോളിംഗ് ഓഫീസര്‍ ഡോ. പി.ജയ, ഡെപ്യൂട്ടി ഡ്രഗ്‌സ് കണ്ട്രോളര് ഡോ. എന്‍. വിമല, സംസ്ഥാന ഔഷധ സസ്യബോര്‍ഡ് സിഇഒ: ഡോ. കെ.ജി. ശ്രീകുമാര്‍ എന്നിവര്‍ പ്രസംഗിച്ചു.
ആയുഷ് വകുപ്പിന്റെ മുന്നോട്ടുള്ള പ്രയാണത്തിന് വ്യക്തമായ ദിശാബോധം നല്‍കുന്ന ആരോഗ്യനയം, ആയുഷ് വകുപ്പ് രൂപീകരിച്ച് ആറുമാസത്തിനകം തയ്യാറാക്കി നടപ്പിലാക്കാന്‍ സാധിച്ചത് വലിയ നേട്ടമാണെന്ന് രമേശ് ചെന്നിത്തല പ്രസംഗത്തില്‍ പറഞ്ഞു. കേരളത്തിന്റെ തനതായ ചികിത്സാ സമ്പ്രദായങ്ങള്‍ക്ക് കരുത്ത് പകരുന്ന കാര്യങ്ങളാണ് ആരോഗ്യനയത്തിലുള്ളത്. ആയുഷ് ചികിത്സാ സൗകര്യങ്ങളുടെ ഗുണനിലവാരം മെച്ചപ്പെടുത്തുക, അടിസ്ഥാന സൗകര്യങ്ങള്‍ വികസിപ്പിക്കുക, ആയുഷ് ചികിത്സാ സമ്പ്രദായങ്ങളുടെ സേവനം പ്രാഥമികാരോഗ്യരംഗത്ത് വിപുലമാക്കുക, ആയുഷ് വിദ്യാഭ്യാസ നിലവാരം മെച്ചപ്പെടുത്തുക, ഗവേഷണപ്രവര്‍ത്തനങ്ങള്‍ക്ക് ആക്കം കൂട്ടുക മുതലായ കാര്യങ്ങള്‍ ഉള്‍ക്കൊള്ളുന്ന നയത്തിന് 10 വര്‍ഷത്തെ പ്രാബല്യമുണ്ടായിരിക്കും.
വര്‍ധിച്ചുവരുന്ന ജീവിതശൈലീ രോഗങ്ങള്‍ക്ക് കടിഞ്ഞാണിടാന്‍ ആയുര്‍വ്വേദം ഹോമിയോ മുതലായ ആയുഷ് ചികിത്സാ സമ്പ്രദായങ്ങള്‍ക്ക് വിപുലമായ പ്രചാരം നല്‍കേണ്ടത് അത്യാവശ്യമാണെന്ന് അധ്യക്ഷപ്രസംഗത്തില്‍ ആരോഗ്യമന്ത്രി വി.എസ്. ശിവകുമാര്‍ പറഞ്ഞു. അതിനുള്ള പരിശ്രമങ്ങളാണ് സര്‍ക്കാര്‍ നടത്തുന്നത്. കേരളത്തെ സമ്പൂര്‍ണ്ണ ആയുര്‍വ്വേദ സംസ്ഥാനമാക്കി മാറ്റാന്‍, കഴിഞ്ഞ അഞ്ചുവര്‍ഷത്തെ പ്രവര്‍ത്തനങ്ങളിലൂടെ സാധിച്ചു. പുതുതായി രൂപവല്‍ക്കരിച്ചതുള്‍പ്പെടെയുള്ള ഏതാനും പഞ്ചായത്തുകളില്‍ക്കൂടി ചികിത്സാ കേന്ദ്രങ്ങളായാല്‍ കേരളം സമ്പൂര്‍ണ്ണ ഹോമിയോ സംസ്ഥാനമായും മാറും. ഇതിനാവശ്യമായ തുക അനുവദിച്ചുകഴിഞ്ഞു. യോഗ-പ്രകൃതിചികിത്സ, യുനാനി, സിദ്ധ എന്നീ ആയുഷ് ചികിത്സാ സമ്പ്രദായങ്ങളും ഘട്ടംഘട്ടമായി കൂടുതല്‍ ജനങ്ങളിലെത്തിക്കുകയാണ് ലക്ഷ്യം. ഇതിന് ആയുഷ് ആരോഗ്യനയം തീര്‍ച്ചയായും സഹായകമാകും. ഔഷധ സസ്യങ്ങളുടെയും ഗുണനിലവാരമുള്ള മരുന്നുകളുടെയും ലഭ്യത ഉറപ്പുവരുത്താന്‍ തുടര്‍ച്ചയായ പ്രവര്‍ത്തനങ്ങള്‍ അത്യാവശ്യമാണ്. ഔഷധി, ഹോംകോ മരുന്നുനിര്‍മ്മാണശാലകളുടെ വികസനവും ഏറെ പ്രാധാന്യമര്‍ഹിക്കുന്നു. കാഷ്-ആയുഷ് നിലവാരത്തിലേക്ക് ആയുഷ് സ്ഥാപനങ്ങളെ വളര്‍ത്തിയെടുക്കണം. സംസ്ഥാനത്ത് ആയുഷ് ഗവേഷണകേന്ദ്രം സ്ഥാപിക്കണം. ഈ ലക്ഷ്യങ്ങളെല്ലാം മുന്‍നിര്‍ത്തിയാണ് സംസ്ഥാനത്ത് ആയുഷ് നയം നടപ്പിലാക്കുന്നതെന്ന് വി.എസ്. ശിവകുമാര്‍ പറഞ്ഞു.
ചടങ്ങില്‍ കെ. മുരളീധരന്‍ എംഎല്‍എ മുഖ്യപ്രഭാഷണം നടത്തി. ആയുഷ് വകുപ്പ് സെക്രട്ടറി ഡോ. എം. ബീന, ഭാരതീയ ചികിത്സാവകുപ്പ് ഡയറക്ടര്‍ ഡോ. അനിതാജേക്കബ്, ഹോമിയോപ്പതി വകുപ്പ് ഡയറക്ടര്‍ ഡോ. കെ. ജമുന, നാഷണല്‍ ആയുഷ് മിഷന്‍ സ്റ്റേറ്റ് പ്രോഗ്രാം മാനേജര്‍മാരായ ഡോ. ജി.എസ്. ബാലചന്ദ്രന്‍നായര്‍, ഡോ. പി. ഹരിദാസ്, ആയുര്‍വ്വേദ മെഡിക്കല്‍ വിദ്യാഭ്യാസ ഡയറക്ടര്‍ ഡോ. ടി. ശിവദാസ്, ഹോമിയോപ്പതി മെഡിക്കല്‍ വിദ്യാഭ്യാസവിഭാഗം കണ്ട്രോളിംഗ് ഓഫീസര്‍ ഡോ. പി.ജയ, ഡെപ്യൂട്ടി ഡ്രഗ്‌സ് കണ്ട്രോളര് ഡോ. എന്‍. വിമല, സംസ്ഥാന ഔഷധ സസ്യബോര്‍ഡ് സിഇഒ: ഡോ. കെ.ജി. ശ്രീകുമാര്‍ എന്നിവര്‍ പ്രസംഗിച്ചു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala