ഹിന്ദി സിനിമയായ ഗോല്മാല് തമിഴില് തില്ലു മില്ലു എന്ന പേരില് റീമേക്ക്
ചെയ്യുന്നു. ഇഷാ തല്വാറാണ് ചിത്രത്തിലെ നായിക. ഇഷയുടെ ആദ്യ തമിഴ് ചിത്രം
കൂടിയാണിത്. ശിവയാണ് ചിത്രത്തില് നായകവേഷം ചെയ്യുന്നത്. വെന്ധാര് മൂവീസ്
നിര്മ്മിക്കുന്ന ഈ ചിത്രം സംവിധാനം ചെയ്യുന്നത് ബദ്രിയാണ്. ഫുള് ടൈം കോമഡിയായ
ചിത്രത്തില് പ്രകാശ്രാജും പ്രധാന കഥാപാത്രത്തെ
അവതരിപ്പിക്കുന്നു.
എം.എസ്.വിശ്വനാഥനും യുവന്ശങ്കര്രാജയുമാണ്
ചിത്രത്തിന്റെ സംഗീത സംവിധായകര് എന്ന പ്രത്യേകതയുമുണ്ട്. കോവൈസരള, സന്താനം,
സത്യന്, മനോബാല, ഇളവരശ് തുടങ്ങിയവരും വേഷമിടുന്നു. നിര്മാണം- എസ്.മദന്. രണ്ടു
തലമുറകളിലെ സംഗീത സംവിധായകര് ഈ സിനിമയിലൂടെ ഒന്നിക്കുന്നു.