തിരുവനന്തപുരം: തിരുവനന്തപുരത്ത് വീണ്ടും ജലവിതരണ പൈപ്പ്പൊട്ടി കുടിവെള്ള
വിതരണം മുടങ്ങി. മുട്ടടയ്ക്ക് സമീപം വയലിക്കടയിലാണ് ജലവിതരണ പൈപ്പ്
പൊട്ടിയത്. പട്ടം, കേശവദാസപുരം എന്നീ പ്രദേശങ്ങളില് ജലവിതരണം തടസപ്പെടും.
അറ്റകുറ്റപ്പണികള് മണിക്കൂറുകള്ക്കകം പൂര്ത്തിയാക്കി ജലവിതരണം
പുന:സ്ഥാപിക്കുമെന്ന് അധികൃതര് അറിയിച്ചു.
ഒരു മാസത്തിനുള്ളില് നാലാം
തവണയാണ് നഗരത്തില് കുടിവെള്ള പൈപ്പ് പൊട്ടുന്നത്. മുന്പ് നഗരത്തിലേക്ക്
കുടിവെള്ളം എത്തിക്കുന്ന പ്രധാനപൈപ്പ് ആയിരുന്നു പൊട്ടിയത്. എന്നാല്
ഇത്തവണ വിതരണ പൈപ്പ്ലൈനിലാണ് പൊട്ടല്. അതിനാല് അറ്റകുറ്റപ്പണികള് വേഗം
പൂര്ത്തിയാക്കാന് കഴിഞ്ഞേക്കും.