Image

പൂമരം ( കവിത: സുഷമ നെടൂളി )

Published on 15 January, 2021
 പൂമരം ( കവിത: സുഷമ നെടൂളി )
നീയൊരു
പൂമരത്തണൽ
ഹരിതമോഹന
പത്രങ്ങൾക്കിടെ
ചോരച്ചുവപ്പാർന്ന
ചാരു പൂക്കളേന്തി
ചിന്ത പേറും ശിരസ്സോടെ
വിരാജിക്കും
നീയെനിക്കൊരു
പൂമരത്തണൽ...

വേരുകൾ
മണ്ണിനെയിറുകെ-
പ്പുണർന്നൂറ്റിയ
കരുത്തിലുയർന്ന
നിൻ ശിഖരങ്ങൾ
അനന്തതയെ പ്രണയിച്ച്
നക്ഷത്രം തേടി
പടർന്നവ....

എനിക്കിഷ്ടം
അരുണാഭമാം
പൂക്കൾ പന്തലിട്ട
തണലിൽ
നിന്നെച്ചാരിയിരുന്നീടാൻ..

എനിക്കിഷ്ടം
വേനൽക്കനലുകൾ
പൊഴിയും ദിനങ്ങളിൽ
തടങ്ങൾക്ക് തണലാവാൻ..

എനിക്കിഷ്ടം
അതിവർഷപ്പെയ്ത്തിൽ
പൂക്കൾക്ക് കുടയാവാൻ...

എനിക്കിഷ്ടം
വസന്തത്തിൽ
നിന്നരികെയണയും
തുമ്പികളെ വിരുന്നൂട്ടാൻ..

എനിക്കിഷ്ടം
ശിശിരത്തിൽ
പൊഴിയും ഇലകളെ
നിൻ പ്രണയനിശ്വാസം പോൽ ആപാദം
ചൂടീടാൻ....
        
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക