ചികിത്സാരംഗത്തെ ആഗോളനേട്ടങ്ങള്‍ കേരളീയര്‍ക്ക് ലഭ്യമാക്കുക ലക്ഷ്യം : മുഖ്യമന്ത്രി
അനില്‍ പെണ്ണുക്കര Published on 03 February, 2016
ആഗോളചികിത്സാ രംഗത്തെ നേട്ടങ്ങള്‍, എല്ലാ കേരളീയര്‍ക്കും ലഭ്യമാക്കുക എന്ന
ലക്ഷ്യത്തോടെയുള്ള പ്രവര്‍ത്തനങ്ങളാണ് സര്‍ക്കാര്‍
നടപ്പിലാക്കിവരുന്നതെന്ന് മുഖ്യമന്ത്രി ഉമ്മന്‍ചാണ്ടി പറഞ്ഞു.
പൊതുജനാരോഗ്യരംഗത്ത് വന്‍ കുതിച്ചുചാട്ടത്തിനിടയാക്കിയത് ഈ
ലക്ഷ്യത്തിലധിഷ്ഠിതമായ പ്രവര്‍ത്തനങ്ങളാണെന്നും മുഖ്യമന്ത്രി
ചൂണ്ടിക്കാട്ടി. തിരുവനന്തപുരം മെഡിക്കല്‍ കോളേജില്‍, സര്‍ക്കാര്‍ മേഖലയിലെ
ആദ്യത്തെ, കരള്‍ മാറ്റിവയ്ക്കല്‍ തീവ്ര പരിചരണവിഭാഗം ഉദ്ഘാടനം ചെയ്ത്
പ്രസംഗിക്കുകയായിരുന്നു അദ്ദേഹം. സര്‍ക്കാര്‍ സംരംഭമായ മൃതസഞ്ജീവനി
മുഖേന, 190 ദാതാക്കളില്‍നിന്ന് 521 സ്വീകര്‍ത്താക്കളിലേക്ക് അവയവങ്ങള്‍
വിജയകരമായി മാറ്റിവച്ചതിന്റെ പ്രഖ്യാപനവും മുഖ്യമന്ത്രി
നിര്‍വ്വഹിച്ചു.
ലോകോത്തര നിലവാരത്തിലുള്ള കരള്‍മാറ്റിവയ്ക്കല്‍ സംവിധാനമാണ് മെഡിക്കല്‍ കോളേജില്‍ സജ്ജമാക്കിയിട്ടുള്ളതെന്ന്, സര്‍ക്കാര്‍ മേഖലയിലെ ആദ്യത്തെ എച്ച്.എല്‍.എ ലാബ് ഉദ്ഘാടനം ചെയ്തുകൊണ്ട് ആരോഗ്യമന്ത്രി വി.എസ്. ശിവകുമാര്‍ അറിയിച്ചു. ദാതാവിന്റെയും സ്വീകര്‍ത്താവിന്റെയും അവയവങ്ങളുടെ ചേര്‍ച്ച നിര്‍ണ്ണയിക്കുന്നതിനുള്ള ലാബാണിത്. ഇനി, അവയവമാറ്റത്തിനായി കാത്തുകഴിയുന്ന, നിരവധി രോഗികള്‍ക്ക്, തുച്ഛമായ ചെവലില്‍ വളരെ വേഗത്തില്‍ ഈ ലാബിലൂടെ അവയവങ്ങളുടെ ക്രോസ്മാച്ചിംഗ് നടത്താനാകും. കരള്‍ മാറ്റിവയ്ക്കല്‍ രംഗത്തെ ദക്ഷിണേന്ത്യയിലെ റഫറല്‍ കേന്ദ്രമായ സി.എം.സി വെല്ലൂരില്‍ ലഭ്യമായ അതേ സാങ്കേതികവിദ്യയാണ് ഇവിടെയും ഏര്‍പ്പെടുത്തിയിട്ടുള്ളത്. ഇരു സ്ഥാപനങ്ങളിലുമുള്ള എച്ച്.എല്‍.എ. ലാബുകളിലെ പരിശോധനാഫലങ്ങള്‍ തുല്യമാണെന്ന സര്‍ട്ടിഫിക്കറ്റ് സി.എം.സി യുടെ അധികൃതരില്‍നിന്നും തിരുവനന്തപുരം മെഡിക്കല്‍ കോളേജിന് ഉദ്ഘാടനദിവസംതന്നെ ലഭിച്ചതില്‍ സന്തോഷമുണ്ടെന്നും ആരോഗ്യമന്ത്രി പറഞ്ഞു.
