ന്യൂയോര്ക്ക്: സംഗീതത്തിനും നൃത്തത്തിനും പ്രാധാന്യം നല്കികൊണ്ട്
'പവിഴമല്ലി' എന്ന പേരില് നിര്മ്മിക്കുന്ന വീഡിയോ ആല്ബത്തിന്റെ ചിത്രീകരണം
ന്യൂയോര്ക്കില് ആരംഭിച്ചു. ന്യൂയോര്ക്കിലും ന്യൂജേഴ്സിയിലും
തിരുവനന്തപുരത്തുമായാണ് ഷൂട്ടിംഗ് നടത്തുന്നത്. 'ഫീമെയില് ഉണ്ണികൃഷ്ണന് '
എന്ന ചലചിത്രത്തിലെ സൂപ്പര്ഹിറ്റ് ഗാനങ്ങള്ക്കീണം നല്കിയ ഷാജി
സുകുമാരന് സംഗീതം നല്കിയ പത്തുഗാനങ്ങളുടെ ദൃശ്യാവിഷ്ക്കാരമാണ് ഈ വീഡിയോ
ആല്ബത്തില് ഉള്പ്പെടുത്തിയിരിക്കുന്നത്.
വിജീഷ് പാറയിലാണ് ഈ വീഡിയോ ആല്ബത്തിന്റെ നിര്മ്മാതാവ്. ഷാജി സുകുമാരന്
സംഗീതം നല്കിയ ഗാനങ്ങള് ഉള്പ്പെടുത്തി കൊണ്ടുള്ള രണ്ടാമത്തെ
ആല്ബമാണിത്. വിജീഷ് പാറയിലും ഷാജി സുകുമാരനും അമേരിക്കന് മലയാളികളാണ്.
കൈതപ്രം ദാമോദരന് നമ്പൂതിരി, സന്തോഷ് വര്മ്മ, കെ.എ. മുരളീധരന് , അജിത്.എന്. നായര് എന്നിവരാണ് ഗാനരചയിതാക്കള് .
ഡോ.കെ.ജെ.യേശുദാസ്, ഹരിഹരന് , ജി.വേണുഗോപാല് , സുധീപ് കുമാര് , വിധു
പ്രതാപ്, രാജലക്ഷ്മി, ജോസ് സാഗര് , അഭിരാമി ഷാജി, സബിത യേശുദാസ്, ഷാജി
സുകുമാരന് എന്നിവരാണ് മനോഹരങ്ങളായ ഈ ഗാനങ്ങള് ആലപിച്ചിരിക്കുന്നത്.
തിരുവനന്തപുരത്ത് വച്ച് ചിത്രീകരിക്കുന്ന ഒരു ഗാനരംഗത്തില് മലയാളികളുടെ
ഇഷ്ടതാരമായ ജഗതി ശ്രീകുമാര് അഭിനയിക്കുന്നുണ്ട്. സുബാഷ് അഞ്ചല് ആണ് ആ
ഭാഗം സംവിധാനം ചെയ്യുന്നത്. അമേരിക്കയില് ചിത്രീകരിക്കുന്ന ഗാനരംഗങ്ങളില്
ജോണ് ബോസ്ക്കോ പ്രധാന വേഷത്തില് അഭിനയിക്കുന്നു. അദ്ദേഹം മസാലാ
ക്രാഫ്റ്റ് എന്ന സ്ഥാപനത്തിന്റെ ഉടമസ്ഥനാണ്. ജോണ് ബോസ്ക്കോയോടൊപ്പം ഈ
മേഖലയില് അറിയപ്പെടുന്ന നിരവധി കലാകാരന്മാരും കലാകാരികളും ഈ ആല്ബത്തില്
അഭിനയിക്കുന്നുണ്ട്.
ഈ ആല്ബത്തിലെ ഓരോ ഗാനരംഗവും തുടങ്ങുന്നത് ആ ഗാനരംഗത്തെക്കുറിച്ചുള്ള
വിശദീകരണത്തോടെയാണ്. പാട്ടുകളെ പരിചയപ്പെടുത്തുന്നത് മലയാള സിനിമയിലെ
പ്രമുഖ താരങ്ങളായ മമ്മൂട്ടി, ദിലീപ്, പൃഥിരാജ്, കാവ്യാമാധവന് , സുരാജ്
വെഞ്ഞാറന്മൂട്, നാഥിര്ഷാ എന്നിവരും അമേരിക്കന് മലയാളികളായ പോള്
കറുകപ്പള്ളി, ഗണേഷ് നായര് , ഷീല ചെറു എന്നിവരുമാണ്.
അമേരിക്കയില് ചിത്രീകരിക്കുന്ന ഗാനരംഗങ്ങള് നിഷാന്ത് സംവിധാനം
ചെയ്യുന്നു. പ്രശസ്ത നൃത്താധ്യാപിക ബീനാ മേനോന് ഇതിലെ നൃത്തരംഗങ്ങള്
കോറിയോഗ്രാഫ് ചെയ്യുന്നു.
ഗണേഷ് നായരാണ് പ്രോഗ്രാം കോര്ഡിനേറ്റര് . ശ്രീകുമാര് ലൊക്കേഷന്
മാനേജരായും ശരതും മനോജും മ്യൂസിക് പ്രോഗ്രാമേഴ്സ് ആയും മനോജ് സുകുമാരനും
ജിമ്മിയും പ്രൊഡക്ഷന് കണ്ട്രോളേഴ്സ് ആയും പ്രവര്ത്തിക്കുന്നു.
ഈ ആല്ബം മാര്ക്കറ്റ് ചെയ്യുന്നത് സത്യം ഓഡിയോസ് ആണ്. ഷാജന്
ജോര്ജ്(ഷാരോണ് മീഡിയാസ്), സോജി(സോജി മീഡിയാ) എന്നിവരാണ് ക്യാമറ കൈകാര്യം
ചെയ്യുന്നത്.
വോയ്സ് റിക്കാര്ഡിംഗ് തിരുവന്തപുരത്തെ എസ്.എസ്. ഡിജിറ്റല്
സ്റ്റുഡിയോയിലും യോങ്കേഴ്സിലെ ഷാജു മ്യൂസിക് സ്റ്റുഡിയോയിലുമാണ്
നടത്തുന്നത്.
ഈ വീഡിയോ ആല്ബം അമേരിക്കന് മലയാളികള് ഇന്നുവരെ നിര്മ്മിച്ച വീഡിയോ
ആല്ബങ്ങളെക്കാള് വര്ണാഭവും മേന്മയുള്ളതുമായ വീഡിയോ
ആല്ബമായിരിക്കുമെന്ന് നമുക്ക് പ്രതീക്ഷിക്കാം. 'ന്യൂയോര്ക്ക് നഗരം കാണം'
എന്ന ഗാനരംഗങ്ങള് അമേരിക്കന് പോലീസ് ഡിപ്പാര്ട്ട്മെന്റിലെ ചില
ഉദ്യോഗസ്ഥന്മാരും അഭിനയിക്കുന്നു എന്നത് ഈ ആല്ബത്തിന്റെ ഒരു സവിശേഷതയാണ്.
കൂടുതല് വിവരങ്ങള്ക്ക്
ഷാജി സുകുമാരന് - 914 471 5902
ഗണേഷ് നായര് - 914 826 1677
ഷാജി സുകുമാരന്