തിരുവനന്തപുരം: പൗരത്വ നിയമ ഭേദഗതിക്കും ദേശീയ പൗരത്വ രജിസ്റ്ററിനുമെതിരെ 17ന് വിവിധ സംഘടനകള് പ്രഖ്യാപിച്ച ഹര്ത്താലിനെതിരെ സി.പി.എം. അതിവിശാലമായ ജനകീയ പ്രസ്ഥാനം കെട്ടിപ്പടുക്കുന്ന ഈ സാഹചര്യത്തില് ചില സംഘടനകള് മാത്രം പ്രത്യേകമായി ഹര്ത്താലിന് ആഹ്വാനം നല്കിയത് ജനകീയ യോജിപ്പിനെ സഹായിക്കുന്ന ഒന്നല്ലെന്ന് സി.പി.എം പ്രസ്താവനയില് പറയുന്നു.
ജനങ്ങളെ മതപരമായി ഭിന്നിപ്പിക്കാന് ശ്രമിക്കുന്ന ബി.ജെ.പിയുടെ കെണിയില്പ്പെടുന്നതിന് സമമാണത്. ജനങ്ങളുടെ വിപുലമായ യോജിപ്പ് വളര്ത്താന് താത്പര്യമുള്ളവര് ഇത്തരത്തിലുള്ള ഒറ്റപ്പെട്ട നീക്കങ്ങളില് നിന്ന് പിന്തിരിയണമെന്ന് സി.പി.എം പ്രസ്താവനയില് അഭ്യര്ത്ഥിക്കുന്നു. ഡിസംബര് 19ന് അഖിലേന്ത്യാ പ്രതിഷേധദിനമായി ആചരിക്കുവാന് ഇടതുപക്ഷ പാര്ട്ടികള് ആഹ്വാനം ചെയ്തിട്ടുണ്ട്. കേരളത്തില് ഭരണപ്രതിപക്ഷ വ്യത്യാസമില്ലാതെ 16ന് നടക്കുന്ന യോജിച്ച പ്രതിഷേധം ഇന്ത്യയ്ക്കു തന്നെ മാതൃകയാണെന്നും പ്രസ്താവനയില് പറയുന്നു.
എന്.ആര്.സി, പൗരത്വ ഭേദഗതി നിയമം എന്നിവയിലൂടെ രാജ്യത്തെ വിഭജിക്കാനുള്ള നീക്കത്തിനെതിരെ വിവിധ രാഷ്ട്രീയ പാര്ട്ടികളുടെയും നവസാമൂഹിക പ്രസ്ഥാനങ്ങളുടെയും സംയുക്തസമിതിയാണ് ചൊവ്വാഴ്ച ഹര്ത്താല് പ്രഖ്യാപിച്ചത്. വേണ്ടത്ര പ്രതിഷേധം സംസ്ഥാനത്ത് ഉയര്ന്നുവരാത്ത സാഹചര്യത്തിലാണ് വിവിധ രാഷ്ട്രീയ പാര്ട്ടികളുടെയും നവസാമൂഹിക പ്രസ്ഥാനങ്ങളുടെയും സംയുക്തയോഗം 17ന് ഹര്ത്താലിന് ആഹ്വാനം ചെയ്തതെന്ന് സമിതി പ്രസ്താവനയില് പറഞ്ഞിരുന്നു. ജനാധിപത്യപരവും സമാധാനപരവും ജനകീയവുമായിരിക്കും ഹര്ത്താല്. ശബരിമല തീര്ഥാടകര്ക്ക് ഒരുവിധ അസൗകര്യങ്ങളും ഉണ്ടാകില്ല. അന്ന് നടക്കുന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള ഉപതെരഞ്ഞെടുപ്പിനോ മറ്റ് അടിയന്തര ആവശ്യങ്ങള്ക്കോ തടസ്സവുമുണ്ടാകാത്ത വിധത്തിലാകും ഹര്ത്താല് നടക്കുകയെന്നും വിവിധ സംഘടന നേതാക്കള് പ്രസ്താവനയില് വ്യക്തമാക്കുന്നു.
