വർണ്ണപ്പട്ടം (കവിത: ബിന്ദു രാമചന്ദ്രൻ)

SAHITHYAM 08-Jul-2020
SAHITHYAM 08-Jul-2020
Share
image
ലോകമൊരു നറു നീല വാനമായെങ്കിൽ
നീയതിൽ ബഹുവർണ്ണ പ്പട്ടമായെങ്കിൽ
അതിനൊറ്റ നൂലെന്റെ കയ്യിലുണ്ടെങ്കിൽ
ഇതിനേക  ചാലകം വിരൽമുദ്രയെങ്കിൽ
ഉയിരെന്നെ ഏൽപ്പിച്ചു നീ ഉയരുമെങ്കിൽ
ഉയരങ്ങൾ താണ്ടി പ്പറന്നീടുമെങ്കിൽ
കാറു വന്നോട്ടെയൊരു കോളു വന്നോട്ടെ
ചാറ്റൽ മഴ ചാമരം വീശി നിന്നോട്ടെ
കാലിടറിയെൻ കാഴ്ച്ച മങ്ങി നിന്നോട്ടെ
പൂഴിയിലൊരാളൽ  പതുങ്ങി വന്നോട്ടെ
എൻവിരൽതുമ്പിൽ നിൻ   പ്രാണപ്രയാണങ്ങൾ
മന്ത്രമുഗ്ദo  കാത്തു ഞാനിരുന്നേനെ .
 ഒരുവേള പാറിത്തളർന്നു നീ താഴെ
ഇടവേള തേടി  ഇടയ്ക്കെന്നെ
നോക്കെ
മെല്ലെ  ഞാൻ  പൊട്ടാതടുപ്പിച്ചു  നിന്നെ
തെല്ലും നനയാതണച്ചു ചേർത്തേനെ
വിണ്ണിൽ വെറും വ്യർത്ഥ,മിന്ദ്രചാപം  എന്നെൻ
കണ്ണിൻ കയങ്ങളിൽ നീ അറിഞ്ഞേനെ.


Facebook Comments
Comments.
image
രാജു തോമസ്
2020-07-09 08:01:09
ഹാവൂ! ഒന്നുറക്കെ ചൊല്ലിക്കൊളൂ. വക്കിൽനിന്നു വാക്ക് അനർഗ്ഗളമൊഴുകുന്നു. ഒടുവിലതാ, അതിമനോഹരമായൊരു ഗുംഭനം.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
News in this section