സ്വര്ഗത്തേക്കാള് മനോഹരമായ സുതലം എന്ന ലോകത്തുനിന്നും ചിങ്ങമാസത്തിലെ തിരുവോണനാളില് പ്രജകളെ സന്ദര്ശിക്കുവാന് മഹാബലി വര്ഷങ്ങള് തോറും എത്താറുണ്ട്. മാവേലിയെ വരവേല്ക്കാന് പൂക്കളമിട്ട്, പുതുവസ്ത്രങ്ങള് ധരിച്ച് , പുന്നെല്ലിന് ചോറുകൊണ്ട് സദ്യ ഒരുക്കി, ആഹ്ലാദ തിമര്പ്പോടെ ലോകമെമ്പാടും ഉള്ള മലയാളികള് കാത്തിരിക്കുന്നു. പക്ഷെ, ഈ വര്ഷം, കോവിഡ് എന്ന ഭീകരന്, സംഹാരതാണ്ഡവമാടി മാലോകരെ എല്ലാം മരണഭയത്താല് വിറപ്പിച്ചു നിറുത്തിയിരിക്കുന്നു. ആഘോഷങ്ങളില്ല, ആള് ക്കൂ ട്ടങ്ങളില്ല്, ഓണപൂക്കളമില്ല, മുഖം മൂടി ധരിക്കുന്നതു കൊണ്ട് പരസ്പരം തിരിച്ചറിയാന് പോലും സാധിക്കുന്നില്ല.പ്രജകളെ അത്യധികം സ്നേഹിക്കുന്നതു കൊണ്ടാണല്ലോ, മഹാബലി ചക്രവര്ത്തി എല്ലാവര്ഷവും സന്ദര്ശനം നടത്തുന്നത് . സാമൂഹ്യ അകലത്താല് ഒറ്റപെട്ടിരിക്കുന്ന പ്രജകള്ക്ക് , തന്റെ സന്ദര്ശനത്താല് സന്തോഷം പകരുവാന് മഹാബലി, ഡാലസ്സിലെ ശ്രീ ഗുരുവായൂരപ്പന് ക്ഷേത്രം സന്ദര്ശിച്ചു. അ ദ്ദേഹത്തെ വരവേല്ക്കാന്, ക്ഷേത്രത്തിനുള്ളില് വാദ്യഘോഷങ്ങളുമായി, സാമൂഹ്യ അകലംലിച്ചും, മുഖംമൂടി ധരിച്ചും കലാകാരന്മാര് അണിനിരന്നു. അതിനോടൊപ്പം അരങ്ങേറിയ കലാപരിപാടികള്, സൂമിലൂടെ തത്സമയപ്രക്ഷേപണവും ഉണ്ടായിരുന്നു, ഈ വര്ഷത്തെ ഓണാഘോഷങ്ങള് ഡോക്ടര് വിശ്വനാഥ കുറു പ്പാണ് ഉല്ഘാടനം ചെയ്തത് . ഡാലസ്സിലെ ശ്രീ ഗുരുവായൂരപ്പന് ക്ഷേത്രത്തില് എല്ലാവര്ഷവും, 500 ല് പരം ഭക്തജനങ്ങള് ആസ്വദിക്കുന്ന വിഭവസമൃദ്ധമായ ഓണസദ്യ, ഈ വര്ഷം, രോഗ വ്യാപനം തടയുന്നതിനായി നടത്തേണ്ടതില്ല എന്ന് കമ്മറ്റി അംഗങ്ങള് തീരുമാനിക്കുകയുണ്ടായി.
ഇപ്പോള് അനുഭവിച്ചുകൊണ്ടിരിക്കുന്ന മഹാമാരിയില് നിന്നും എത്രയും വേഗം മാനവരാശി മുക്തിനേടട്ടെ എന്ന ആശീര് വാദം നല്കിയിട്ടാണ് മഹാബലി ചക്രവര്ത്തി തിരികെപ്പോയത്.