നൊസ്റ്റാള്‍ജിയ ഇഷ്ടപ്പെടാത്തവര്‍ ചുരുക്കമാവും. ഓര്‍മകള്‍ക്കു സുഗന്ധമുള്ളിടത്തോളം കാലം മധുരമൂറുന്ന ഗാനങ്ങള്‍ കേള്‍ക്കുമ്പോഴും മനസ്സില്‍ കുളിരൂറും. ആ ഓര്‍മകളില്‍ പ്രണയം കൂടിയുണ്ടെങ്കില്‍ പിന്നെ പറയുകയും വേണ്ട. അതിമധുരം. അത്തരം സുഖമുള്ളൊരു ഓര്‍മക്കാലത്തേക്ക് കൂട്ടിക്കൊണ്ടു പോകുന്ന ഒരു ഗാനമാണിത്. മലയാളത്തിന്റെ സ്വന്തം ഭാവഗായകന്‍ പി ജയചന്ദ്രന്റേതാണ് ആലാപനം. 

വിധുമുഖി എന്ന ആല്‍ബത്തിലേതാണ് ഈ ഗാനം. അരുണ്‍ വി അക്ഷയ് ആണ് സംഗീതം. കിഷോര്‍ വട്ടേക്കാട്ട് ആണ് സംവിധാനം ചെയ്തിരിക്കുന്നത്. തായ് പ്രശാന്ത് ആണ് ഛായാഗ്രഹണം. വിഷ്ണു ബാലകൃഷ്ണന്‍, ശ്രീദുര്‍ഗ, കിഷോര്‍ വട്ടേക്കാട്ട്, ബിന്ദു വിജയ്, റഷീദ് ലക്കിടി എന്നിവരാണ് അഭിനയിച്ചിരിക്കുന്നത്.