സംയുക്ത പ്രക്ഷോഭത്തിന് പി.ഡി.പി ഐക്യദാര്ഢ്യം
തിരുവനന്തപുരം: പൗരത്വ ഭേദഗതി നിയമത്തിനെതിരെ മുഖ്യമന്ത്രിയുടെയും പ്രതിപക്ഷ നേതാവിെന്റയും നേതൃത്വത്തില് കേരളം നടത്തുന്ന സംയുക്ത പ്രതിഷേധം സ്വാഗതാര്ഹമാണെന്നും തിങ്കളാഴ്ചത്തെ സമരത്തിന് പി.ഡി.പി ഐക്യദാര്ഢ്യം പ്രഖ്യാപിക്കുന്നതായും സംസ്ഥാന സെക്രേട്ടറിയറ്റ് അറിയിച്ചു. പ്രതിഷേധങ്ങള്ക്കപ്പുറം പൗരാവകാശം സംരക്ഷിക്കാനും ജനങ്ങളുടെ ആശങ്കയകറ്റാനും കേരള നിയമസഭ അടിയന്തര ഇടപെടല് നടത്തണം. 17ന് പ്രഖ്യാപിച്ച ഹര്ത്താലിെന്റ സംഘാടനത്തിലോ പ്രചാരണത്തിലോ പി.ഡി.പി പങ്കെടുക്കില്ല. എന്നാല്, പി.ഡി.പി പ്രവര്ത്തകര് സ്വന്തം വാഹനങ്ങള് നിരത്തിലിറക്കാതെയും സ്ഥാപനങ്ങള് അടച്ചിട്ടും ഹര്ത്താലിനോട് സഹകരിക്കും. പൗരത്വ പ്രശ്നത്തില് ജനാധിപത്യമാര്ഗത്തില് മതേതരകക്ഷികള് സംയുക്തമായി സംഘടിപ്പിക്കുന്ന തുടര്പ്രതിഷേധങ്ങളില് പി.ഡി.പി പങ്കാളിത്തമുണ്ടാകും.
ഹര്ത്താലിനെ പിന്തുണക്കില്ല -ഐ.എന്.എല്
കോഴിക്കോട്: പൗരത്വ നിയമത്തിെന്റ പേരില് ഡിസംബര് 17ന് ഹര്ത്താല് ആചരിക്കാനുള്ള ചിലരുടെ നീക്കം ഉപേക്ഷിക്കണമെന്നും പാര്ട്ടി പ്രവര്ത്തകര് ആരും അതിനോട് സഹകരിക്കേണ്ടതില്ലെന്നും ഐ.എന്.എല് സംസ്ഥാന പ്രസിഡന്റ് പ്രഫ. എ.പി. അബ്ദുല് വഹാബും ജന. സെക്രട്ടറി കാസിം ഇരിക്കൂറും അറിയിച്ചു. വിവാദ നിയമത്തിനെതിരെ വ്യാപക പ്രതിഷേധം അലയടിക്കുേമ്ബാള് ഹര്ത്താലിലൂടെ ജനങ്ങളെ ബുദ്ധിമുട്ടിക്കുന്നതുകൊണ്ട് ഒന്നും നേടാനില്ലെന്ന് നേതാക്കള് പ്രസ്താവനയില് പറഞ്ഞു.
പൗരത്വ ഭേദഗതി ബില്ലിനെതിരെ രാജ്ഭവന് മാര്ച്ച് 24ന്
തിരുവനന്തപുരം: പൗരത്വ ഭേദഗതി ബില്ലിനെതിരെ മുസ്ലിം കോഒാഡിനേഷന് കമ്മിറ്റി 24ന് രാജ്ഭവന് മാര്ച്ച് നടത്തുമെന്ന് ജനറല് കണ്വീനര് പാച്ചല്ലൂര് അബ്്ദുല് സലിം മൗലവി വാര്ത്തസമ്മേനത്തില് അറിയിച്ചു. രാജ്യത്തെ മതേതര ജനാധിപത്യത്തിെന്റ അടിത്തറ തകര്ക്കുന്ന ബില്ലാണിത്. ഇതിനെതിരെ സംസ്ഥാന വ്യാപക പ്രക്ഷോഭം സംഘടിപ്പിക്കും. രാജ്യത്തെ 30 കോടി മുസ്ലിംകള് ഈ വിഷയത്തില് ഒരേ വികാരത്തോടെ പ്രതിഷേധിക്കും. നിലനില്പിനായുള്ള പോരാട്ടമാണിതെന്നും അദ്ദേഹം പറഞ്ഞു.
ചെയര്മാന് കായിക്കര ബാബു, മുസ്ലിം പേഴ്സനല് േലാ ബോര്ഡ് അംഗം അബ്്ദുല് ഷുക്കൂര് മൗലവി, പോപുലര് ഫ്രണ്ട് ജില്ല പ്രസിഡന്റ് കരമന സലിം, നിസാര്, പാനിപ്ര ഇബ്രാഹിം തുടങ്ങിയവര് വാര്ത്തസമ്മേളനത്തില് പങ്കെടുത്തു.