കോവിഡ്‌ പഠിപ്പിക്കുന്നത് ( രാജൻ കിണറ്റിങ്കര)

SAHITHYAM 13-Jul-2020
SAHITHYAM 13-Jul-2020
Share
image
സ്വന്തം ഹൃദയത്തോട്
തനിച്ചിരുന്ന്
ഒന്ന് സംസാരിക്കുന്നത്

അനുഭവിച്ച
സ്വാതന്ത്ര്യത്തിന്റെ
വിലയെന്തെന്ന്

മുഖമല്ല അകമാണ്
സൗന്ദര്യത്തോടെ
കാക്കേണ്ടതെന്ന്

ചുവരുകൾ
ബന്ധനങ്ങളല്ല
കവചങ്ങളാണെന്ന്

സ്വന്തം അടുക്കളയിലെ
ഭക്ഷണത്തിന്റെ
രുചിയെന്തെന്ന്

ആയിരം സൗഹൃദത്തിലും
ഒറ്റപ്പെട്ടു പോകുന്ന
ചില നിമിഷങ്ങളുണ്ടെന്ന്

വരുമാനമില്ലെങ്കിലും
എങ്ങനെ
ജീവിക്കണമെന്ന്

എത്ര ഓടിയാലും
ഒടുവിലഭയസ്ഥാനം
സ്വന്തം വീടെന്ന്

യാത്രകളില്ലാതെ
ദിവസങ്ങളെങ്ങനെ
ചിലവഴിക്കാമെന്ന്

ജീവിതത്തിലെ  
പൊയ്മുഖങ്ങളെ  
എങ്ങിനെ ഒളിപ്പിക്കണമെന്ന്

മുന്നിലെ ആപത്തിനേക്കാൾ  
അദൃശ്യനായ ശത്രുവിനെ
ഭയക്കണമെന്ന്

ഒറ്റപ്പെടലിന്റെ നീറ്റലിൽ
അറിയാതെ എത്തുന്ന  
ചില കരങ്ങളുണ്ടെന്ന്

നമ്മളില്ലാതെ
ഒന്നും ശരിയാവില്ലെന്നത്
വെറും മിഥ്യയാണെന്ന്

മരണത്തിലും
തനിച്ചായി പോകുന്ന
അവസരങ്ങളുണ്ടെന്ന്

ഒടുവിൽ
ഇന്നലെകളിലേക്കൊന്ന്
തിരിഞ്ഞു നടക്കാൻ

കൊഴിഞ്ഞുവീണ
പ്ലാവിലകളിൽ ചവിട്ടി
പച്ചപ്ലാവിലയുടെ
ആയുസ്സളക്കാൻ ..

കൊവിഡ്
ലോകത്തെ പലതും
പറയാതെ പഠിപ്പിക്കുന്നു



Facebook Comments
Comments.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section