ന്യൂഡല്ഹി: കേന്ദ്ര സര്ക്കാരിന്റെ സാന്പത്തിക പാക്കേജിനെ അഭിനന്ദിച്ച് കോണ്ഗ്രസ് നേതാവ് രാഹുല് ഗാന്ധി. ശരിയായ ദിശയിലേകൊറോണ വൈറസ് വ്യാപനത്തിന്റെ പശ്ചാത്തലത്തില് 1.7 ലക്ഷം കോടി രൂപയുടെ സാന്പത്തിക പാക്കേജാണ് ധനമന്ത്രി നിര്മല സീതരാമന് പ്രഖ്യാപിച്ചത്.
ആരോഗ്യ പ്രവര്ത്തകര്ക്ക് 50 ലക്ഷത്തിന്റെ ഇന്ഷുറന്സ്, ആശാവര്ക്കര്മാര് ഉള്പ്പെടെയുള്ളവര്ക്കു പാക്കേജ്, 20 ലക്ഷം ജീവനക്കാര്ക്ക് ഇന്ഷുറന്സ്, ദിവസ വേതനക്കാര്ക്കു സഹായം എന്നിവയാണ് പാക്കേജിലെ പ്രധാന പ്രഖ്യാപനങ്ങള്.
പ്രധാനമന്ത്രി ഗരീബ് കല്യാണ് യോജന പദ്ധതിയും പ്രഖ്യാപിച്ചു. അഞ്ച് കിലോ അരിയും ഗോതന്പും സൗജന്യമായി നല്കും. മൂന്ന് മാസത്തേക്കാണ് ഭക്ഷ്യധാന്യങ്ങള് കിട്ടുക. നിലവില് കിട്ടുന്നതിന് പുറമേയാണിത്. ഭക്ഷ്യധാന്യങ്ങള് രണ്ടുഘട്ടമായി വാങ്ങാം. 80 കോടി പാവപ്പെട്ടവര്ക്ക് ആനുകൂല്യം ലഭിക്കും.
ജന്ധന് അക്കൗണ്ടുള്ള സ്ത്രീകള്ക്ക് 1500 രൂപ അനുവദിക്കും. മുതിര്ന്ന പൗരന്മാര്ക്കും വിധവകള്ക്കും ഭിന്നശേഷിക്കാര്ക്കും 2000 രൂപ അനുവദിക്കും. തൊഴിലുറപ്പ് പദ്ധതിയുടെ വേതനവും കൂട്ടി. നിലവിലുള്ള 182 രൂപ 202 രൂപയാക്കി. മാസം രണ്ടായിരം രൂപയുടെ വര്ധനയാണ് നിലവില് വരുന്നത്. കര്ഷകര്ക്കും ധനസഹായം ഉറപ്പുവരുത്തും. 8.69 കോടി കര്ഷകര്ക്ക് 2000 രൂപ ഉടന് നല്കും.
ഉജ്ജ്വല പദ്ധതിയിലുള്ള ബിപിഎല് പരിധിയില്പെട്ട എട്ട് കോടി ആളുകള്ക്ക് മൂന്നു മാസത്തേക്ക് സൗജന്യ സിലിണ്ടര് അനുവദിക്കും. വനിതാ സ്വയം സഹായ സംഘങ്ങള്ക്ക് 20 ലക്ഷം വായ്പ നല്കും. ഇതിലൂടെ 63 ലക്ഷം സ്വയം സഹായ സംഘങ്ങള്ക്ക് പ്രയോജനം ലഭിക്കും.
100 ജീവനക്കാര് വരെയുള്ള കന്പനികളിലെ മൂന്നു മാസത്തെ ഇപിഎഫ് വിഹിതം സര്ക്കാര് നല്കുമെന്നും പ്രഖ്യാപനത്തില് പറയുന്നു.ക്കുള്ള ആദ്യ ചുവടുവയ്പാണ് ഇപ്പോള് സര്ക്കാര് നടത്തിയിരിക്കുന്നതെന്ന് രാഹുല് അഭിനന്ദിച്ചു.
കേന്ദ്രസര്ക്കാരിന്റെ സാന്പത്തിക സഹായ പാക്കേജ് പ്രഖ്യാപനം ശരിയായ ദിശയിലേക്കുള്ള ആദ്യ ചുവടുവയ്പാണ്. നിലവിലെ ലോക്ക്ഡൗണിന്റെ ആഘാതം പേറേണ്ടിവരുന്ന കര്ഷകരോടും ദിവസക്കൂലിക്കാരോടും തൊഴിലാളികളോടും സ്ത്രീകളോടും പ്രായമായവരോടും ഇന്ത്യക്ക് കടപ്പാടുണ്ടെന്നും അദ്ദേഹം ട്വിറ്ററില് കുറിച്ചു.