സംസ്‌കൃത സര്‍വകലാശാലയില്‍ ഫാഷിസത്തിനെതിരായ സെമിനാര്‍ അധികൃതര്‍ തടഞ്ഞു
Published on 06 October, 2015
കൊച്ചി: സംസ്‌കൃത സര്‍വകലാശാലയില്‍ വ്യാഴാഴ്ച നടത്താനിരുന്ന ഫാഷിസത്തിനെതിരായ സെമിനാര്‍ അധികൃതര്‍ തടഞ്ഞു. സര്‍വകലാശാലയിലെ ഗവേഷണ വിദ്യാര്‍ഥി സംഘം(ആര്‍.എസ്.എ) നടത്താനിരുന്ന സെമിനാറാണ് അധികൃതര്‍ തടഞ്ഞത്. ക്യാമ്പസില്‍ സംഘര്‍ഷാവസ്ഥ നിലനില്‍ക്കുന്നതിനാല്‍ സെമിനാര്‍ നടത്തരുതെന്ന് ചുണ്ടിക്കാട്ടി അധികൃതര്‍ പുറപ്പെടുവിച്ച ഉത്തരവിന്റെ കോപ്പി സംഘാടകര്‍ക്ക് ലഭിച്ചു. എന്നാല്‍ കല്‍ബുര്‍ഗി വധത്തിന്റെ പശ്ചാത്തലത്തില്‍ നേരത്തെ തന്നെ പരിപാടി തീരുമാനിച്ചതാണെന്നും സെമിനാര്‍ സംഘടിപ്പിക്കാന്‍ അനുമതി നല്‍കണമെന്നാവശ്യപ്പെട്ട് വിദ്യാര്‍ഥി ഗവേഷണ സംഘം വി.സിക്ക് കത്തു നല്‍കിയതായും കണ്‍വീനര്‍ എസ്. അലീന 'മാധ്യമ'ത്തോട് പറഞ്ഞു.
കുരീപ്പുഴ ശ്രീകുമാറാണ് സെമിനാര്‍ ഉദ്ഘാടനം ചെയ്യുന്നത്. സുനില്‍ പി. ഇളയിടമാണ് മുഖ്യപ്രഭാഷകന്‍. എ.ബി.വി.പി ഒഴികെയുള്ള രാഷ്ട്രീയപ്പാര്‍ട്ടിയിലെ സംസ്ഥാന നേതാക്കളെയും സെമിനാറിലേക്ക് ക്ഷണിച്ചിട്ടുണ്ട്.
സെപ്റ്റംബര്‍ 30ന് സര്‍വകലാശാലയില്‍ എ.ബി.വി.പിഎസ്.എഫ്.ഐ സംഘര്‍ഷമുണ്ടായിരുന്നു. സംഘര്‍ഷത്തില്‍ രണ്ട് എസ്.എഫ് ഐ പ്രവര്‍ത്തകര്‍ക്ക് കുത്തേല്‍ക്കുകയും ആറ് എ.ബി.വി.പി പ്രവര്‍ത്തകര്‍ക്ക് പരിക്കേല്‍ക്കുകയും ചെയ്തിരുന്നു. എന്നാല്‍ സംഘര്‍ഷത്തില്‍ ഉള്‍പെട്ടവര്‍ക്കെതിരെ ഇതുവരെ ശിക്ഷാനടപടികള്‍ സ്വീകരിച്ചിട്ടില്ല.
Facebook Comments
Comments
A.C.George 2015-10-06 19:37:26
What a pity? The socio-political system religious harmoney are increasingly peril in India. Thee facist forces are winning and playing havocs in around India. The situation in Kerala too are bad. Atleast the pravsis should rise up to the occassion.
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala