ടി.പി.ചന്ദ്രശേഖരന്റെ വധത്തിന് പിന്നില് ഒരു വ്യവസായി ആണെന്ന് കേസില്
അറസ്റ്റ് ചെയ്യപ്പെട്ട സി.പി.എം. ഒഞ്ചിയം ഏരിയ സെക്രട്ടറി സി.എച്ച്.
അശോകന്. ഹൈക്കോടതിയില് സമര്പ്പിച്ച ജാമ്യഹര്ജിയിലാണ് അശോകന് ഇക്കാര്യം
പറഞ്ഞത്. ടി.പി.ചന്ദ്രശേഖരന്റെ കൊലപാതകം ഒരു രാഷ്ട്രീയ കൊലപാതകമല്ലെന്നും ഈ
വ്യവസായിക്ക് ടി.പി.ചന്ദ്രശേഖരനോട് വൈരാഗ്യമുണ്ടായിരുന്നുവെന്നും അശോകന്
ഹര്ജിയില് പറഞ്ഞു. ഈ വ്യവസായിക്ക് കോണ്ഗ്രസ് നേതാക്കളുമായി അടുത്ത
ബന്ധമുണ്ടെന്നും അശോകന് പറഞ്ഞു. എന്നാല്, വ്യവസായിയുടെ പേര് ഹര്ജിയില്
പറഞ്ഞിട്ടില്ല.
അഴിയൂരിലെ ഒരു കുടിവെള്ള ബോട്ടിലിങ് പ്ലാന്റുമായി
ബന്ധപ്പെട്ടാണ് ഈ വ്യവസായിക്ക് ചന്ദ്രശേഖരനോട് വൈരാഗ്യം ഉണ്ടാകുന്നത്. ഏറെ
വിവാദങ്ങള് സൃഷ്ടിച്ച ഈ പ്ലാന്റിനെതിരെ ചന്ദ്രശേഖരന് ബഹുജനങ്ങളെ
അണിനിരത്തി സമരം സംഘടിപ്പിച്ചിരുന്നു. ഈ സമരം കാരണം ലക്ഷക്കണക്കിന് രൂപ
മുതലിറക്കിയ പ്ലാന്റ് ആരംഭിക്കാന് കഴിഞ്ഞിരുന്നില്ല. ഇതിന്റെ
വൈരാഗ്യമായിരിക്കാം ചന്ദ്രശേഖരന്റെ കൊലപാതകത്തിന്റെ കാരണം.