അഴിമതിയുടെ കാര്യത്തില്‍ ബി.ജെ.പി യു.പി.എയേക്കാള്‍ മുന്നിലെത്തി: പിണറായി
Published on 07 August, 2015
തിരുവനന്തപുരം: ഉദാരവത്ക്കരണത്തില്‍ മാത്രമല്ല അഴിമതിയിലും ബി.ജെ.പി സര്‍ക്കാര്‍ മുന്‍ യുപിഎ സര്‍ക്കാരിനേക്കാള്‍ ഒരുപടി മുന്നിലെത്തിയെന്ന് സി.പി.എം പോളിറ്റ്ബ്യൂറോ അംഗം പിണറായി വിജയന്‍ പറഞ്ഞു. നവഉദാരവത്കരണ്ണത്തിലും ജനദ്രോഹനടപടികളിലും അഴിമതിയിലും കോണ്‍ഗ്രസിനോട് മത്സരിച്ച് ഒന്നാംസ്ഥാനം കൈക്കലാക്കാനാണ് നരേന്ദ്രേ മോദിയുടെ നേതൃത്വത്തിലുള്ള സര്‍ക്കാര്‍ ശ്രമിക്കുന്നതെന്നും അദ്ദേഹം പറഞ്ഞു. പി.എസ്.സി എംപ്ലോയിസ് യൂണിയന്‍ സംസ്ഥാന സമ്മേളനം തിരുവനന്തപുരത്ത് ഉദ്ഘാടനം ചെയ്ത് സംസാരിക്കുകയായിരുന്നു പിണറായി വിജയന്‍.
പത്ത് വര്‍ഷം ഭരിച്ച മന്‍മോഹന്‍ സിങ്ങ് സര്‍ക്കാര്‍ രാജ്യത്തെ മുഴുവനായും അസംതൃപ്തിയിലേക്കാണ് തള്ളിവിട്ടത്. അവിടേക്കാണ് വാഗ്ദാനങ്ങളുമായി മോദി സര്‍ക്കാര്‍ എത്തിയത്. അതില്‍ പ്രധാനമായിരുന്നു കള്ളപ്പണം തിരിച്ചെത്തിക്കുമെന്നത്. എന്നാല്‍ അധികാരത്തിലേറി ഇത്ര നാളുകള്‍ പിന്നിട്ടിട്ടും കള്ളപ്പണം തിരിച്ചെത്തിച്ചിട്ടില്ല. ചില്ലറമേഖലയില്‍ വിദേശ നിക്ഷേപം നടപ്പാക്കാന്‍ കോണ്‍ഗ്രസ് തീരുമാനിച്ചപ്പോള്‍ അതിനെ എതിര്‍ത്തവരായിരുന്നു എന്‍.ഡി.എ. എന്നാല്‍ ഇപ്പോള്‍ ബിജെപി സര്‍ക്കാര്‍ വിദേശനിക്ഷേപം നടത്താനുള്ള തീരുമാനവുമായി മുന്നോട്ട് പോവുകയാണെന്നും പിണറായി പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala