പ്രധാനമന്ത്രി നരേന്ദ്ര മോദി ലേയില് പരിക്കേറ്റ സൈനികരെ സന്ദര്ശിച്ചത് സൈനിക ആശുപത്രിയില് തന്നെയെന്നു കരസേന. പ്രധാനമന്ത്രിയുടെ സന്ദര്ശനത്തിനായി പ്രത്യേക ചികിത്സാകേന്ദ്രം ഒരുക്കിയെന്ന പ്രചാരണം അപകീര്ത്തിപരമാണെന്നു കരസേന പ്രസ്താവനയില് അറിയിച്ചു.
ആശുപത്രി കൊറോണ ചികിത്സാ കേന്ദ്രം കൂടി ആയതിനാല് പരിക്കേറ്റ സൈനികര്ക്കായി പ്രത്യേക ചികിത്സാ കേന്ദ്രം ഒരുക്കിയിരുന്നു. അതിര്ത്തിയിലെ സംഘര്ഷത്തില് പരിക്കേറ്റ
സൈനികര് എത്തിയതു മുതല് ഈ പ്രത്യേക കേന്ദ്രത്തിലാണ് ചികിത്സ നല്കുന്നത്.
നേരത്തെ, കരസേനാ മേധാവിയും മറ്റ് സൈനിക ഉദ്യോഗസ്ഥരും ഇവിടെ തന്നെ എത്തിയാണ്പരിക്കേറ്റ സൈനികരെ സന്ദര്ശിച്ചത്.
പ്രധാനമന്ത്രിയുടെ സന്ദര്ശനത്തെ തെറ്റായ രീതിയില്പ്രചരിപ്പിക്കരുതെന്നും അത്തരത്തിലുള്ള പ്രചാരണം സൈന്യത്തിന്റെ ആത്മവിശ്വാസം ഇല്ലാതാകുമെന്നും സേന വിശദമാക്കി. പ്രധാനമന്ത്രിയുടെ സന്ദര്ശനത്തിന്റെ ചിത്രങ്ങളില് പ്രൊജക്ടറും സ്ക്രീനും ഉള്ളത് ചൂണ്ടിക്കാട്ടിയായിരുന്നു വിമര്ശനങ്ങള് ഉയര്ന്നത്.