കരള്‍ മാറ്റിവയ്ക്കല്‍ ശസ്ത്രക്രിയയ്ക്കായി, മൂന്നര കോടി രൂപയുടെ 21 ഉപകരണങ്ങളാണ് സജ്ജമാക്കിയിട്ടുള്ളത്. ശസ്ത്രക്രിയയ്ക്ക് ശേഷം രോഗിക്ക്, തീവ്ര പരിചരണം ആവശ്യമാണ്. ഇതിനായി 27 ലക്ഷം രൂപ വിനിയോഗിച്ച് ഐ.സി.യുവും ഒരുക്കിയിട്ടുണ്ട്. 11 ലക്ഷം രൂപ വീതം വിലവരുന്ന ലിവര്‍ ട്രാന്‍സ്പ്ലാന്റേഷന്‍ മരുന്നു കിറ്റുകളും രോഗികള്‍ക്ക് ഇവിടെ ലഭ്യമാണ്. 70 ലക്ഷത്തോളം രൂപ വിനിയോഗിച്ചാണ് എച്ച്.എല്‍.എ. ലാബ് സജ്ജമാക്കിയിട്ടുള്ളത്. ഒരു മാസത്തിനകം പുതിയ കാത്ത്‌ലാബ്, സി.ടി സ്കാന്‍, എം.ആര്‍.ഐ സ്കാന്‍ എന്നിവ മെഡിക്കല്‍ കോളേജില്‍ ലഭ്യമാക്കുമെന്നും ആരോഗ്യമന്ത്രി അറിയിച്ചു.
യോഗത്തില്‍ എം.എ. വാഹിദ് എം.എല്‍.എ. അധ്യക്ഷത വഹിച്ചു. കൗണ്‍സിലര്‍ ജോണ്‍സണ്‍ ജോസഫ്, മൃതസഞ്ജീവനി സംസ്ഥാന കണ്‍വീനറും മെഡിക്കല്‍ കോളേജ് പ്രിന്‍സിപ്പാളുമായ ഡോ. തോമസ് മാത്യു, ഡി.എം.ഇ: ഡോ. എ. റംലാബീവി, മെഡിക്കല്‍ കോളേജ് വൈസ് പ്രിന്‍സിപ്പാള്‍ ഡോ. ഗിരിജ കുമാരി, ആശുപത്രി സൂപ്രണ്ട് ഡോ. കെ. മോഹന്‍ദാസ്, മൃതസഞ്ജീവനി നോഡല്‍ ഓഫീസര്‍ ഡോ. നോബിള്‍ ഗ്രേഷ്യസ്, എസ്.എ.ടി. ആശുപത്രി സൂപ്രണ്ട് ഡോ. വി.ആര്‍. നന്ദിനി, നഴ്‌സിംഗ് കോളേജ് പ്രിന്‍സിപ്പാള്‍ പ്രൊഫ. എല്‍. നിര്‍മ്മല, ഡെന്റല്‍ കോളേജ് പ്രിന്‍സിപ്പാള്‍ ഡോ. പ്രശാന്തിലജനം, ഡോ. വേണുഗോപാല്‍, ഡോ. ശാന്താ സദാശിവന്‍, ഡോ. ജി. കൃഷ്ണ, ഡോ. ജേക്കബ് ജോര്‍ജ്, ജിബിന്‍ ജയിംസ് എന്നിവര്‍ പ്രസംഗിച്ചു. മൃതസഞ്ജീവനി മുഖേന അവയവങ്ങള്‍ സ്വീകരിച്ചവര്‍ക്ക് മുഖ്യമന്ത്രി ആശംസകള്‍ നേര്‍ന്നു.
ലോകോത്തര നിലവാരത്തിലുള്ള കരള്‍മാറ്റിവയ്ക്കല്‍ സംവിധാനമാണ് മെഡിക്കല്‍ കോളേജില്‍ സജ്ജമാക്കിയിട്ടുള്ളതെന്ന്, സര്‍ക്കാര്‍ മേഖലയിലെ ആദ്യത്തെ എച്ച്.എല്‍.എ ലാബ് ഉദ്ഘാടനം ചെയ്തുകൊണ്ട് ആരോഗ്യമന്ത്രി വി.എസ്. ശിവകുമാര്‍ അറിയിച്ചു. ദാതാവിന്റെയും സ്വീകര്‍ത്താവിന്റെയും അവയവങ്ങളുടെ ചേര്‍ച്ച നിര്‍ണ്ണയിക്കുന്നതിനുള്ള ലാബാണിത്. ഇനി, അവയവമാറ്റത്തിനായി കാത്തുകഴിയുന്ന, നിരവധി രോഗികള്‍ക്ക്, തുച്ഛമായ ചെവലില്‍ വളരെ വേഗത്തില്‍ ഈ ലാബിലൂടെ അവയവങ്ങളുടെ ക്രോസ്മാച്ചിംഗ് നടത്താനാകും. കരള്‍ മാറ്റിവയ്ക്കല്‍ രംഗത്തെ ദക്ഷിണേന്ത്യയിലെ റഫറല്‍ കേന്ദ്രമായ സി.എം.സി വെല്ലൂരില്‍ ലഭ്യമായ അതേ സാങ്കേതികവിദ്യയാണ് ഇവിടെയും ഏര്‍പ്പെടുത്തിയിട്ടുള്ളത്. ഇരു സ്ഥാപനങ്ങളിലുമുള്ള എച്ച്.എല്‍.എ. ലാബുകളിലെ പരിശോധനാഫലങ്ങള്‍ തുല്യമാണെന്ന സര്‍ട്ടിഫിക്കറ്റ് സി.എം.സി യുടെ അധികൃതരില്‍നിന്നും തിരുവനന്തപുരം മെഡിക്കല്‍ കോളേജിന് ഉദ്ഘാടനദിവസംതന്നെ ലഭിച്ചതില്‍ സന്തോഷമുണ്ടെന്നും ആരോഗ്യമന്ത്രി പറഞ്ഞു.
