രോഹിതിനോടു വിരോധമില്ലെന്നു തിവാരി
Published on 27 July, 2012
ഡെറാഡൂണ്‍: രോഹിതിനോടു വിരോധമില്ലെന്നു എന്‍.ഡി. തിവാരി. പിതൃത്വ കേസില്‍ ഡല്‍ഹി ഹൈക്കോടതി വിധി സംബന്ധിച്ചു പ്രതികരിക്കുകയായിരുന്നു തിവാരി. തിവാരി ജൈവശാസ്ത്രപരമായി രോഹിത് ശേഖറിന്റെ പിതാവാണെന്നു ഡിഎന്‍എ ടെസ്റ്റിന്റെ അടിസ്ഥാനത്തില്‍ കോടതി വിധിച്ചിരുന്നു.
മാധ്യമപ്രവര്‍ത്തകരെ കാണാന്‍ തിവാരി വിസമ്മതിച്ചു. ഇതു തന്റെ വ്യക്തിപരമായ കാര്യമാണെന്നും അത് ഒരു പ്രശ്‌നമാക്കരുതെന്നും മാധ്യമങ്ങള്‍ക്കു നല്കിയ പ്രസ്താവനയില്‍ അദ്ദേഹം പറഞ്ഞു. ഒരിക്കലും വിവാദമുണ്ടാക്കാന്‍ തനിക്ക് ആഗ്രഹമില്ലെന്നും തിവാരി പറഞ്ഞു. കപടതയില്ലാത്ത എന്നെ ചിലര്‍ കുടുക്കുകയായിരുന്നു. അവരോട് എനിക്ക് യാതൊരു വിരോധവുമില്ല. രോഹിതിനോടാണ് എനിക്കു സഹതാപമുള്ളത്. അയാളോട് എനിക്ക് യാതൊരു വിരോധവുമില്ല: തിവാരി കൂട്ടിച്ചേര്‍ത്തു. താന്‍ മഹാത്മാഗാന്ധിയുടെയും ജവഹര്‍ലാല്‍ നെഹ്‌റുവിന്റെയും മറ്റു സ്വാതന്ത്ര്യസമരസേനാനികളുടെയും അനുയായിയാണ്. തന്റേതായ വഴിയില്‍ ജീവിക്കാന്‍ തനിക്ക് അവകാശമുണ്ട്. മറ്റുള്ളവരുടെ സ്വകാര്യതയില്‍ ഇടപെടുന്നതു ഭൂഷണമല്ലെന്നും അദ്ദേഹം പറഞ്ഞു.
Rohit Shekar and N.D Tiwari
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala