അലക്സ് തോമസ് (60) അറ്റ്ലാന്റാ
Published on 15 March, 2020
അറ്റ്ലാന്റാ: ഇന്‍ഡോ അമേരിക്കന്‍ പ്രസ്‌ക്ലബ് (ഐഎപിസി) അറ്റ്ലാന്റാ ചാപ്റ്റര്‍ പ്രസിഡന്റ് അലക്സ് തോമസ് (60) നിര്യാതനായി. മാര്‍ച്ച് 15നു പുലർച്ചെ ഹൃദയാഘാതത്തെ തുടർന്നായിരുന്നു അന്ത്യം. ഐഎപിസിയില്‍ ദീര്‍ഘകാലമായി പ്രവര്‍ത്തിക്കുന്ന അലക്സ് തോമസ്, ചാര്‍ലറ്റ്വില്‍ മലയാളി അസോസിയേഷന്റെ 2006-2007 കാലഘട്ടത്തിലെ തെരഞ്ഞെടുക്കപ്പെട്ട പ്രസിഡന്റുമായിരുന്നു. 2018 ലെ ഐഎപിസി അറ്റ്ലാന്റാ ചാപ്റ്റര്‍ വൈസ് പ്രസിഡന്റ് ആയിരുന്നു. റിപ്പോര്‍ട്ടര്‍ ചാനല്‍, ജയ് ഹിന്ദ് വാര്‍ത്ത മുതലായവയുടെ അറ്‌ലാന്റാ കോഓര്‍ഡിനേറ്റര്‍, എ ഏ ആര്‍ പി യുടെ ജോര്‍ജിയയിലെ ഇന്‍സ്ട്രക്ടര്‍ എന്നീ നിലയിലും പ്രവര്‍ത്തിച്ചിരുന്നു.
എറണാകുളം രാമമംഗലം മറ്റത്തിൽ (മല്ലശ്ശേരിൽ നടുവിലെ വീട്) റിട്ടയേർഡ് ഹെഡ് മാസ്റ്റർ എം സി തോമസിന്റെയും എൻ.സി. മറിയാമ്മയുടെയും പുത്രനാണ് . ഭാര്യ ലീലാ അലക്സ്, പുത്രൻ ആൽവിൻ അലക്സ്. സഹോദരങ്ങൾ പരേതനായ രാജു തോമസ്, ജയിംസ്‌ തോമസ് , ബാബു തോമസ് , ഷാജി തോമസ് .
അലക്സ് തോമസിന്റെ നിര്യാണത്തില്‍ ഐഎപിസി നാഷ്ണല്‍ കമ്മറ്റിക്കുവേണ്ടി ചെയര്‍മാന്‍ പ്രഫ. ജോസഫ് എം.ചാലില്‍, സ്ഥാപക ചെയര്‍മാന്‍ ജിന്‍സ്‌മോന്‍ പി.സക്കറിയ, വൈസ് ചെയര്‍മാന്‍ ഡോ. മാത്യു ജോയിസ്, ബോര്‍ഡ് സെക്രട്ടറി മാത്തുക്കുട്ടി ഈശോ, ബോർഡ് മെമ്പർ മിനി നായര്‍, ട്രഷറർ റെജി ഫിലിപ്പ് (ഫിലാഡൽഫിയ), ആഷ്‌ലി ജോസഫ് (ടൊറന്റോ), സി.ജി.ഡാനിയേൽ (ഹൂസ്റ്റൺ), ഡോ പി .വി.ബൈജു (ആൽബെർട്ട), തമ്പാനൂർ മോഹൻ (വാന്കൂവർ), ന്യൂയോര്ക്ക് ചാപ്റ്റർ പ്രസിഡന്റ് ജോർജ്ജ് കൊട്ടാരം എന്നിവര്‍ അനുശോചിച്ചു. കരുത്തുറ്റ സംഘാടകനെയും മാധ്യമപ്രവര്‍ത്തകനെയുമാണ് നഷ്ടപ്പെട്ടതെന്ന് ഐഎപിസി നാഷ്ണല്‍ കമ്മറ്റി അനുശോചന സന്ദേശത്തില്‍ അറിയിച്ചു.
(വ്യൂവിങ് , ഫ്യൂണറൽ സംബന്ധിച്ച വിവരങ്ങൾ പിന്നാലെ അറിയിക്കുന്നതാണ് ).
news: ഡോ. മാത്യു ജോയിസ്
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala