Image

ആകാശ സ്വപ്നങ്ങൾ ( കവിത: രമണി അമ്മാൾ )

Published on 11 August, 2020
ആകാശ സ്വപ്നങ്ങൾ ( കവിത: രമണി അമ്മാൾ )
മണ്ണടരുകൾക്കുളളിലെ
നേർത്ത 
സുഷിരങ്ങളിൽക്കൂടി
പൂക്കുറ്റി 
ചിതറുമ്പോൽ
പൊങ്ങിപ്പറക്കുന്നീയാം
പാറ്റകൾ,
അല്പായുസ്സുകൾ
മഴതോർന്ന
മൂവന്തി
കുന്നിൻചരിവീന്നിരുൾ
കൈകൾ നീളുന്നു
കോലായിലെ
നിറതിരി വെട്ടം 
ഭ്രമിച്ചതിൻ ചുറ്റുമുന്മാദ 
ലഹരിയിലാറാടിപ്പറ-
ന്നൊടുവിൽ
ചിറകു കരിഞ്ഞു
നിപതിക്കുവാൻ
മണ്ണിൽ.
പകലുദിക്കെ, 
കാകനും
കിളികൾക്കുമുറുമ്പിനും
മൃഷ്ടാന്നം
ചിറകുകരിഞ്ഞൊരാ-
കാശ സ്വപ്നങ്ങൾ...

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക