ഒഹായോ: ഒഹായോയിലെ മലയാളികള്ക്ക് അഭിമാനകരമായി ഗബ്രിയേല പത്രോസ് എന്ന അഞ്ചാം
ക്ലാസ്സുകാരി വീണ്ടും മാധ്യമങ്ങളില് പ്രസക്തി നേടിയിരിക്കുന്നു. 2011 ലെ ദേശിയ
തലത്തിലുള്ള Nicholas Green Distinguished Students അവാര്ഡിന് ഒഹായോ സംസ്ഥാനത്തെ
പ്രതിനിധീകരിച്ചു ഈ അവാര്ഡിന് അര്ഹത നേടിയത് മലയാളി സമൂഹത്തിനാകെ സന്തോഷകരമായ
ഒരു വാര്ത്തയാണ്
മേസണ് ഇന്റര്മീഡിയറ്റ് സ്കൂളിലെ അഞ്ചാം ഗ്രേഡ്
വിദ്യാര്ഥിയായിരിക്കെ നോമിനേഷന് ലഭിച്ച ഗബ്രിയേല എന്ന ഈ മിടുക്കി ഡോക്ടര്
പീറ്റര് പത്രോസിന്റെയും മിനി പത്രോസിന്റെയും മകളാണ് . അസാമാന്യ പ്രതിഭയും,
സഹായിക്കാനുള്ള മനസ്ഥിതികളും വളരെയധികമുള്ള ഈ കുട്ടിയെ ആദ്യമായി നോമിനേറ്റ്
ചെയ്തത് അവളുടെ ടീച്ചര് ആയ ജെന്നിഫെര് മാന് തന്നെ ആയിരുന്നു .
ഇറ്റലിയില് ഒരു ഉല്ലാസ്സയാത്രക്കിടെ അപ്രതീക്ഷിതമായി ഏഴാം വയസ്സില്
വെടിയേറ്റ് കൊല്ലപ്പെട്ട നിക്കോളാസ് എന്ന പുത്രന്റെ സ്മരണക്കായി റെഗ്ഗ്രീന്,
മാഗീ ദമ്പതികള് മികവുറ്റ കുട്ടികള്ക്കായി ഏര്പ്പെടുത്തിയ പുരസ്കാരം ആണ് ഈ
അവാര്ഡ്. 1998 മുതല് വിവിധ സ്റ്റേറ്റ് സംഘടനകളുമായി സഹകരിച്ചു അമേരിക്കയിലെ
എല്ലാ സ്റ്റേറ്റുകളിലും മൂന്നു മുതല് അഞ്ചാം ഗ്രേഡ് വരെയുള്ള കുട്ടികളില്
നിന്നും അര്ഹത നേടിയവരെ ആദരിച്ചു നല്കുന്ന ഈ അവാര്ഡ് ലഭിച്ച ഗബ്രിയേല
പഠനത്തിലും, പാഠ്യേതര വിഷയങ്ങളിലും വിഷ്വല് ആര്ട്ടുകളിലും മികവു
പുലര്ത്തിക്കൊണ്ടിരിക്കുന്നു.
ഗബ്രിയെല തന്റെ പതിമൂന്നു വയസ്സുകാരന്
സഹോദരന് ജോഷ്വയോടൊപ്പം കഴിഞ്ഞ മാസം ജപ്പാനിലെ സുനാമി ദുരിതമനുഭാവിക്കുന്നവര്ക്കും
, അമേരിക്കയിലെ വേള്ഡ്് ട്രേഡ് സെന്റെര് ദുരന്തത്തില് കഷ്ടത
അനുഭവിക്കുന്നവര്ക്കുമായി ഫണ്ട് സമാഹരിച്ചു അമേരിക്കന് റെഡ് ക്രോസ്സിനെ
ഏല്പിച്ചത് വളരെ ജനശ്രദ്ധ ആകര്ഷിച്ചിരുന്നു. മാത്യു ജോയിസ്, സിന്സിനാറ്റി
അറിയിച്ചതാണിത്.