ഇന്‍ഷുറന്‍സ് തുക തട്ടാന്‍ കാമുകനുമായി ചേര്‍ന്ന് അംഗവൈകല്യമുള്ള മകനെ അമ്മ തല്ലിക്കൊന്നു
Published on 10 August, 2015
പുണെ: കാമുകനൊപ്പം ചേര്‍ന്ന് അമ്മ വികലാംഗനായ മകനെ കൊന്നത് ഇന്‍ഷുറന്‍സ് തുക തട്ടിയെടുക്കാനാണെന്ന് സംശയിക്കുന്നതായി പുണെ പൊലീസ്. 36കാരിയായ രാഖിയാണ് വികലാംഗനായ മകന്‍ ചൈതന്യ ബല്‍പാണ്ഡെയെ (13) ക്രിക്കറ്റ് ബാറ്റ്‌കൊണ്ട് അടിച്ച് കൊലപ്പെടുത്തിയത്. കാമുകനും രാഖി താമസിക്കുന്ന വീടിന്റെ ഉടമയുമായ സുമിത് മോറെയുടെ സഹായത്തോടെ കഴിഞ്ഞ ബുധനാഴ്ചയാണ് കൊല നടത്തിയത്. രാഖിയും സുമിത് മോറെയും പൊലീസ് കസ്റ്റഡിയിലാണ്.
സുമിതുമായുള്ള അവിഹിതബന്ധം കാണാനിടയായതിനാലാണ് കൊല നടത്തിയതെന്നാണ് രാഖിയുടെ മൊഴി. എന്നാല്‍, ചൈതന്യയുടെ പേരിലുള്ള ഇന്‍ഷുറന്‍സ് തട്ടാനാണ് ശ്രമമെന്ന് രാഖിയുടെ അമ്മ ആരോപിച്ചു. രാഖിയുടെ മുന്‍ ഭര്‍ത്താവ് തരുണ്‍ ബല്‍പാണ്ഡെ മകന്റെ പേരില്‍ 10 ലക്ഷം രൂപയുടെ ഇന്‍ഷുറന്‍സ് എടുത്തിട്ടുണ്ട്. രാഖിയുടെ അമ്മയെയും മുന്‍ ഭര്‍ത്താവിനെയും ചോദ്യംചെയ്യാന്‍ വിളിപ്പിച്ചിട്ടുണ്ട്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala