ഈ നവംബറില് നടക്കാന്പോകുന്ന തെരഞ്ഞെടുപ്പിലും വിജയിക്കാന് പോകുന്നത് ഡൊണാള്ഡ് ട്രംപ് തന്നെയായിരിക്കും. അതിന് ട്രംപിന് അനുകൂലമായ കാരണങ്ങള് പലതാണ്.
തെരഞ്ഞെടുപ്പിന്റെ ആരംഭനാള് മുതല് അമേരിക്കയിലങ്ങോളമിങ്ങോളം മുഴങ്ങിക്കേട്ട "Make America Great' എന്നുള്ള ട്രംപിന്റെ അനാദൃശമായ വാക്കുകള് തെരഞ്ഞെടുപ്പില് ജയിക്കാനുള്ള വെറും പൊളിവാക്കുകള് അല്ലായിരുന്നു എന്ന് ബഹുഭൂരിപക്ഷം അമേരിക്കന് ജനതയും വേഗം തിരിച്ചറിഞ്ഞു. അതിന്റെ പ്രതികരണം തന്നെയായിരുന്നു ട്രംപിനുണ്ടായ അത്ഭുതകരമായ വിജയത്തിന് കാരണവും.
പ്രസിഡന്റ് റെയ്ഗനുശേഷം അമേരിക്കയേയും അമേരിക്കന് ജനതയേയും എല്ലാവിധത്തിലും ലോകത്തില് ഒന്നാമത്തെ ശക്തിയായി ഉയര്ത്തുവാന് ഡൊണാള്ഡ് ട്രംപിനെപ്പോലെയുള്ള ഇത്രയും ആത്മാര്ത്ഥതയോടെയും, അര്പ്പണബോധത്തോടും കൂടി പ്രയത്നിച്ച മറ്റൊരു പ്രസിഡന്റും അമേരിക്കയുടെ ചരിത്രത്തില് ഇല്ല എന്നുള്ളതാണ് സത്യം. ട്രംപിനെതിരായി പ്രതിയോഗികള് എന്തെല്ലാം ആരോപണങ്ങള് ഉന്നയിച്ചാലും ഈ വിഷയത്തില് അദ്ദേഹം അങ്ങേയറ്റം സത്യസന്ധനാകുന്നു. അതുപോലെ ദൈവത്തേയും ധാര്മ്മിക മൂല്യങ്ങളേയും മാനിക്കുന്ന ഒരു പ്രസിഡന്റ് കൂടിയാണ് ട്രംപ്. എന്നാല് അമേരിക്കന് പ്രസിഡന്റ് സ്ഥാനത്തിന് ഭൂഷണമല്ലാത്ത വിധത്തിലുള്ള പല അവിവേക പ്രസ്താവനകളും അദ്ദേഹത്തില് നിന്ന് ഉണ്ടാവുകയും ചെയ്തിട്ടുണ്ട്. അസാധ്യമെന്ന് ലോകം കരുതിയിരുന്ന പല കാര്യങ്ങളും സാധ്യമാക്കിത്തീര്ക്കാന് കഴിഞ്ഞ ഒരു അസാധാരണ പ്രതിഭയായും, പ്രാപ്തനായ ഒരു അമേരിക്കന് ഭരണാധികാരിയായും, പ്രശസ്തനായ ഒരു ലോക നേതാവും ട്രംപിനെ ഭാവിയില് ചരിത്രം രേഖപ്പെടുത്തുകതന്നെ ചെയ്യും. അറബി- ഇസ്രയേല് നയതന്ത്രബന്ധവും ട്രംപിന്റെ നേട്ടം തന്നെ.
എതിര് പ്രസിഡന്റ് സ്ഥാനാര്ത്ഥി ജോ ബൈഡന് വിജയിക്കാന് സാധ്യത കാണുന്നില്ല. കഴിവിന്റെ കാര്യത്തിലും ട്രംപുമായി താരതമ്യപ്പെടുത്തിയാല് ബൈഡന് ട്രംപിന് തുല്യനല്ല. മുമ്പൊക്കെ ഉണ്ടായിരുന്ന ധാര്മ്മിക മൂല്യങ്ങളും ഡമോക്രാറ്റിക് പാര്ട്ടിക്ക് ഇന്നില്ല. നവംബര് മൂന്നിലെ പ്രസിഡന്റ് തെരഞ്ഞെടുപ്പില് ട്രംപ് വീണ്ടും അമേരിക്കന് പ്രസിഡന്റായി തെരഞ്ഞെടുക്കപ്പെടുകതന്നെ ചെയ്യും. ട്രംപിന് എന്റെ അഭിവാദനങ്ങള്.