കരള്‍ മാറ്റിവയ്ക്കല്‍ ശസ്ത്രക്രിയയ്ക്കായി, മൂന്നര കോടി രൂപയുടെ 21 ഉപകരണങ്ങളാണ് സജ്ജമാക്കിയിട്ടുള്ളത്. ശസ്ത്രക്രിയയ്ക്ക് ശേഷം രോഗിക്ക്, തീവ്ര പരിചരണം ആവശ്യമാണ്. ഇതിനായി 27 ലക്ഷം രൂപ വിനിയോഗിച്ച് ഐ.സി.യുവും ഒരുക്കിയിട്ടുണ്ട്. 11 ലക്ഷം രൂപ വീതം വിലവരുന്ന ലിവര്‍ ട്രാന്‍സ്പ്ലാന്റേഷന്‍ മരുന്നു കിറ്റുകളും രോഗികള്‍ക്ക് ഇവിടെ ലഭ്യമാണ്. 70 ലക്ഷത്തോളം രൂപ വിനിയോഗിച്ചാണ് എച്ച്.എല്‍.എ. ലാബ് സജ്ജമാക്കിയിട്ടുള്ളത്. ഒരു മാസത്തിനകം പുതിയ കാത്ത്‌ലാബ്, സി.ടി സ്കാന്‍, എം.ആര്‍.ഐ സ്കാന്‍ എന്നിവ മെഡിക്കല്‍ കോളേജില്‍ ലഭ്യമാക്കുമെന്നും ആരോഗ്യമന്ത്രി അറിയിച്ചു.
യോഗത്തില്‍ എം.എ. വാഹിദ് എം.എല്‍.എ. അധ്യക്ഷത വഹിച്ചു. കൗണ്‍സിലര്‍ ജോണ്‍സണ്‍ ജോസഫ്, മൃതസഞ്ജീവനി സംസ്ഥാന കണ്‍വീനറും മെഡിക്കല്‍ കോളേജ് പ്രിന്‍സിപ്പാളുമായ ഡോ. തോമസ് മാത്യു, ഡി.എം.ഇ: ഡോ. എ. റംലാബീവി, മെഡിക്കല്‍ കോളേജ് വൈസ് പ്രിന്‍സിപ്പാള്‍ ഡോ. ഗിരിജ കുമാരി, ആശുപത്രി സൂപ്രണ്ട് ഡോ. കെ. മോഹന്‍ദാസ്, മൃതസഞ്ജീവനി നോഡല്‍ ഓഫീസര്‍ ഡോ. നോബിള്‍ ഗ്രേഷ്യസ്, എസ്.എ.ടി. ആശുപത്രി സൂപ്രണ്ട് ഡോ. വി.ആര്‍. നന്ദിനി, നഴ്‌സിംഗ് കോളേജ് പ്രിന്‍സിപ്പാള്‍ പ്രൊഫ. എല്‍. നിര്‍മ്മല, ഡെന്റല്‍ കോളേജ് പ്രിന്‍സിപ്പാള്‍ ഡോ. പ്രശാന്തിലജനം, ഡോ. വേണുഗോപാല്‍, ഡോ. ശാന്താ സദാശിവന്‍, ഡോ. ജി. കൃഷ്ണ, ഡോ. ജേക്കബ് ജോര്‍ജ്, ജിബിന്‍ ജയിംസ് എന്നിവര്‍ പ്രസംഗിച്ചു. മൃതസഞ്ജീവനി മുഖേന അവയവങ്ങള്‍ സ്വീകരിച്ചവര്‍ക്ക് മുഖ്യമന്ത്രി ആശംസകള്‍ നേര്‍ന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala