ചിക്കാഗോയില് വി.എസ്താപ്പാനോസിന്റെ തിരുനാളും, സ്റ്റീഫന് നാമധാരികളുടെ സംഗമവും നടത്തി
ജോയിച്ചന് പുതുക്കുളംPublished on 29 December, 2019
ചിക്കാഗോ സെന്റ് മേരീസ് ക്നാനായ ദൈവാലയത്തില് ഡിസംബര് 29 ഞായറാഴ്ച വി.എസ്താപ്പാനോസിന്റെ തിരുനാളും സ്റ്റീഫന് നാമധാരികളുടെ സംഗമവും നടത്തപ്പെട്ടു . രാവിലെ 10 മണിക്ക് ബഹുമാനപ്പെട്ട ബിന്സ് ചേത്തലില് അച്ചന്റെ കാര്മികത്വത്തില് ദിവ്യബലി അര്പ്പിക്കപ്പെട്ടു.
ക്രിസ്തുവിനെ ഉള്ളില് പേറുന്നവര്ക്ക് കാത്തിരിക്കുന്നത് കല്ലേറാണന്നും അവയുടെ മുന്പില് പതറാതെ ക്രിസ്തുവിശ്വാസം ചേര്ത്ത് പിടിക്കുന്നവര്ക്ക് സ്വര്ഗ്ഗം നല്കി ദൈവം വാരിപ്പുണരും എന്ന് വി.കുര്ബ്ബാനമധ്യേ നടത്തിയ സന്ദേശത്തില് ഫാ. ബിന്സ്ചേത്തലില് പങ്കുവെച്ചു . അനേകം പ്രസുദേന്തിമാര് ഏറ്റു നടത്തിയ തിരുനാളില് നൂറ് കണക്കിന് വിശ്വാസികള് പങ്കെടുത്തു.
തുടര്ന്ന് സെന്റ് മേരീസ് ഇടവകയിലുള്ള സ്റ്റീഫന് നാമധാരികളുടെ സംഗമവും നടത്തപ്പെട്ടു . തിരുനാളില് കല്ലും തുവാല നേര്ച്ചയായി എടുത്ത് അനേകര് പ്രാര്ത്ഥനകള് സമര്പ്പിച്ചു. സ്റ്റീഫന് ചൊള്ളമ്പേല് (പി.ആര്.ഒ) അറിയിച്ചതാണിത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല