ന്യൂയോര്ക്ക്: ട്രംപിന്െറ വിസവിലക്ക് ഇന്ത്യക്ക് ഏല്പിക്കുന്നത് ഇരട്ടി ആഘാതം. യു.എസിലേക്ക് കുടിയേറാന് കൊതിച്ച പതിനായിരങ്ങള്ക്ക് അവസര നിഷേധത്തിനുപുറമെ മുന്നിര ഇന്ത്യന് കമ്പനികള്ക്ക് വരുമാനനഷ്ടവുമാണ് കാത്തിരിക്കുന്നത്. യു.എസിലെ ഇന്ത്യന് കമ്പനികള് സ്വദേശികളെ അപേക്ഷിച്ച് വേതനം കുറവുള്ള ഇന്ത്യക്കാരെയാണ് തൊഴില്മേഖലയില് പരിഗണിക്കുന്നത്. നിരോധനംവരുന്നതോടെ പുതിയ നിയമനങ്ങള് പൂര്ണമായി അമേരിക്കക്കാരായി മാറും. ട്രംപിന്െറ നയങ്ങള്മൂലം 2017 മുതല് യു.എസില് സ്വദേശികള്ക്ക് ഈമേഖലയില് പ്രാതിനിധ്യം വര്ധിച്ചുവരുകയാണ്. കഴിഞ്ഞ അഞ്ചുവര്ഷത്തിനിടെ 20,000 യു.എസ് പൗരന്മാര്ക്കാണ് നിയമനം നല്കിയതെന്ന് മുന്നിര സോഫ്റ്റ്വേര് കമ്പനിയായ ടാറ്റ കണ്സല്ട്ടന്സി സര്വിസസ് പറയുന്നു.
ഇന്ഫോസിസ് 10,000 പേരെയും എടുത്തിട്ടുണ്ട്. മുന്നിരയിലെ അഞ്ച് ഇന്ത്യന് കമ്പനികളുടെ 45 -70 ശതമാനവും പുതിയതായി സ്വദേശികളാണെന്ന് ഗോള്ഡ്മാന് സാക്സ് റിപ്പോര്ട്ട് പറയുന്നു. നിരവധി ഇന്ത്യക്കാര് സേവനം ചെയ്യുന്ന ഗൂഗിള് പോലുള്ള ബഹുരാഷ്ട്ര കമ്പനികളെയും ബാധിക്കും. എച്ച്1ബി വിസ ഏറ്റവും കൂടുതല് നല്കുന്നത് ഓണ്ലൈന് വ്യാപാര ഭീമനായ ആമസോണാണ്. രണ്ടാമത് ഗൂഗ്ളും മൂന്നാം സ്ഥാനത്ത് ഇന്ത്യന് കമ്പനി ടാറ്റ കണ്സള്ട്ടന്സിയും.