ആലപ്പുഴ:പുന്നമടക്കായലിലെ ഓളപ്പരപ്പിനെ കീറിമുറിച്ച് ജവഹര്‍ തായങ്കരി ജലരാജാക്കന്മാര്‍. അറുപത്തിമൂന്നാമതു നെഹ്റു ട്രോഫി വള്ളംകളിയില്‍ ജവഹര്‍ ബോട്ട് ക്ളബ്ബിന്‍െറ ഉടമസ്ഥതയിലുള്ള ജവഹര്‍ തായങ്കരി ചുണ്ടന്‍ ജേതാക്കളായി. 4 മിനിട്ട് 36 സെക്കന്‍ഡില്‍ ഫിനിഷ് ചെയ്ത ജവഹര്‍ തായങ്കരി മഹാദേവിക്കാട് തെക്കേതില്‍ ചുണ്ടനെ പിന്തള്ളിയാണ് കിരീടം ചൂടിയത്. ശ്രീ ഗണേഷ് ചുണ്ടന്‍ മൂന്നാമതായി ഫിനിഷ് ചെയ്തു. ഇത് നാലാം തവണയാണ് ജവഹര്‍ തായങ്കരി നെഹ്റു ട്രോഫി നേടുന്നത്.