ചങ്ങനാശേരി: ജാതിയുടെ പേരില്‍ ജനപ്രതിനിധികളെ വേര്‍തിരിച്ചു കാണരുതെന്ന് എന്‍എസ്എസ് ജനറല്‍ സെക്രട്ടറി ജി.സുകുമാരന്‍ നായര്‍.നായരായ ജനപ്രതിനിധികള്‍ നായരാണെന്നു പറയാന്‍ മടിക്കുന്നതായും അദ്ദേഹം പറഞ്ഞു. 135-ാം മന്നം ജയന്തി ആഘോഷവേളയില്‍ സംസാരിക്കുകയായിരുന്നു സുകുമാരന്‍ നായര്‍. നായരാണെന്നു പറഞ്ഞാല്‍ മഞ്ഞക്കണ്ണോടെയാണു കാണുന്ന രീതിയാണുള്ളത്. അത് അവസാനിക്കണം. ജനപ്രതിനിധികള്‍ സാമൂഹ്യനീതിക്കു വേണ്ടിയാണ് എന്‍എസ്എസുമായി സഹകരിക്കുന്നത്. നായരായതു കൊണ്ട് രമേശ് ചെന്നിത്തല ഭയക്കേണ്ടതില്ലെന്നും അദ്ദേഹം കൂട്ടിച്ചേര്‍ത്തു.