വാഷിംഗ്ടണ്, ഡി.സി: കോവിഡിനെ ഭയപ്പെടരുത്. വളരെ സുഖം തോന്നുന്നു. കോവിഡ് നിങ്ങളുടെ ജീവിതത്തിനു മേല് ആധിപത്യം നേടാന് അനുവദിക്കരുത്-തിങ്കളാഴ്ച വൈകിട്ട് 6:30-നു ആശുപത്രിയില് നിന്നു വൈറ്റ് ഹൗസിലേക്കു മടങ്ങുമെന്ന് അറിയിച്ചു കൊണ്ടുള്ള ട്വീറ്റില് പ്രസിഡന്റ് ട്രമ്പ് പറഞ്ഞു.
ട്രമ്പ് ഭരണകൂടത്തിനു കീഴില് മികച്ച ചില മരുന്നുകള് വികസിപ്പിച്ചിട്ടുണ്ട്. അതു പോലെ വൈറസ് സംബധിച്ച് കൂടുതല് അറിവുംലഭിച്ചു.20 വര്ഷം മുന്പത്തേക്കാള് മികച്ചഅവസ്ഥയാണ് (ആരോഗ്യപരമയി) ഇപ്പോള്- ട്വീറ്റില് പ്രസിഡന്റ് പറഞ്ഞു
ഡിസ്ചാര്ജ് ചെയ്യാനുള്ള മാനദണ്ഡങ്ങള് പ്രസിഡന്റ്പൂര്ണമാക്കുകയോഅതിലും ഉന്നത നിലയില് എത്തുകയോ ചെയ്തതായി വൈറ്റ് ഹൗസ് ഭിഷഗ്വരന്ഡോ. സോണ് കോണ്ലി പറഞ്ഞു. വെള്ളിയാഴ്ചയാണ് ട്രമ്പിനെ മെരിലാന്ഡിലെ ബെത്തസ്ദയിലുള്ള വാള്ട്ടര് റീഡ് മിലിട്ടറി ആശുപത്രിയില് പ്രവേശിപ്പിച്ചത്. രണ്ടു തവണ അദ്ദേഹത്തിനു ഓക്സിജന് നല്കേണ്ടി വന്നു. ആന്റിബഡി, റെംഡെസിവിര്, ഡെക്സമെതസൊണ് സ്റ്റെറോയിഡ് തുടങ്ങിയവയാണു അദ്ദേഹഠിനു നല്കിയത്. അവ ഫലിച്ചതായി കരുതാം.
വൈറ്റ് ഹൗസില് ട്രമ്പ് എത്തുമ്പോള് സ്പോക്സ്പേഴ്സന് കെയ്ലി മകെനാനി ഉള്പ്പടെ പലരും കോവിഡ് ബാധിച്ച് ആശുപതിയിലാണ്.
രോഗാവസ്ഥ പ്രസിഡന്റ് പൂര്ണമായും തരണം ചെയ്തിട്ടില്ലെന്നു ഡോ. കോണ്ലി പറഞ്ഞു. എന്നാല് വൈറ്റ് ഹൗസിലേക്കു മടങ്ങുന്നതിനു പ്രശ്നമില്ലെന്നണു എല്ലാവരും വിലയിരുത്തിയത്. അവിടെ അദ്ദേഹത്തിനു 24 മണിക്കൂറും വിദഗ്ദ ചികില്സ ലഭ്യമാവും.
ഈ മരുന്നുകളെല്ലാം നേരത്തെ കഴിച്ച വ്യക്തിക്കു എന്തു സംഭവിക്കുമെന്ന് ക്രുത്യമായ വിവരങ്ങള് ഇല്ലാത്തതിനാലാണു തങ്ങള് കൂടുതല് ജാഗ്രതയോടെ പ്രതികരിക്കുന്നത്.
ഏഴു ദിവസമാണു കോവിഡ് ശക്തമായി പ്രതികരിക്കുക. അത് തിങ്കളാഴ്ച തീരും. ചൊവ്വാഴ്ച റെംഡെസിവിര് അഞ്ചാമത്തേതും അവസാനത്തേതുമായ ഡോസ് നല്കും.ഡെക്സമെതസോണ് സ്റ്റിറോയിഡ് തുടരും
ആശുപത്രിയില് നിന്ന് ട്രമ്പ് നാല് ഉത്തരവുകള് ഒപ്പിട്ടത് ഡോക്ടര് മീഡിയയെ അറിയിച്ചു.